SAN JUAN 5:42 - Chatino Tataltepec

⁴² Pana cu'ma̱ ni, jlo ti' na' cha' xa' ña'a̱ ndu'ni cu'ma̱, xqui'ya cha' ná ntsu'u tyiquee ma̱ tsiya' ti ji'i̱ ycui' Ndyosi Sti na'.

SAN JUAN 5:42 ပူးပေါင်းရင်းမြစ်များ

SAN LUCAS 16:15

Li' nguxtyacui Jesús cha' lo'o ngu' bi': ―Cu'ma̱ ―nacui̱ yu―, tso'o tsa ndu'ni ma̱ cha' ña'a̱ ti xa' ñati̱ ji'i̱ ma̱, pana cua jlo ti' ycui' Ndyosi lcaa ña'a̱ cha' nu ntsu'u tyiquee ma̱. Ñati̱ nu tlyu tsa ndu'ni ji'i̱ ycui' ca ngu', xtyanu ti'i̱ ycui' Ndyosi ji'i̱ ngu' bi'.

SAN JUAN 2:25

Ná ntsu'u cha' cacha' xa' ñati̱ ji'i̱ yu ñi'ya̱ ntsu'u cresiya ji'i̱ scaa ngu', cha' jlo tsa ti' ycui' ca yu ñi'ya̱ ntsu'u cresiya ji'i̱ lcaa ñati̱.

SAN JUAN 21:17

Cua ngua sna quiya' nu nchcuane Jesús ji'i̱: ―¿Ha chañi hi̱ cha' ntsu'u tyiquee nu'u̱ ña'a̱ 'na? Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱: ―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱. ―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―.

SAN JUAN 5:41

’Si'i na nti' na' cha' cua'ni chi̱ ñati̱ loo na' ―nacui̱ Jesús ji'i̱ ngu'―.

SAN JUAN 5:43

Cua nda ycui' Ndyosi 'na lijya̱ na' cha' cua'ni na' cña ji'i̱ Ni, pana ná ndaca'a̱ jyaca̱ ma̱ ji'i̱ cha' nu nchcui' na' lo'o ma̱. Si ca̱a̱ xa' ñati̱ nu cua'ni cña ji'i̱ ycui' ca ti ngu', hora ti xni ma̱ cha' ji'i̱ ngu' bi' li'.

SAN JUAN 5:44

Bi' cha' ná caja ñi'ya̱ caca xñi ma̱ cha' ji'i̱ ycui' Ndyosi ―nacui̱ Jesús―. Ndulo cha' ji'i̱ ma̱ cha' tso'o ti chcui' ñati̱ ji'i̱ ma̱, pana ná ndulo cha' ji'i̱ ma̱ cha' tso'o ti cua'ni ycui' Ndyosi lo'o ma̱.

SAN JUAN 8:42

―¿Ha ycui' Ndyosi laca Sti cu'ma̱ lacua? ¿Ni cha' laca ná ntsu'u tyiquee ma̱ ña'a̱ ma̱ jna' lacua? ―nacui̱ Jesús―. Nde slo ycui' Ndyosi ngutu'u na'; xqui'ya Ni, bi' cha' ndi'i̱ na' nde chalyuu ―nacui̱ Jesús―. Si'i cuentya ji'i̱ ycui' ca ti na' lijya̱ na' chalyuu, ngulo ycui' Ndyosi cña jna' cha' ca̱a̱ na'.

SAN JUAN 8:47

Lcaa ñati̱ nu nacui̱ cha' ycui' Ndyosi laca Sti ngu', tyaja'a̱ ngu' bi' cuna ngu' lcaa cha' nu nchcui' Ni lo'o ngu' ―nacui̱ Jesús ji'i̱ ngu' judío bi'―. Pana si'i sñi' ycui' Ndyosi laca cu'ma̱, bi' cha' ná nti' ma̱ cuna ma̱ cha' nu nchcui' na' lo'o ma̱ tsiya' ti.

SAN JUAN 8:55

masi ná ndyuloo ma̱ ji'i̱ Ni, pana jua'a̱ ndu'ni ma̱. Nslo na' ji'i̱ Ni tu'ni. Ná taca ñacui̱ na' cha' ná nslo na' ji'i̱ Ni; cuiñi na' si jua'a̱ ñacui̱ na', ñi'ya̱ laca cu'ma̱, cha' cuiñi tsa ma̱. Chañi cha' nslo na' ji'i̱ Ni, jua'a̱ ndaquiya' na' ji'i̱ lcaa cha' nu nchcui' Ni lo'o na' ―nacui̱ Jesús ji'i̱ ngu' judío bi'―.

ROMANOS 8:7

Tya'a cusu̱u̱ ycui' Ndyosi laca na, si ña'a̱ ti ndu'ni na cha' cuxi ñi'ya̱ nu ndu'ni ñati̱ chalyuu ti; ná nchca ji'na tsiya' ti taquiya' na ji'i̱ cha' nu nda ycui' Ni lo'o na, si ña'a̱ ti tya nti' na cua'ni na cha' cuxi.

1 JUAN 2:15

Ná tyu'u tyiquee ma̱ ña'a̱ ma̱ cha' cuxi nu ntsu'u chalyuu, ni ná ca tiji̱' tsa ti' ma̱ ji'i̱ cua ña'a̱ ca cha' culiya' nu ndyiji ji'i̱ ñati̱ cha' ndiya la ti' ngu' ji'i̱. Si ndiya la ti' na nu cuxi nu ntsu'u chalyuu, ná caca ji'na tsiya' ti tyu'u tyiquee na ña'a̱ na ji'i̱ ycui' Ndyosi Sti na.

1 JUAN 3:17

Ntsu'u ngu' tya'a na nu nga'aa ntsu'u na nu lyiji ji'i̱ ngu' tsiya' ti cha' tyiji̱ yu'u ji'i̱ ngu' chalyuu. Si jua'a̱ tso'o ti ndi'i̱ na, lo'o li' ña'a̱ na ji'i̱ tya'a na nu ntsu'u na nu lyiji ji'i̱ ngu', pana ná ntaja'a̱ na cua'ni tya'na ti' na ji'i̱ tya'a na, li' ná taca ji'na ñacui̱ na cha' ntsu'u tyiquee na ña'a̱ na ji'i̱ ycui' Ndyosi, cha' nu ycui' Ndyosi ni, ntsu'u tsa tyiquee Ni ña'a̱ Ni ji'na.

1 JUAN 4:20

Ngu' nu ñacui̱ ndi'ya̱: “Ntsu'u tsa tyiquee na' ña'a̱ na' ji'i̱ ycui' Ndyosi”, lo'o li' ña'a̱ ti tya liye' ti' ngu' bi' ña'a̱ ngu' ji'i̱ tya'a ngu', cha' cuiñi ti laca nu nchcui' ngu' bi'. Ndi'ya̱ ndyu'u cha' bi': taca ña'a̱ na ji'i̱ tya'a ñati̱ na, pana ycui' Ndyosi ni, bilya ña'a̱ na ji'i̱ Ni tsiya' ti; bi' cha' lacua, si ná ntsu'u tyiquee na ña'a̱ na ji'i̱ tya'a ngusñi na cha' ji'i̱ Jesucristo, li' ná taca ñacui̱ na cha' ntsu'u tyiquee na ña'a̱ na ji'i̱ ycui' Ndyosi Sti na.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.