SAN JUAN 6:32 - Chatino Tataltepec

³² Li' nchcui' Jesús lo'o ngu' chaca quiya': ―Liñi tsa cha' nu nchcui' na' lo'o ma̱ juani: Ycui' Ndyosi Sti na' laca nu ta cha' tso'o nu cacu ma̱, la cui' cha' bi' laca nu ndyu'u nde su ndi'i̱ ycui' Ni; si'i la cui' cha' ñi'ya̱ nu nda jyo'o Moisés ndyacu ngu' cua sa'ni ―nacui̱―.

SAN JUAN 6:32 ပူးပေါင်းရင်းမြစ်များ

SAN JUAN 1:9

Nu laca xee nu chañi ca, cua lijya̱ yu bi' lo yuu cha' ta xee nu caca tyu'ú ne' cresiya ji'i̱ cua ña'a̱ ca ñati̱.

SAN JUAN 15:1

’Na' laca̱ ñi'ya̱ laca sca su̱u̱ yaca nu nda si'yu tyixi, jua'a̱ laca na' ―nacui̱ Jesús ji'i̱ ngu'―. Lo'o ycui' Ndyosi Sti na' laca nu ca ji'i̱ yaca bi'.

SAN JUAN 6:31

Cua nda ycui' Ndyosi na ndyacu jyo'o cusu' ji'na lo'o nguta'a̱ yu'u ngu' lo nati̱' btyi nu ngua sa'ni li'. Ndi'ya̱ nscua lo quityi cusu' ji'i̱ cha' bi': “Cua nda Ni na ndyacu ngu', na nu ngutu'u ca su ntucua ycui' Ndyosi ngua'ya nde lo yuu”.

SAN JUAN 6:33

Juani ta Sti na' sca lo cha' tso'o nu cacu ma̱ nu chañi cha' cua'ni cha' tyaala' ti' ma̱ lo'o caja cha' bi' ji'i̱ ma̱, ñi'ya̱ laca lo'o ndyacu ma̱ tyaja. Ndu'u cha' tso'o bi' ca su ndi'i̱ ycui' Ndyosi, lijya̱ bi' nde lo yuu, nda bi' chalyuu nu ná nga'a̱ cha' tye ji'i̱ ma̱.

SAN JUAN 6:35

―Ñi'ya̱ ndu'ni tyaja lo'o ndye ndyacu na ji'i̱, jua'a̱ cua'ni na' lo'o ñati̱, si xñi ngu' cha' jna' ―nacui̱ Jesús li'―. Ta na' sca chalyuu ji'i̱ ngu' su xcui' ndyaala' ti' ngu' ―nacui̱ Jesús ji'i̱ ngu' bi'―. Lo'o lcaa ñati̱ nu tyu'u cha' ji'i̱ ngu' lo'o na', nga'aa jña la ngu' xa' lo na cacu ngu'; lo'o xñi ngu' cha' jna', nga'aa tyucua nguityi ngu' li' ―nacui̱―.

SAN JUAN 6:41

Lo'o li' ná ndiya ti' ngu' judío cha' nchcui' Jesús lo'o ngu' ndi'ya̱: “Ñi'ya̱ nu ndu'ni tyaja, jua'a̱ cua'ni na' si xñi sca ñati̱ cha' jna'. Sca ti na' nu ngutu'u̱ ca su ntucua ycui' Ndyosi, sca ti na' taca cua'ni na' cha' tyaala' ti' ñati̱”, nacui̱ Jesús. Nda tsa ngu' cha' lo'o tya'a ngu' cha' ná tso'o cha' bi'.

SAN JUAN 6:50

Ndi'ya̱ nchcui' na' lo'o ma̱ juani ―nacui̱ Jesús―, cuentya ji'i̱ la cui' cha' tso'o nu ta Ni ji'i̱ ñati̱, nu chañi cua'ni cha' tyaala' ti' ngu': slo ycui' Ndyosi ngutu'u cha' tso'o bi', lijya̱ bi' chalyuu; chañi cha' lo'o cacu sca ñati̱ ji'i̱ na bi', ná nga'a̱ cha' tye chalyuu ji'i̱ ngu' li'.

SAN JUAN 6:55

Chañi cha' taca caja tyucui ña'a̱ ycui' na' ji'i̱ ma̱, ñi'ya̱ laca si caja cuaña' na' cha' cacu ma̱, ñi'ya̱ laca si caja tañi na' cha' co'o ma̱.

SAN JUAN 6:58

Na' laca̱ nu cha' tso'o nu cacu ngu' bi' ―nacui̱ Jesús ji'i̱ ngu'―, cha' ngutu'u na' nde slo ycui' Ndyosi lijya̱ na' lo yuu; si'i la cui' tya'a na nu ndyacu jyo'o cusu' ji'na lo nati̱' btyi cua sa'ni ―nacui̱―. Nga'aa lu'ú ngu' bi' juani, masi cua ndyacu ngu' cha' bi' nu ngua sa'ni li'; pana lo'o caja cha' tso'o bi' ji'i̱ ma̱ cha' cacu ma̱ ―nacui̱―, ná nga'a̱ cha' tye chalyuu ji'i̱ ma̱ li'.

GÁLATAS 4:4

Pana lo'o cua ndyalaa tsa̱ nu ndu'u scua cha' nu ngüiñi ji'i̱ Ni lo'o na, li' cua nda ycui' Ndyosi ji'i̱ Sñi' ycui' ca Ni ñaa chalyuu; sñi' sca nu cuna'a̱ ngu' judío ngua nu Jesús bi', lo'o jua'a̱ ndaquiya' tsa yu ji'i̱ lcaa cha' cusu' nu jlya ti' ngu' judío.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.