SAN JUAN 4:48 - Chatino Tataltepec

⁴⁸ ―¿Ni jacua' jlya ti' ma̱ ji'i̱ ycui' Ndyosi? ―nacui̱ Jesús ji'i̱ nu cusu' bi' li'―. ¿Ha ná jlya ti' ma̱ cha' caca cua'ni Ni cña si ná lo'o cua'ni na' sca cña tonu cha' ña'a̱ cui'ya ma̱ xi ji'i̱?

SAN JUAN 4:48 ပူးပေါင်းရင်းမြစ်များ

SAN MATEO 16:1

Lo'o li' ndyalaa sca taju ngu' fariseo lo'o ngu' saduceo slo Jesús, cha' chcui' cuayá' ngu' lo'o yu, si caca tyiji̱loo ngu' ji'i̱ yu nti' ngu'. Nchcui' ngu' lo'o Jesús cha' culu'u sca cha' tlyu ji'i̱ ngu', sca cha' tlyu nu tyu'u tucua nde cua̱ chacuayá' ji'i̱ ycui' Ndyosi.

SAN MATEO 24:24

cha' Cristo cuiñi caca nu bi'. Lo'o jua'a̱ tyu'u tucua xi ngu' cuiñi nu chcui' cha' tu'ba ji'i̱ ycui' Ndyosi laca ycui' ca ngu', nu cuiñi ti cua'ni cha' tlyu cha' cube tsa ti' xa' ñati̱; cua'ni ngu' cuiñi bi' jua'a̱, cha' nti' ngu' cua'ni ngu' ngana ji'i̱ ma̱, lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN MATEO 27:42

―Ngua'ni lyaá yu ji'i̱ xa' ñati̱, pana ji'i̱ ycui' ca yu ná nchca ji'i̱ yu cua'ni lyaá yu ―nacui̱ ngu' nu laca loo bi'―. Rey ji'i̱ ngu' Israel laca yu, nacui̱ yu. Tso'o la si ca'ya yu lo crusi cua juani, jlya ti' na ji'i̱ yu li' ―nacui̱ ngu' bi' ji'i̱ tya'a ngu'―.

SAN MARCOS 13:22

Cristo cuiñi caca ngu' bi'. Lo'o jua'a̱ tyu'u tucua xi nu cuiñi nu chcui' cha' tu'ba ji'i̱ ycui' Ndyosi laca ycui' ca ngu'; cha' cuiñi ti cua'ni ngu' bi' cha' tlyu, cha' cube tsa ti' xa' ñati̱. Cua'ni ngu' cuiñi bi' jua'a̱, cha' tyiji̱loo ngu' ji'i̱ ma̱ nti' ngu', lo'o jua'a̱ ji'i̱ lcaa ñati̱ nu cua ngusubi ycui' Ndyosi ji'i̱.

SAN LUCAS 10:18

Nchcui' Jesús lo'o ngu' li': ―Jua'a̱ tu'ni. Lo'o na' na'a̱ na' ji'i̱ Satanás lo'o ndyú yu lo yuu; ñi'ya̱ ndyalú tyi'yu nde lo yuu, jua'a̱ ndyú yu. Ngulo'o ycui' Ndyosi ji'i̱ nu xña'a̱ bi' ca su tlyu su ntucua Ni nde cua̱, ndyú yu lo yuu li'; bi' cha' ndaquiya' cui'i̱ cuxi bi' ji'i̱ cha' nu nchcui' ma̱ juani.

SAN LUCAS 16:31

Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

SAN JUAN 12:37

Masi cua ngua'ni Jesús quiña'a̱ cha' tlyu slo ñati̱ bi', ná ntaja'a̱ ngu' xñi ngu' cha' nu nchcui' yu.

SAN JUAN 15:24

Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN JUAN 2:18

Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱: ―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?

SAN JUAN 20:29

―Jlya ti' nu'u̱ juani cha' cua na'a̱ nu'u̱ jna' ―nacui̱ Jesús ji'i̱ Tomás―, pana tso'o la caca tyiquee ñati̱ nu jlya ti' 'na lo'o bilya ña'a̱ ngu' 'na.

