SAN JUAN 5:18 - Chatino Tataltepec

¹⁸ Bi' cha' chi̱i̱ tsa ntsu'u tyiquee ngu' judío bi' ña'a̱ ngu' ji'i̱ Jesús, ntsu'u tsa ngu' bi' nu nti' cujuii ji'i̱ Jesús li'. Ti'í ti' ngu' bi' ña'a̱ ngu' ji'i̱ yu, cha' ná ndaquiya' yu tsa̱ ta'a ji'i̱ ngu', nacui̱ ngu'. Ná ndiya ti' ngu' tsiya' ti cha' nacui̱ Jesús cha' ycui' Ndyosi laca Sti yu, cha' stu'ba nti' ycui' ca yu lo'o ycui' Ndyosi.

SAN JUAN 5:18 ပူးပေါင်းရင်းမြစ်များ

SAN MATEO 12:5

Lo'o jua'a̱ ntsu'u chaca cha' nu nguscua jyo'o Moisés lo quityi, cha' ngu' sti jo'ó ni, ná nga'a̱ cña' sti jo'ó ne' laa tonu lo'o ndyaca tsa̱ nu ndi'i̱ cña' ngu'; ntsu'u cña nu ndu'ni ngu' sti jo'ó bi'. Pana la cui' ti ná ntsu'u qui'ya ji'i̱ ngu' bi' cuentya ji'i̱ ycui' Ndyosi ―nacui̱ Jesús ji'i̱ ngu' fariseo bi'―.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 10:33

Li' nguxtyacui nu ngu' judío bi' cha' lo'o Jesús: ―Ná cujuii ya jinu'u̱ lo'o quee xqui'ya sca cña tso'o nu ngua'ni nu'u̱ ―nacui̱ ngu'―, xqui'ya cha' cuxi nu nchcui' nu'u̱ ji'i̱ ycui' Ndyosi, bi' cha' cu̱ ya quee jinu'u̱. Sñi' ñati̱ chalyuu ti laca nu'u̱, pana ndu'ni nu'u̱ cha' laca nu'u̱ ycui' Ndyosi.

SAN JUAN 14:23

―Ñati̱ nu chañi cha' ntsu'u tsa tyiquee jna', taquiya' ngu' ji'i̱ lcaa cha' nu nchcui' na' lo'o ngu' ―nacui̱ Jesús―. Lo'o li' tso'o tsa caca tyiquee ycui' Ndyosi Sti na' ña'a̱ Ni ji'i̱ ngu' bi'. Cuati ca̱a̱ ya lo'o Sti na' cha' tyanu ya lo'o ngu' bi' ―nacui̱ Jesús―.

SAN JUAN 14:9

―Felipe ―nacui̱ Jesús ji'i̱―, cua tyu̱u̱ tsa tsa̱ ndi'i̱ na' lo'o cu'ma̱, ¿ha tya lyiji tyuloo ma̱ jna'? ―nacui̱―. Cua na'a̱ ma̱ 'na, bi' cha' jua'a̱ ji'i̱ Sti na' cua na'a̱ ma̱ li'. ¿Na laca nti' nu'u̱ lo'o ndi'ya̱ nchcui' nu'u̱ lo'o na': Culu'u nu'u̱ ji'i̱ Sti nu'u̱ ji'i̱ ya? ―nacui̱ Jesús ji'i̱ Felipe―.

SAN JUAN 19:7

Li' nguxacui̱ ngu' judío cha' ji'i̱ Pilato bi': ―Ntsu'u sca cha' ji'i̱ cuare ―nacui̱ ngu'―. Cuentya ji'i̱ ya ntsu'u qui'ya ji'i̱ yu, cha' nacui̱ yu cha' laca yu nu sca ti Sñi' ycui' Ndyosi; xqui'ya cha' bi' ntsu'u cha' cajaa yu.

SAN JUAN 5:15

Ndyaa nu ngua quicha bi' li', ndyaa ndacha' ji'i̱ ngu' judío bi', cha' Jesús naa nu ngua'ni cha' ndyaca tso'o.

