SAN JUAN 6:62 - Chatino Tataltepec

⁶² ¿Ñi'ya̱ ta culacua ti' ma̱ lo'o ña'a̱ ma̱ jna' cha' tya'a na' ca su ngutu'u na' clyo, na' nu lijya̱a̱ chalyuu cha' caca na' ñati̱? ―nacui̱ Jesús ji'i̱ ngu' bi'―.

SAN JUAN 6:62 ပူးပေါင်းရင်းမြစ်များ

SAN MATEO 8:20

Nguxacui̱ Jesús cha' ji'i̱ mstru bi' li': ―Nu naa cuatya' ni, ne' xtyuu ni' ndyu'ú ni'; lo'o jua'a̱ quiñi sube, ne' xlyati̱ ndyu'ú ni'. Pana na' ni, cua nda Ni 'na lijya̱a̱ chalyuu re cha' caca na' ñati̱, lo'o jua'a̱ ná ntsu'u su xtyii na' caja' na', ná ntsu'u su chca'a̱ cña' na'.

SAN MARCOS 16:19

Lo'o ndye nchcui' Jesús nu Xu'na na, li' ngua'ni ycui' Ndyosi cha' ndu'u yu ndyaa yu nde cua̱; ndyaa tucua Jesús la'a tsu' cui̱ ji'i̱ ycui' Ndyosi ca bi'.

SAN LUCAS 24:51

Laja lo'o nclyacua̱ yu ji'i̱ ngu', hora ti ndu'u yu ndyaa yu nde cua̱ li'.

SAN JUAN 16:28

Nde su ndi'i̱ Sti na' ngutu'u na' lijya̱ na' nde chalyuu; lo'o juani cua tyu'u ti na' chalyuu, tsa'a na' ca slo Sti na' chaca quiya'.

SAN JUAN 17:11

’Nga'aa tyi'i̱ na' lo yuu chalyuu ―nacui̱ Jesús―, cha' cua tya̱a̱ ti na' nde su ntucua nu'u̱; pana ngu' bi', tya tyi'i̱ la ngu' nde chalyuu. Lubii tsa laca nu'u̱, Sti na', bi' cha' ndijña na' cha' clyu ti' jinu'u̱ cuentya ji'i̱ ngu' nu cua nda nu'u̱ 'na. Cua nti' na' cha' cua'a nu'u̱ ji'i̱ ngu' bi' lo'o juersa ji'i̱ ycui' nu'u̱, cha' ná quiñu'u̱ tyiquee ngu'. Ñi'ya̱ nu stu'ba cha' jinu'u̱ lo'o na' ―nacui̱―, jua'a̱ cua'ni nu'u̱ lo'o ngu' bi', cha' caca stu'ba cresiya ji'i̱ ngu' bi' lo'o tya'a ngu' nu ngusñi cha' jinu'u̱.

SAN JUAN 3:13

’Bilya tsaa ni tsaca ñati̱ ca slo ycui' Ndyosi. Sca ti na' nu nda ycui' Ndyosi 'na lijya̱a̱ cha' caca na' ñati̱, cua ndya'a̱ na' cajua, cha' cajua laca tyi na'.

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 6:42

Li' nacui̱ ngu': ―¿Ha si'i Jesús sñi' José laca nu jua? ―nacui̱ ngu'―. Cua nslo na ji'i̱ sti yu lo'o xtya'a̱ yu. ¿Ñi'ya̱ ndyu'u cha' nu nchcui' yu jua cha' cua ngutu'u yu ca su ntucua ycui' Ndyosi?

SAN JUAN 6:53

Li' nguxacui̱ Jesús cha' ji'i̱ ngu': ―Liñi tsa cha' nu nda na' lo'o ma̱ juani ―nacui̱―, ná taca ca tso'o cresiya ji'i̱ ma̱ si ná caja lcaa cha' nu ji'i̱ ycui' na' ji'i̱ ma̱, na' nu cua lijya̱a̱ chalyuu cha' caca na' ñati̱. Nga'a̱ cha' tyatí̱ cha' bi' ne' cresiya ji'i̱ ma̱, ñi'ya̱ si cacu ma̱, si co'o ma̱ sca na ―nacui̱ Jesús―.

LOS HECHOS 1:9

Lo'o cua ndye nchcui' Jesús cha' bi', laja lo'o na'a̱ ngu' ji'i̱ ndyiqui'ya ycui' Ndyosi ji'i̱ yu ndyaa yu nde cua̱ li'. Ndyacu̱' sca coo hichu̱' yu cha' nga'aa tyaca̱' ña'a̱ ngu' ji'i̱ yu.

1 PEDRO 3:22

Na cua ndyaa Jesucristo nde cua̱, lo'o juani ndi'i̱ yu la'a tsu' cui̱ ca su ntucua ycui' Ndyosi. Nu Jesucristo bi' ni, laca yu loo ji'i̱ lcaa xca̱ ji'i̱ ycui' Ndyosi, ji'i̱ lcaa ngu' nu laca cña, ji'i̱ lcaa cui'i̱ tso'o nu nchca xi ji'i̱; laca yu loo tsiya' ti.