SAN JUAN 5:35 - Chatino Tataltepec

³⁵ Nu Juan ni ―nacui̱ Jesús li'―, nda yu cha' jna' lo'o ngu' ñi'ya̱ si laca yu sca xee nu ndubi tsa, nu nda xee tyi'i̱ ca chu̱' su ndi'i̱ yu bi'. Lo'o jua'a̱ tso'o xi ngua ti' ma̱ lo'o nchcui' Juan lo'o ma̱ li' ―nacui̱―.

SAN JUAN 5:35 ပူးပေါင်းရင်းမြစ်များ

SAN MATEO 11:11

Cha' liñi nchcui' na' lo'o ma̱ ji'i̱ Juan nu ntyucuatya ji'i̱ ngu', cha' bilya cala sca ñati̱ chalyuu nu jua'a̱ ntsu'u cña tlyu la ji'i̱, ñi'ya̱ nu ngua ji'i̱ Juan bi'. Pana cua lijya̱ na' cha' caca na' loo ne' cresiya ji'i̱ ñati̱; juani cua ña'a̱ ca ñati̱ nu ngusñi cha' 'na, tlyu la cha' ntsu'u ji'i̱ ngu' bi' que Juan, masi ti'i ti ngu', masi cuañi' ngu'.

SAN MATEO 21:26

Lo'o si ñacui̱ na: “Chacuayá' ji'i̱ ñati̱ ti ntyucuatya Juan bi'”, la cui' ti ná tso'o si ñacui̱ na jua'a̱, cha' ntsi̱i̱ na ji'i̱ lcaa ngu' quichi̱ re, cha' lcaa ngu' jlya ti' ngu' cha' chañi cha' ngua Juan bi' tu'ba ji'i̱ ycui' Ndyosi.

SAN MARCOS 1:5

Ndyu'u ti'i̱ quiña'a̱ tsa ñati̱ slo Juan; ñaa ngu' quichi̱ sube ti nu ndi'i̱ loyuu su cuentya Judea slo yu, lo'o jua'a̱ ñaa ngu' Jerusalén nu quichi̱ tonu bi' slo yu. Nu ñati̱ nu ngua tyuju'u tsa ti' ji'i̱ cha' cuxi nu ntsu'u ji'i̱ ngu' ni, ngüijña ngu' ji'i̱ ycui' Ndyosi cha' cuityi̱ Ni cha' cuxi bi', lo'o li' ntyucuatya Juan ji'i̱ ngu' bi' lo hitya sta'a̱ Jordán.

SAN MARCOS 6:20

cha' ntsi̱i̱ rey Herodes ji'i̱ Juan. Jlo ti' rey cha' liñi tsa cha' nu ngua'ni Juan, lubii tsa tyiquee Juan, lo'o jua'a̱ ná ntsu'u cha' cuxi ji'i̱ yu; bi' cha' nguna'a̱si̱i̱ rey ji'i̱ yu cha' ná cua'ni nu cuna'a̱ bi' ni sca cha' cuxi lo'o. Ndiya ti' rey Herodes cuna cha' nu ngulu'u Juan ji'i̱, masi ná ngua cuayá' tso'o ti' rey ji'i̱ cha' bi'.

SAN LUCAS 7:28

Tya nchcui' la Jesús lo'o ngu' li': ―Cha' liñi nchcui' na' lo'o ma̱ ji'i̱ Juan nu ntyucuatya ji'i̱ ngu', cha' bilya cala sca ñati̱ chalyuu nu jua'a̱ tlyu tsa cña nu ntsu'u ji'i̱, ñi'ya̱ nu laca ji'i̱ Juan bi'. Pana cua lijya̱ na' cha' caca na' loo ji'i̱ ñati̱, lo'o juani cua ña'a̱ ca ñati̱ nu jlya ti' 'na, tlyu la cha' nu ntsu'u ji'i̱ ngu' bi' que Juan, masi ti'i ti ngu', masi cuañi' ngu' ―nacui̱ Jesús.

SAN JUAN 6:66

Lo'o jua'a̱ ngua li', ngua tyuju'u ti' tyu̱u̱ tya'a ngu' nu ndyaca tsa'a̱ ji'i̱ Jesús; nga'aa ntaja'a̱ ngu' bi' tya'a̱ lo'o yu.

2 PEDRO 1:19

Jua'a̱ ngua cha' taca ca cuayá' ti' na cha' liñi tsa laca lcaa cha' nu cua nchcui' jyo'o cusu' nu ngua tu'ba ji'i̱ ycui' Ndyosi cua sa'ni la. Tso'o si taquiya' na ji'i̱ cha' bi', cha' ñi'ya̱ laca sca xee ndubi nu tso'o tsa ntyiji'i̱ xee su talya ña'a̱, jua'a̱ laca cha' ji'i̱ Jesús bi'. Culu'u bi' tyucui̱i̱ tso'o su nga'a̱ cha' tsaa na ña'a̱ cuayá' nu quixee tsa̱ bi'. Li' tyu'u tucua sca cuii tlyu nu ntyucua nde nguxee; bi' laca ñi'ya̱ laca Cristo, cha' nda yu xee nu tyu'ú ne' cresiya ji'na.