SAN JUAN 5:16

Ngua cuayá' ti' ngu' bi' li', cha' ngua'ni Jesús cha' tlyu lo'o nu quicha bi' tsa̱ ta'a lo'o ndi'i̱ cña' ngu', bi' cha' ngunasi̱' tsa ngu' judío bi' ji'i̱ Jesús. Nguxana ngu' bi' ngulacua cuxi ti' ngu' ña'a̱ ngu' ji'i̱ yu, ngua ti' ngu' cujuii ngu' ji'i̱ yu.

SAN JUAN 5:17

Pana nguxtyacui Jesús cha' lo'o ngu' li': ―Tya lyiji tye cua'ni Sti na' cña ―nacui̱ Jesús―, lo'o jua'a̱ na', tya ndyu'ni na' cña.

SAN JUAN 5:23

Cua nti' Ni cha' cua'ni chi̱ lcaa ñati̱ loo na' ñi'ya̱ nu ndu'ni chi̱ ngu' loo ycui' Ni. Pana si ná tyaja'a̱ ñati̱ cua'ni chi̱ ngu' loo na' nu laca̱ Sñi' ycui' Ni, la cui' jua'a̱ ná taca cua'ni chi̱ ngu' loo ycui' Ndyosi nu nda 'na lijya̱a̱.

SAN JUAN 7:1

Tiya' la li' xcui' nde loyuu su cuentya Galilea ndya'a̱ Jesús; nga'aa ndya'a̱ yu loyuu su cuentya Judea bi', cha' nti' tsa ngu' bi' cujuii ngu' ji'i̱.

SAN JUAN 7:19

’¿Ha si'i la cui' jyo'o cusu' Moisés nu ngulu'u ji'na cha' cua'ni na lcaa cña nu nti' ycui' Ndyosi? Pana ná ndaquiya' ma̱ tsiya' ti ji'i̱ cha' bi' ―nacui̱ Jesús―. Lo'o nu juani nti' ma̱ cujuii ma̱ jna'. ¿Ni cha' laca bi'?

SAN JUAN 8:54

Lo'o li' nacui̱ Jesús: ―Ná tso'o na' tsiya' ti si cua'ni na' cha' caca tlyu ycui' ca ti na', pana ycui' Ndyosi Sti na' ndu'ni cha' caca tlyu na' ―nacui̱―. Ndu'ni ma̱ cha' Sti ma̱ laca ycui' Ndyosi;

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.

FILIPENSES 2:6

Tyucui tyempo ycui' Ndyosi tsiya' ti laca Jesucristo, ná ntsu'u tyempo nu ná laca yu ycui' Ndyosi; pana lo'o ya̱a̱ yu lo yuu chalyuu, ná ngulacua ti' Jesús cha' ca̱lo'o yu lcaa chacuayá' ji'i̱ ycui' Ndyosi, masi ntsu'u tsa chacuayá' ji'i̱ yu slo Ni nquicha', cha' stu'ba ti ntsu'u cha' ji'i̱ yu lo'o ycui' Ndyosi Sti yu.

APOCALIPSIS 22:1

Lo'o li' ngulu'u xca̱ 'na mala nxna sta'a̱ ji'i̱ ycui' Ndyosi, sta'a̱ bi' laca nu nda chalyuu nu ná nga'a̱ cha' tye ji'na. Lubii tsa ña'a̱ su nxna hitya sta'a̱ bi'. Nde su tlyu su ntucua ycui' Ndyosi, nde su ntucua nu ñi'ya̱ ña'a̱ xlya' bi', ca bi' ntsu'u su̱u̱ sta'a̱ bi';

APOCALIPSIS 22:3

Pana lquichi̱ bi' nga'aa caja cha' ti'í ji'i̱ ngu' tsiya' ti, ñi'ya̱ nu ntsu'u nde chalyuu xqui'ya yabe' nu ntsu'u ji'i̱ ñati̱. Ca quichi̱ bi' stu'ba ti caca loo ycui' Ndyosi lo'o nu ñi'ya̱ ña'a̱ xlya' bi'; ndacua ntucua yaca xlya tlyu ji'i̱ Ni, cha' cua'ni tlyu lcaa ñati̱ nu ndyu'ni cña ji'i̱ Ni ji'i̱ ycui' Ni nu ntucua ca ndacua.