SAN JUAN 5:6 - Chatino Tataltepec

⁶ Lo'o na'a̱ Jesús ji'i̱ nu quicha bi' ca su ntsiya, li' ngua cuayá' ti' yu cha' cua sa'ni ntsiya. Li' nchcuane Jesús ji'i̱ nu quicha bi' si chañi cha' nti' tyaca tso'o.

SAN JUAN 5:6 ပူးပေါင်းရင်းမြစ်များ

SAN LUCAS 18:41

―¿Na laca nu nti' nu'u̱ cha' cua'ni na' lo'o nu'u̱? ―nacui̱ Jesús ji'i̱. ―Cusu' ―nacui̱ yu―, nti' na' cha' cua'ni nu'u̱ jo'o ji'i̱ si'yu cloo na' ―nacui̱ nu cuityi̱' bi'.

SAN JUAN 21:17

Cua ngua sna quiya' nu nchcuane Jesús ji'i̱: ―¿Ha chañi hi̱ cha' ntsu'u tyiquee nu'u̱ ña'a̱ 'na? Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱: ―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱. ―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―.

SAN JUAN 5:5

Cua ntsiya sca nu quicha quiya' ca bi'; cua calaa tyii ntucua snu' yija̱ ntsiya quicha.

SAN JUAN 5:7

―Cusu' ―nacui̱ ji'i̱ Jesús―, ná tucui ntsu'u 'na nu caca xtyucua xi 'na cha' tsaa lo'o 'na to' hitya lo'o nguiña lo hitya bi'. Ndatu̱ ca na' lo'o yala la ndyaa xi xa' ñati̱ lo tayu' cua.

HEBREOS 4:13

Ná taca tyu'u cuaana ti cha' tyiquee na, ni tsaca cha' nu ntsu'u ji'na, cha' ná ca cuayá' ti' ycui' Ndyosi ji'i̱ cha' bi'. Ná taca. Ña'a̱ Ni ji'i̱ lcaa ñati̱ nu cua ngüiñá Ni, nu cua ngusta Ni chalyuu; nchca tii Ni lcaa cha' nu ntsu'u ji'na. Ná taca cua'ni na ni sca cña ca slo ycui' Ndyosi cha' tyu'u cuatsi' ti sca cha', cha' nga'a̱ cha' xacui̱ na cha' ji'i̱ ycui' Ni cuentya ji'i̱ lcaa cña nu ngua'ni scaa na nde chalyuu, nu lo'o tye chalyuu ji'na.

HEBREOS 4:15

Laca Jesús sti jo'ó nu laca loo la cuentya ji'na, lo'o jua'a̱ tya'na tsa ti' Jesús ña'a̱ yu ji'na. Cua jlo ti' yu cha' ntsu'u tsa quiya' lo'o cua cua'ni ti nu cuxi ngana ji'na, cha' nu lo'o tya ndi'i̱ Jesús lo yuu chalyuu, la cui' jua'a̱ lye tsa ngua'ni cuayá' nu xña'a̱ ji'i̱ yu, si cua'ni yu cha' cuxi. Pana nu Jesús bi' ni, ni sca cha' cuxi ná ngua'ni yu, bi' cha' taca caca yu sti jo'ó nu laca loo la cuentya ji'na, cha' jlo ti' Jesús ñi'ya̱ nñilo'o tsa nu xña'a̱ ji'na.