SAN JUAN 3:33 - Chatino Tataltepec

³³ Si taquiya' na ji'i̱ cha' nu nda Jesús, li' ndu'ni na lo'o tya'a na cha' liñi tsa laca cha' nu nda ycui' Ndyosi lo'o na.

SAN JUAN 3:33 ပူးပေါင်းရင်းမြစ်များ

SAN JUAN 6:27

Tso'o la ―nacui̱ Jesús li'―, si cua'ni cña ti' ma̱ cha' caja sca cha' nu talo ji'i̱ ma̱; chañi cha' tyaala' ti' ma̱ li', si caja chalyuu nu ná nga'a̱ cha' tye ji'i̱ ma̱. Nu na cacu na ni, xtyi'i ti talo na bi', yala ti quiñu'u̱ na bi'. Pana na' nu lijya̱a̱ cha' caca na' ñati̱, ta na' sca cha' tso'o ji'i̱ ma̱ nu cua'ni cha' tyaala' ti' ma̱, lo'o ná tye tsiya' ti cha' bi' ji'i̱ ma̱ ―nacui̱―. Na cua nda ycui' Ndyosi Sti na' chacuayá' jna' cha' ta na' cha' tso'o bi' ji'i̱ ma̱.

SAN JUAN 8:26

Tya quiña'a̱ la cha' taca chcui' na' lo'o ma̱ nquicha' cuentya ji'i̱ qui'ya nu ntsu'u ji'i̱ ma̱; pana liñi tsa cha' nu nda ycui' Ndyosi nu nda 'na lijya̱a̱, lo'o jua'a̱ cua ña'a̱ ca cha' nu nda Ni lo'o na', bi' ti cha' laca nu nda na' lo'o ñati̱ chalyuu.

ROMANOS 15:28

Clyo cua'ni na' cha' xcua se'i̱ ti cña bi', ña'a̱ cuayá' nu cua nda na' cñi bi' ji'i̱ ngu'; li' xñi na' tyucui̱i̱ tsa'a̱ nde España. Pana laja tyucui̱i̱ tyeje tacui na' ca su ndi'i̱ cu'ma̱.

ROMANOS 4:11

ca tiya' la, li' ngulacua̱ yu jua'a̱. Sca cuayá' ti ngua bi', cha' caca cuayá' ti' ngu' cha' ngua tso'o cresiya ji'i̱ yu cuentya ji'i̱ ycui' Ndyosi, nu lo'o jlya ti ti' yu ji'i̱ Ni. Yala la ngua cha' ngusñi yu cha' ji'i̱ ycui' Ndyosi, tiya' la ngulacua̱ yu. Bi' cha' lcaa ma̱ nu ntsu'u ma̱ xa' tsu' nu ngusñi ma̱ cha' ji'i̱ Jesús, laca ma̱ ñi'ya̱ laca si Abraham laca jyo'o cusu' ji'i̱ ma̱ nu ya̱a̱ chalyuu tya clyo la. Lo'o xñi cua ña'a̱ ca na cha' ji'i̱ Jesús, li' quiñi cha' ji'i̱ ycui' Ndyosi lo'o na cha' caca lubii cresiya ji'na.

1 CORINTIOS 9:2

masi nti' xa' ñati̱ cha' si'i cña ji'i̱ Ni laca na'; pana cu'ma̱ ngu' Corinto cua nslo ma̱ 'na, cha' cua nda na' cha' ji'i̱ Jesús lo'o ma̱ tya clyo. Chañi cha' bi'. Taca jlo ti' ngu' cha' jua'a̱ laca cña nu ndyu'ni na', lo'o ña'a̱ ngu' ñi'ya̱ ndyaca cha' bi' lo'o ma̱.

