SAN JUAN 6:60 - Chatino Tataltepec

⁶⁰ Lo'o ndyuna tyu̱u̱ tya'a ñati̱ nu ndyaca tsa'a̱ ji'i̱ Jesús cha' nu nchcui' yu, li' nacui̱ ngu' bi': ―Tlyu tsa cha' nchcui' nu cusu' re lo'o na. Tso'o la si nga'aa cuna na cha' bi' tsiya' ti.

SAN JUAN 6:60 ပူးပေါင်းရင်းမြစ်များ

SAN MATEO 11:6

Tso'o tsa caca tyiquee ñati̱ nu ña'a̱ ti tya nxñi cha' 'na, masi ná nchca cuayá' tso'o ti' lcaa cha'.

SAN JUAN 5:25

Lo'o jua'a̱ ta na' chaca cha' liñi lo'o ma̱ ―nacui̱―. Cua ngulala ti hora, cua la cui' hora ndyalaa juani, cha' xi'ya na' nu laca̱ Sñi' ycui' Ndyosi ji'i̱ lcaa ñati̱ nu ndi'i̱ chalyuu; ñi'ya̱ laca si na cua ngujuii ngu' laca, xqui'ya cha' cuxi nu ntsu'u ji'i̱ ngu'. Lo'o cuna ngu' bi' cha' nu chcui' na' lo'o ngu', li' caja chalyuu tso'o ji'i̱ ngu', lcaa ñati̱ nu xñi cha' jna' ―nacui̱ Jesús ji'i̱ ngu'―.

SAN JUAN 6:52

Li' nguxana ngu' judío bi', lye tsa nxlyú ngu' cha' hichu̱' tya'a ngu'. ―¿Ñi'ya̱ cua'ni nu jua si ta yu cuaña' ycui' ca yu cha' cacu na?― nacui̱ ngu' ji'i̱ tya'a ngu'.

SAN JUAN 6:64

Pana tya ntsu'u xi ngu' tya'a ndya'a̱ ma̱ nu ná jlya ti' jna' ―nacui̱ Jesús li'. Tya lo'o nguxana ti cha', tya li' ngua tii Jesús tilaca laca nu ná jlya ti' ji'i̱ yu, tilaca laca nu cujui' cresiya ji'i̱ yu ca tiya' la.

SAN JUAN 6:66

Lo'o jua'a̱ ngua li', ngua tyuju'u ti' tyu̱u̱ tya'a ngu' nu ndyaca tsa'a̱ ji'i̱ Jesús; nga'aa ntaja'a̱ ngu' bi' tya'a̱ lo'o yu.

SAN JUAN 7:3

Lo'o li' nacui̱ nu ngu' qui'yu tya'a Jesús: ―Tyu'u nu'u̱ su ndi'i̱ nu'u̱ re, yaa nu'u̱ nde loyuu su cuentya Judea tso'o la ―nacui̱ tya'a yu ji'i̱ Jesús―. Ntsu'u tsa ngu' nu ndyaca tsa'a̱ jinu'u̱ cajua; tso'o culu'u nu'u̱ xi cha' tlyu nu ndu'ni nu'u̱ ji'i̱ ngu' bi'.

SAN JUAN 8:31

Lo'o li' nda Jesús cha' lo'o ngu' judío nu jlya ti' ji'i̱ yu. ―Lo'o tyanu cha' nu nclyu'u na' ji'i̱ ma̱ ne' cresiya ji'i̱ ma̱, cha' ji'i̱ ycui' Ndyosi bi', li' chañi cha' laca ma̱ ñati̱ nu ndyaca tsa'a̱ jna' ―nacui̱ Jesús ji'i̱ ngu'―.

SAN JUAN 8:43

¿Ni cha' laca ná ndaca'a̱ jyaca̱ ma̱ ji'i̱ cha' nu nchcui' na' lo'o ma̱? ―nacui̱ Jesús ji'i̱ ngu' li'―. Ná nchca ji'i̱ ma̱ tsiya' ti caca cuayá' ti' ma̱ cha' nu nda na' lo'o ma̱ ―nacui̱ yu ji'i̱ ngu' judío bi'―.

HEBREOS 5:11

Cua quiña'a̱ tsa cha' nti' ya chcui' ya lo'o ma̱ cha' ji'i̱ Cristo, cha' quiña'a̱ tsa cha' tya lyiji ca cuayá' ti' ma̱. Pana ná nchca culu'u tso'o ya lcaa cha' bi' ji'i̱ ma̱; tlyu tsa cña caca, xqui'ya cha' ycui' cu'ma̱ ná ndyu'ni yala ma̱ cha' ca cuayá' ti' ma̱ cha' bi'.

2 PEDRO 3:16

Tyu̱u̱ tya'a quityi nguscua Pablo bi', pana sca ti cuayá' nchcui' ca ta'a quityi bi' ji'i̱ cha' ji'i̱ ycui' Ndyosi nu cua nchcui' na ji'i̱ juani. Ntsu'u xi cha' nu nguscua nu Pablo bi' nu tucui xi cha' caca cuayá' tso'o ti' na ji'i̱; lo'o jua'a̱ ntsu'u ngu' nu lye tsa nclyu'u cha' cuiñi xqui'ya quityi bi', cha' ná nchca cuayá' ti' ngu' bi' cha' bi' tsiya' ti. Ná ngua tsa'a̱ tso'o ngu' bi', cha' bilya ca cuayá' tso'o ti' ngu' cha' bi'; bi' cha' ni sca quityi ji'i̱ ycui' Ndyosi ná liñi nclu'u ngu' bi' ji'i̱. Pana tye cha' ji'i̱ ngu' bi' tsiya' ti xqui'ya cha' cuiñi nu nclu'u ngu' ji'i̱ tya'a ñati̱ ngu'.