SAN JUAN 4:49

―Cusu' ―nacui̱ nu laca cña bi' ji'i̱ Jesús―, cua'ni cha' tso'o tsaa nu'u̱ to' tyi na' juani, nu lo'o bilya cajaa ti sñi' na'.

LOS HECHOS 14:3

Tyiquee' xi ndyanu Pablo lo'o Bernabé quichi̱ bi', cha' ná ndyutsi̱i̱ ngu' culu'u ngu' cha' ji'i̱ nu Xu'na na ji'i̱ ngu' quichi̱ bi'. Lo'o jua'a̱ ngua'ni Pablo lo'o Bernabé cña tonu chacuayá' ji'i̱ ycui' Ndyosi, bi' cha' ngua ji'i̱ ngu' quichi̱ ta ngu' cuentya cha' xcui' cha' liñi nclyu'u ngu' bi' ji'i̱ ngu'.

LOS HECHOS 15:12

Cuaana ti ndi'i̱ lcaa ngu' li'. Tso'o ti ndyuna ngu' lo'o nda Bernabé lo'o Pablo cha' lo'o ngu', lcaa ña'a̱ cha' tlyu nu ngua'ni ycui' Ndyosi ca su nguta'a̱ ngu' slo ñati̱ xa' tsu'.

LOS HECHOS 2:19

Cua'ni na' cha' tlyu nde cua̱, lo'o jua'a̱ cua'ni na' cha' tlyu nde lo yuu; lye tyalú tañi li', tyaqui̱ quii' tonu, xcui' snii caca nde lo yuu, nacui̱ Ni.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

LOS HECHOS 2:43

Ndube tsa ti' lcaa ngu' quichi̱ bi' ji'i̱ cña nu ndyu'ni ycui' Ndyosi, cha' cua quiña'a̱ cña tonu ngua'ni ngu' nu ngua tsa'a̱ ji'i̱ Jesucristo tya clyo chacuayá' ji'i̱ Ni.

LOS HECHOS 4:30

Ta nu'u̱ chacuayá' cha' tyaca tso'o ngu' quicha; cua'ni Jesús Sñi' nu'u̱ nu xcui' lubii cresiya ji'i̱ quiña'a̱ tsa cña tonu, cha' jua'a̱ cube tsa ti' ngu' jinu'u̱. Tsa lo cua ti cha' chcui' ya juani.

LOS HECHOS 5:12

Quiña'a̱ tsa chacuayá' nda ycui' Ndyosi ji'i̱ ngu' nu ngua tsa'a̱ ji'i̱ Jesucristo tya clyo, bi' cha' ngua'ni ngu' quiña'a̱ tsa cha' tlyu ca su ndi'i̱ ngu' quichi̱. Ngulacua tsa ti' ngu' quichi̱ xqui'ya cña tlyu bi'. Lcaa ngu' nu ngusñi cha' ji'i̱ Jesucristo ni, ndyu'u ti'i̱ ngu' ca su nacui̱ ngu': “Corredor ji'i̱ Salomón”, cha' stu'ba ti ntsu'u tyiquee lcaa ngu' bi'; ca to' laa tonu laca corredor bi'.

LOS HECHOS 6:8

Tso'o tsa ntsu'u tyiquee nu Esteban bi' xqui'ya Xtyi'i ycui' Ndyosi. Cua nda ycui' Ndyosi chacuayá' cha' ngua'ni yu tyu̱u̱ tya'a cña tonu cha' cube tsa ti' xa' ñati̱.

