SAN JUAN 6:35 - Chatino Tataltepec

³⁵ ―Ñi'ya̱ ndu'ni tyaja lo'o ndye ndyacu na ji'i̱, jua'a̱ cua'ni na' lo'o ñati̱, si xñi ngu' cha' jna' ―nacui̱ Jesús li'―. Ta na' sca chalyuu ji'i̱ ngu' su xcui' ndyaala' ti' ngu' ―nacui̱ Jesús ji'i̱ ngu' bi'―. Lo'o lcaa ñati̱ nu tyu'u cha' ji'i̱ ngu' lo'o na', nga'aa jña la ngu' xa' lo na cacu ngu'; lo'o xñi ngu' cha' jna', nga'aa tyucua nguityi ngu' li' ―nacui̱―.

SAN JUAN 6:35 ပူးပေါင်းရင်းမြစ်များ

SAN MATEO 11:28

Lcaa cu'ma̱ nu nga'aa talo ma̱ cha' ti'i̱ tsa cña nu ntsu'u ji'i̱ ma̱ nde chalyuu, nti' ma̱, ca̱a̱ ma̱ tyu'u cha' ji'i̱ ma̱ lo'o na' juani; ta na' chacuayá' cha' ti̱ ti tyi'i̱ tyiquee ma̱ li'.

SAN LUCAS 6:25

’Lo'o jua'a̱ tya'na tsa cu'ma̱ nu tso'o tsa nguaala' ti' ma̱ nde chalyuu juani, cha' quiña'a̱ tsa cha' caca nu lyiji ji'i̱ ma̱ nde loo la ―nacui̱ Jesús―. ’Lo'o jua'a̱ tya'na tsa cu'ma̱ nu lye tsa nxtyí lo'o ma̱ ji'i̱ tya'a ñati̱ ma̱; ca tiya' la, li' lo'o cu'ma̱ xi'ya ma̱ cha' lye tsa caca xñi'i̱ ti' ma̱ ―nacui̱ Jesús―.

SAN JUAN 4:15

Li' nguxacui̱ nu cuna'a̱ bi' cha' ji'i̱ Jesús: ―Ta clya nu'u̱ hitya bi' co'o na', cusu' ―nacui̱―, cha' nga'aa tyucua nguityi na', cha' nga'aa ta cña 'na cha' ca̱a̱ qui'ya na' hitya ca nde.

SAN JUAN 5:40

Pana ná ntaja'a̱ ma̱ jña ma̱ chalyuu tso'o bi' jna'.

SAN JUAN 6:37

Lcaa ñati̱ nu cua nda Sti na' jna', ngu' nu ngusñi cha' jna' ni, caca ngu' bi' ñati̱ 'na li'. Tucuá na' cha' ji'i̱ ngu' bi', ná culo'o na' ji'i̱ ngu' cha' tyaa ngu' chaca se'i̱.

SAN JUAN 6:41

Lo'o li' ná ndiya ti' ngu' judío cha' nchcui' Jesús lo'o ngu' ndi'ya̱: “Ñi'ya̱ nu ndu'ni tyaja, jua'a̱ cua'ni na' si xñi sca ñati̱ cha' jna'. Sca ti na' nu ngutu'u̱ ca su ntucua ycui' Ndyosi, sca ti na' taca cua'ni na' cha' tyaala' ti' ñati̱”, nacui̱ Jesús. Nda tsa ngu' cha' lo'o tya'a ngu' cha' ná tso'o cha' bi'.

SAN JUAN 6:65

Li' nacui̱ Jesús: ―Bi' cha' nacui̱ na' ji'i̱ ma̱ tsa̱ cha' ná tucui caca ñati̱ jna' si ná cua'ni Sti na' cha' ñati̱ 'na caca ngu' bi'.

APOCALIPSIS 22:17

―Tya̱a̱ ma̱ ca nde ―nacui̱ nu laca Xtyi'i ycui' Ni. La cui' jua'a̱ laca cha' nu nda lcaa na nu ngusñi na cha' ji'i̱ ycui' Ndyosi, tyucui ña'a̱ taju ñati̱ tya'a na nu ntsu'u cha' ji'na lo'o nu ñi'ya̱ ña'a̱ xlya' bi'. Lo'o li' la cui' jua'a̱ nga'a̱ cha' chcui' lcaa na nu ndyuna na cha' re: ―Tya̱a̱ cu'ma̱ lo'o cua ―ñacui̱ na li'. Lcaa ñati̱ nu lyiji tsa cha' ji'i̱, tya̱a̱ ngu' cha' co'o ngu' hitya nu ta ycui' Ndyosi ji'i̱ ngu' xlya'be ti; caja chalyuu cucui nu ta ycui' Ndyosi ji'i̱ ngu' li', lcaa ñati̱ nu nti' tsa cha' caja cha' bi' ji'i̱.

APOCALIPSIS 7:16

Nga'aa tyucua cha' ntyute' ngu' bi' chaca quiya', ni nga'aa tyucua cha' nguityi ngu' hitya; nga'aa tsumi̱' xee cua̱ ji'i̱ ngu', ni nga'aa ca chiya'a̱ ti' ngu' lo'o tyique' cua̱.