SAN JUAN 4:24 - Chatino Tataltepec

²⁴ Ná taca ña'a̱ na ji'i̱ ycui' Ndyosi; ñi'ya̱ laca sca xee nu tso'o tsa ntyiji'i̱ lijya̱, jua'a̱ laca ycui' Ndyosi. Ñati̱ nu chañi cha' nti' ngu' cua'ni tlyu ngu' ji'i̱ ycui' Ni, nga'a̱ cha' cua'ni tlyu ngu' ji'i̱ Ni tyucui tyiquee ngu'; xtyucua Xtyi'i ycui' Ndyosi ji'i̱ ngu' bi' li'.

SAN JUAN 4:24 ပူးပေါင်းရင်းမြစ်များ

SAN JUAN 4:23

Cua ngulala ti hora, cua la cui' hora ndyaca juani, cha' cua'ni tlyu ma̱ ji'i̱ ycui' Ndyosi tyucui tyiquee ma̱. Lo'o jua'a̱ xtyucua Xtyi'i ycui' Ni ji'i̱ ma̱ li', cha' jua'a̱ nti' ycui' Ndyosi cha' cua'ni na lo'o cua'ni tlyu na ji'i̱ Ni.

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

2 CORINTIOS 3:17

Lo'o nchcui' ca ti quityi re cha' ji'i̱ nu “Xu'na na”, bi' nti' ñacui̱ cha' Xtyi'i ycui' Ndyosi laca nu bi'. Lo'o jua'a̱ nu lo'o laca Xtyi'i ycui' Ndyosi nu Xu'na na loo ji'na, nga'aa tucui caca ji'i̱ tatsaa ji'na cha' cua'ni na cua ña'a̱ ca cña cuxi li'.

FILIPENSES 3:3

Pana nu na ni, chañi laca cha' ngulacua̱ ycui' Ndyosi ji'na, masi xa' ña'a̱ nchcui' nu ngu' bi'. Cua ndu'ni tlyu na ji'i̱ ycui' Ndyosi xqui'ya Xtyi'i ycui' Ni; chaa tsa ti' na ndi'i̱ na chalyuu nu lo'o cua ngujui chalyuu ji'na xqui'ya Jesucristo, cha' nga'aa jlya ti' na ji'i̱ sca cha' nu ndatsaa ñati̱ chalyuu ji'na cha' cua'ni na ji'i̱.

1 TIMOTEO 1:17

Bi' cha' cua'ni tlyu na ji'i̱ ycui' Ndyosi juani, cua'ni chi̱ na loo Ni, cha' ná tye tsa̱ nu laca Ni loo tyucui ña'a̱ chalyuu; ná tye cha' ji'i̱ ycui' Ndyosi, cha' ná ntsu'u cha' cajaa Ni. Ná nchca ji'na ña'a̱ na ji'i̱ Ni cha' laca na ñati̱ chalyuu ti, pana sca ti ycui' Ni laca ycui' Ndyosi. Jua'a̱ laca cha' ji'i̱ Ni tu'ni.