LOS HECHOS 7:36

Nda ycui' Ndyosi chacuayá' ji'i̱ jyo'o Moisés cha' cua'ni yu cña tonu cha' cube ti' ngu' ca loyuu su cuentya Egipto. Xqui'ya cha' ngua ji'i̱ yu ngua'ni yu cña tonu bi', bi' cha' ngua ji'i̱ yu ngulo yu cña ji'i̱ lcaa ngu' Israel tya'a yu, cha' ngutu'u ngu' loyuu su cuentya Egipto nguta'a̱ lo'o Moisés ji'i̱ ngu' bi'. Xa' ngua'ni yu cña tonu to' tyujo'o nu naa Tyujo'o Nga'a. Li' nguta'a̱ yu lo'o ngu' nde sca loyuu btyi su ná ntsu'u hitya nu co'o ngu', lo'o jua'a̱ chaca quiya' ngua'ni yu cña tonu cha' cube ti' ngu' ji'i̱ ycui' Ndyosi. Cua tu'ba yija̱ nguta'a̱ nu Moisés bi' lo'o ngu'.

ROMANOS 15:19

Ngua'ni Ni cña tonu nu ná ca cua'ni ñati̱ chalyuu, cha' cube ti' xa' ñati̱ cha' ycui' Ndyosi laca nu ndyu'ni cña bi'. Jua'a̱ ngua cha' cua ndya'a̱ na' ndi'i̱ na' ca loyuu tyijyu' la. Nguxana na' nde quichi̱ Jerusalén, ña'a̱ cuayá' ndyalaa na' loyuu su cuentya Ilírico. Lcaa quichi̱ su ndya'a̱ na', quiña'a̱ tsa cha' tso'o ji'i̱ Cristo nda na' lo'o ngu' ña'a̱ cuayá' nu ngua 'na.

1 CORINTIOS 1:22

Cua nti' ngu' judío cha' cua'ni na sca cha' tlyu slo ngu', cha' jlya ti' ngu' cha' nu chcui' na lo'o li'; cuati nu ngu' xa' tsu' ni, cua nti' ngu' cha' tso'o tsa jlo ti' na lcaa cha' lo'o chcui' na lo'o ngu'.

2 CORINTIOS 12:12

Cua ndalo tsa na' laja lcaa cha' cuxi nu ngua 'na, cha' ndyu'ni na' cña nu cua nda nu Xu'na na 'na, cha' ndu̱ na' nchcui' na' lo'o cu'ma̱. Cua jlo ti' ma̱ cha' ycui' Ndyosi laca nu cua nda cña bi' 'na nu lo'o cua na'a̱ ma̱ cha' tlyu nu cua ngua'ni Ni ca slo ma̱ xqui'ya na', cha' jua'a̱ cube la ti' ma̱ ji'i̱ ycui' Ndyosi. Ná nchca cua'ni ñati̱ chalyuu cña bi' jua'a̱ ti.

2 TESALONICENSES 2:9

Pana lo'o ca̱a̱ yu xña'a̱ bi', ca̱a̱ yu lo'o chacuayá' ji'i̱ ycui' Satanás bi', bi' cha' nchca tsa ji'i̱ yu bi' cua'ni yu cha' tlyu cha' cñilo'o ti yu ji'i̱ ñati̱ chalyuu, cha' culacua ti' ngu' cha' tlyu tsa laca ycui' yu xña'a̱ bi'.

HEBREOS 2:4

Lo'o jua'a̱ ngua'ni ycui' Ndyosi cña cha' ca cuayá' ti' na cha' chañi tsa laca cha' nu nchcui' ngu', ngua'ni Ni quiña'a̱ tsa cha' tlyu slo na cha' ña'a̱ na ji'i̱. Tyu̱u̱ tsa cha' nu ná nchca cua'ni ñati̱ chalyuu ngua'ni Ni, cha' cube tsa ti' na ji'i̱ ycui' Ni lo'o ña'a̱ na cha' tlyu bi'. Lo'o li' cua nda Ni Xtyi'i ycui' Ni cha' tyanu ne' cresiya ji'i̱ ñati̱ chalyuu, tsa ña'a̱ nu ntsu'u tyiquee ycui' Ni nda Ni ji'i̱ ngu'; bi' cha' nchca ji'na cua'ni na tyu̱u̱ lo cña cuentya ji'i̱ ycui' Ndyosi, nu ná nchca ji'i̱ ñati̱ cua'ni ycui' ca ngu'.