SAN JUAN 4:32 - Chatino Tataltepec

³² ―Cua nguaala' ti' na' ―nacui̱ Jesús li'―. Cua ntsu'u xi na ndyacu na' re nu ná nslo ma̱ ji'i̱.

SAN JUAN 4:32 ပူးပေါင်းရင်းမြစ်များ

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.

SAN JUAN 4:33

Li' nchcui' ngu' nu ndyaca tsa'a̱ ji'i̱ lo'o tya'a ngu': ―¿Ha ya̱a̱ ngu' ya̱a̱ lo'o ngu' na cacu yu? ―nacui̱ ngu'.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

LOS HECHOS 20:35

Ngua'ni na' jua'a̱ cha' culu'u na' ji'i̱ ma̱ ñi'ya̱ nu cua'ni ma̱ lo'o ngu' nu ntsu'u tsa cha' nu lyiji ji'i̱. La cui' jua'a̱ ntsu'u cha' tyi'u ti' na ji'i̱ cha' nu cua nchcui' ycui' Jesús nu Xu'na na lo'o na ndi'ya̱: “Tso'o ntsu'u tyiquee ma̱ si ta ngu' sca cha' xlya'be ji'i̱ ma̱, pana tlyu la cha' tso'o laca si ta ma̱ sca cha' xlya'be ji'i̱ tya'a ñati̱ ma̱”, nacui̱ Jesús ji'na.

APOCALIPSIS 2:17

Cua'a̱ jyaca̱ ma̱ xi ji'i̱ ña'a̱ cha' nu nda Xtyi'i ycui' Ndyosi lo'o taju ñati̱ nu ngusñi cha' ji'i̱ Ni scaa quichi̱, si tyaja'a̱ ca ma̱ cuna ma̱: Tso'o ti cua'ni na' lo'o cua ña'a̱ ca ñati̱ nu tyiji̱loo ji'i̱ nu xña'a̱ ña'a̱ cuayá' tye chalyuu ji'i̱ ngu'; caca tyaala' ti' tyiquee ngu' bi', cacu ngu' cha' tso'o nu cua nguxco'o na' cha' caja ji'i̱ ngu'. Lo'o jua'a̱ ta na' sca quee sube ti nu ngati̱ ña'a̱, nu nscua xtañi scaa ngu' chu̱', cha' ca cuayá' ti' ngu' bi', cha' tso'o ti nti' na' ña'a̱ na' ji'i̱ ngu'; chaca xtañi nu tso'o la laca nu nscua chu̱' quee bi'. Ná caja chacuayá' ji'i̱ xa' ñati̱ tyuloo xtañi bi'; cua laca ti ñati̱ nu caja xtañi bi' ji'i̱, bi' laca nu caja chacuayá' cha' tyuloo ji'i̱, nacui̱ Ni.”