2 CORINTIOS 1:18

Cua jlo ti' ycui' Ndyosi cha' ná nchcui' ya tucua cha' lo'o cu'ma̱, ñi'ya̱ si nacui̱ ya cha' jua'a̱ laca, lo'o li' nacui̱ ya cha' si'i jua'a̱. Ná ndu'ni ya jua'a̱,

2 CORINTIOS 1:22

Ndi'ya̱ laca ñi'ya̱ si ngusta ycui' Ni sca cuayá' nu ji'i̱ Ni hichu̱' na, nu lo'o nda Ni Xtyi'i ycui' Ni nu ndyanu ne' cresiya ji'na. Xtyi'i ycui' Ndyosi laca nu nda ycui' Ndyosi ji'na yala la, cha' caca cuayá' ti' na cha' chañi cha' cua'ni Ni lo'o na lcaa ña'a̱ cha' nu nacui̱ Ni cha' cua'ni Ni.

EFESIOS 1:13

Lo'o li' la cui' jua'a̱ ndyaca lo'o cu'ma̱. Clyo ndyuna ma̱ cha' liñi bi' ji'i̱ Cristo; tso'o tsa ngua ti' ma̱ lo'o ndacha' ngu' cha' bi' ji'i̱ ma̱, cha' cua ngua'ni lyaá Ni ji'i̱ ma̱ ya' nu cuxi. Ngusñi ma̱ cha' ji'i̱ Cristo li', lo'o li' nda Ni Xtyi'i ycui' Ni cha' tyanu ne' cresiya ji'i̱ ma̱, ñi'ya̱ si na cua ngusta Ni cuayá' nu ji'i̱ ycui' ca Ni hichu̱' ma̱ cha' laca ma̱ ñati̱ ji'i̱ Ni; la cui' cña nu nacui̱ Ni cha' cua'ni Ni, cua laca ngua'ni Ni li'.

EFESIOS 4:30

Ná cua'ni ma̱ cha' ca xñi'i̱ ti' Xtyi'i ycui' Ndyosi; nu Xtyi'i ycui' Ndyosi ni, ñi'ya̱ laca si cua ngusta Ni cuayá' nu ji'i̱ ycui' ca Ni hichu̱' na, cha' laca na ñati̱ ji'i̱ Ni, jua'a̱ laca bi'. Tyanu bi' lo'o na ña'a̱ cuayá' nu tye chalyuu ji'na, ña'a̱ cuayá' nu tyalaa tsa̱ nu cua'ni lyaá Ni ji'na.

2 TIMOTEO 2:19

Liñi tsa laca cha' nu nchcui' ycui' Ndyosi; cua'ni Ni cha' ná xtyanu na cha' bi', si jlya ti' na cha' nu nchcui' ycui' Ndyosi ndi'ya̱: “Cua nslo ycui' nu Xu'na na tilaca laca ñati̱ ji'i̱ Ni”. Lo'o chaca cha' nchcui' ndi'ya̱: “Cua ña'a̱ ca ñati̱ nu ntsu'u cha' ji'i̱ lo'o Cristo ni, ntsu'u cha' xtyanu ngu' bi' lcaa cha' cuxi”. Jua'a̱ nacui̱ quityi ji'i̱ ycui' Ndyosi.

HEBREOS 6:17

La cui' jua'a̱ ngua'ni ycui' Ndyosi. Ngua ti' Ni cacha' liñi Ni ji'i̱ ngu' ñi'ya̱ nu caca cha' bi' ji'i̱ ngu' bi' ca nde loo la, cha' ca cuayá' ti' ngu' cha' nga'aa tya'a̱chu̱' Ni tsiya' ti ji'i̱ sca cha' nu cua nacui̱ Ni tsaca quiya'; bi' cha' xtañi ycui' Ni ngulotu̱ Ni clyo, cha' jua'a̱ ngüiñi cha' ji'i̱ Ni lo'o jyo'o bi'.

1 JUAN 1:10

Ñi'ya̱ si cua nacui̱ na cha' na cuiñi ycui' Ndyosi, jua'a̱ ndyu'u cha' si ñacui̱ na cha' ná ntsu'u qui'ya ji'na tsiya' ti; ná ngusñi su̱u̱ cha' ji'i̱ ycui' Ndyosi ne' cresiya ji'na, si tya ñacui̱ na jua'a̱.