SAN JUAN 5:45 - Chatino Tataltepec

⁴⁵ Si'i na' nu sta̱ qui'ya ji'i̱ ma̱ slo ycui' Ndyosi ―nacui̱ Jesús ji'i̱ ngu'―. Cua laca nscua qui'ya ji'i̱ ma̱ xqui'ya cha' nu cua nda jyo'o Moisés lo'o ma̱ nu ngua tya sa'ni bi', la cui' cha' nu jlya tsa ti' ma̱ ji'i̱, nacui̱ ma̱.

SAN JUAN 5:45 ပူးပေါင်းရင်းမြစ်များ

SAN LUCAS 16:29

Pana nacui̱ Abraham ji'i̱: “Cua jlo ti' ngu' bi' lcaa ña'a̱ cha' nu nguscua jyo'o Moisés; jua'a̱ nu xa' la quityi ji'i̱ ycui' Ndyosi nu nguscua jyo'o cusu' cua sa'ni, ntsu'u bi' ji'i̱ ngu' tya'a nu'u̱. Tso'o si cua'a̱ jyaca̱ ngu' ji'i̱ cha' nu nscua lo quityi bi'.”

SAN JUAN 12:48

Pana cua ndyuna ñati̱ lo'o nchcui' na' lo'o ngu'; bi' laca cha' nu tyanu cuentya ji'i̱ ngu', nu lo'o cua'ni cuayá' ycui' Ndyosi ji'i̱ ngu' lo'o cua ndye chalyuu ―nacui̱ Jesús―. Ca li' cua'ni cuayá' Ni ji'i̱ lcaa ñati̱ nu ná ndaquiya' ji'i̱ cha' nu nchcui' na', nu ná ntaja'a̱ xñi cha' nu nchcui' na' lo'o ngu'.

SAN JUAN 7:19

’¿Ha si'i la cui' jyo'o cusu' Moisés nu ngulu'u ji'na cha' cua'ni na lcaa cña nu nti' ycui' Ndyosi? Pana ná ndaquiya' ma̱ tsiya' ti ji'i̱ cha' bi' ―nacui̱ Jesús―. Lo'o nu juani nti' ma̱ cujuii ma̱ jna'. ¿Ni cha' laca bi'?

SAN JUAN 8:9

Lo'o ndyuna ngu' cha' bi', nguxana ngu' ngutu'u ngu' ndyaa ngu' li', cha' cua jlo ti' ngu' cha' ntsu'u qui'ya ji'i̱ ycui' ngu'. Clyo la ndyaa nu ngu' cusu' la, li' ndyaa lcaa ngu' cuentya sca ti ngu'. Li' ndyanu Jesús chaca tya yu, lo'o ña'a̱ ti ndu̱ nu cuna'a̱ bi' ntajatya ji'i̱ yu ni jacua' chcui' yu lo'o.

ROMANOS 2:12

Ngu' xa' tsu' ni, masi bilya cuna ngu' lcaa cha' nu cua nda Moisés lo'o ngu' judío, pana tye cha' ji'i̱ ngu' jua'a̱ ti, si ntsu'u qui'ya ji'i̱ ngu'. La cui' jua'a̱ xcube' ycui' Ndyosi ji'i̱ ngu' judío, nu cua ndyuna cha' liñi nu nda jyo'o Moisés lo'o ngu'; si ntsu'u qui'ya ji'i̱ ngu', cua'ni cuayá' Ni ji'i̱ ngu' cuentya ji'i̱ cha' nu nchcui' Moisés bi' li'. Lo'o jua'a̱ sca ti cuayá' cua'ni cuayá' Ni ji'i̱ lcaa ñati̱ nu ndu'ni cha' cuxi.

GÁLATAS 3:10

Pana cua ña'a̱ ca ñati̱ nu tsa bi' ti cña nti' cha' taquiya' ji'i̱ cha' cusu' nu nguscua jyo'o Moisés, tyanu yabe' hichu̱' ñati̱ bi', cha' ndi'ya̱ nchcui' quityi ji'i̱ ycui' Ndyosi: “Tyanu yabe' hichu̱' lcaa ñati̱ si ná taquiya' ngu' ji'i̱ lcaa ca cha' nu nscua lo quityi bi'”.