SAN JUAN 5:14 - Chatino Tataltepec

¹⁴ Ca ngusi̱i̱ la xa' ndyacua tya'a Jesús lo'o nu ngua quicha bi' lo'o ndya'a̱ yu ne' laa. Li' nacui̱ Jesús ji'i̱: ―Cua ndyaca tso'o nu'u̱ juani ―nacui̱ yu―, bi' cha' xtyanu nu'u̱ tyucui̱i̱ cuxi cua hi̱ cha' nga'aa tyacua xa' quicha tlyu la hi̱.

SAN JUAN 5:14 ပူးပေါင်းရင်းမြစ်များ

SAN MATEO 12:45

Hora ti tsaa cui'i̱ chaca quiya' tsaana ji'i̱ tya tyacati tya'a cui'i̱ nu xña'a̱ la, cha' stu'ba ti xñi lcaa cui'i̱ bi' ji'i̱ ñati̱ bi', cha' caja su tyi'i̱ cui'i̱ bi' lo'o ñati̱ nti'. Ca cuxi la cha' ji'i̱ ñati̱ bi' li', cha' quiña'a̱ la cui'i̱ xñi ji'i̱ li'. La cui' jua'a̱ cuxi la caca cha' ji'i̱ ñati̱ nu ndi'i̱ nde chalyuu juani, cha' xña'a̱ tsa ngu'.

SAN MARCOS 2:5

Lo'o na'a̱ Jesús cha' jlya tsa ti' ngu' ji'i̱ yu, li' nchcui' yu lo'o nu quicha bi': ―Cua ngua'ni clyu ti na' jinu'u̱ ji'i̱ qui'ya nu ntsu'u jinu'u̱, sñi' ―nacui̱ Jesús ji'i̱.

SAN JUAN 5:13

Ná jlo ti' nu ngua quicha quiya' bi' tilaca ngua'ni jo'o ji'i̱. Nguti'i̱ tsa ngu' ca bi', lo'o ná tucui na'a̱ ji'i̱ Jesús lo'o ngutu'u ndyaa.

SAN JUAN 5:5

Cua ntsiya sca nu quicha quiya' ca bi'; cua calaa tyii ntucua snu' yija̱ ntsiya quicha.

SAN JUAN 8:11

―Ná tucui ndu̱ nu ngusta qui'ya 'na, cusu' ―nacui̱ nu cuna'a̱ bi'. ―Tso'o lacua ―nacui̱ Jesús ji'i̱―. Jua'a̱ na', ná ntsu'u qui'ya nu sta na' jinu'u̱. Tyaa clya nu'u̱ juani ―nacui̱―, nga'aa cua'ni la nu'u̱ cha' cuxi.

1 PEDRO 4:3

Tyempo nu nteje tacui, cua ngua'ni ma̱ lcaa cha' cuxi ñi'ya̱ nu ndiya ti' ñati̱ nu ná ntsu'u cha' ji'i̱ lo'o ycui' Ndyosi tsiya' ti. Cuayá' tsa lo cua ti cha' cuxi: bi' cha' nga'aa cua'ni suba' ma̱ lo'o tya'a ñati̱ ma̱ juani, nga'aa cua'ni ma̱ lcaa lo cha' cuxi nu ndiya ti' ma̱ cua sa'ni la; nga'aa caca cu'bi ma̱, nga'aa tyeje tacui ma̱ cuayá' cacu ma̱, co'o ma̱, ñi'ya̱ nu ndyu'ni ngu' nu ná ndube ti' lo'o ndya'a̱ ngu' bi' ta'a; nga'aa cua'ni tlyu ma̱ ji'i̱ lcui̱ jo'ó, cha' suba' tsa cha' bi' cuentya ji'i̱ ycui' Ndyosi.