SAN JUAN 21:17 - Chatino Tataltepec

¹⁷ Cua ngua sna quiya' nu nchcuane Jesús ji'i̱: ―¿Ha chañi hi̱ cha' ntsu'u tyiquee nu'u̱ ña'a̱ 'na? Cua xñi'i̱ ti' Pedro cha' cua sna quiya' nchcuane Jesús ji'i̱ si chañi cha' ntsu'u tyiquee ña'a̱ ji'i̱ yu, bi' cha' nchcui' ndi'ya̱: ―Lcaa ca cha' jlo ti' nu'u̱, Xu'na ―nacui̱ Pedro ji'i̱ yu―. Cua jlo ti' nu'u̱ cha' ntsu'u tsa tyiquee na' ña'a̱ na' jinu'u̱. ―Culu'u nu'u̱ cha' 'na ji'i̱ ñati̱ 'na lacua ―nacui̱ Jesús ji'i̱―.

SAN JUAN 21:17 ပူးပေါင်းရင်းမြစ်များ

SAN MATEO 25:40

Lo'o li' na' nu laca na' loo tsiya' ti, chcui' na' chaca quiya' lo'o ngu' bi': “Cha' liñi nchcui' na' lo'o ma̱ juani, cha' lo'o nguxtyucua ma̱ ji'i̱ sca ngu' tya'a na' nu ntsu'u cha' ji'i̱ lo'o na', masi nguxtyucua ma̱ ji'i̱ sca ngu' ti'i ti, bi' tyempo ngua lo'o nguxtyucua ma̱ 'na”.

SAN MARCOS 14:72

Hora ti xa' ngusi'ya ndye'e. Li' ntsu'u ti' Pedro ñi'ya̱ ngua cha' nu cua nchcui' Jesús lo'o tsa̱: “Ndi'ya̱ cua'ni nu'u̱ ndyi, Pedro; chcui' nu'u̱ lo'o ñati̱ sna quiya' cha' ná nslo nu'u̱ 'na, nu lo'o tya lyiji xi'ya ndye'e tucua quiya'”. Bi' cha' nxi'ya tsa Pedro li'.

SAN JUAN 12:8

Lcaa tyempo ndi'i̱ ngu' ti'i lo'o ma̱ nde chalyuu, lcaa tsa̱ taca xtyucua ma̱ ji'i̱ ngu' bi' nquicha'; pana nu na' ni, ná tyu̱u̱ tsa̱ tyi'i̱ na' slo cu'ma̱.

SAN JUAN 13:38

―¿Ha chañi hi̱ cha' tyaja'a̱ nu'u̱ cajaa cha' clyaá na'? ―nacui̱ Jesús ji'i̱―. Liñi tsa cha' nu ta na' lo'o nu'u̱ juani: Lo'o tya lyiji ti xi'ya ndye'e nde tlya, sna quiya' xacui̱ nu'u̱ cha' ji'i̱ ngu' cha' ná nslo nu'u̱ 'na.

SAN JUAN 14:15

’Taquiya' ma̱ ji'i̱ lcaa cha' nu nchcui' na' lo'o ma̱, si chañi cha' ntsu'u tyiquee ma̱ 'na ―nacui̱ Jesús―.

SAN JUAN 15:10

Lcaa tsa̱ tyi'u ti' ma̱ su ndi'i̱ ma̱ cha' ntsu'u tsa tyiquee na' ña'a̱ na' ji'i̱ ma̱. Jua'a̱ tso'o tsa caca tyiquee na' ña'a̱ na' ji'i̱ ma̱ si taquiya' ma̱ ji'i̱ lcaa cha' nu nda na' lo'o ma̱. Lo'o jua'a̱ na' ―nacui̱ Jesús― cua ngua'ni na' lcaa cña nu ngulo Sti na' 'na. Jlo ti' na' cha' ntsu'u tsa tyiquee Ni ña'a̱ Ni jna' tyucui su ndi'i̱ na'.

SAN JUAN 16:30

bi' cha' ná ntsu'u cha' xcuane ngu' ni tsaca cha' jinu'u̱. Juani tso'o tsa nchca cuayá' ti' ya cha' jlo ti' nu'u̱ lcaa ca cha', bi' cha' jlya ti' ya cha' ca slo ycui' Ndyosi ngutu'u nu'u̱.

SAN JUAN 18:27

Xa' nchcui' Pedro cha' ná lo'o ndyaa, lo'o la cui' hora li' ngusi'ya ndye'e.

SAN JUAN 18:4

Jlo ti' Jesús lcaa cha' nu nga'a̱ cha' cua'ni ngu' lo'o yu, bi' cha' ndyaa yu ndyacua tya'a yu lo'o ngu' xña'a̱ bi' tyucui̱i̱ su lijya̱ ngu'. Li' nchcuane Jesús ji'i̱ ngu': ―¿Ti ji'i̱ lijya̱ ma̱ yaana ma̱? ―nacui̱ yu ji'i̱ ngu' bi'.

SAN JUAN 21:18

Liñi tsa cha' nu ta na' lo'o nu'u̱ juani, cha' nu lo'o ngua cuañi' nu'u̱ ni ―nacui̱ Jesús―, li' ngua ji'i̱ ycui' ca nu'u̱ sca̱' nu'u̱ juata ndi'i̱ sii' nu'u̱, ngua jinu'u̱ tsaa macala su nti' nu'u̱ tsaa li'; pana lo'o casu' nu'u̱, li' xquiñi nu'u̱ scu̱ cha' sca̱' tachaa ngu' xa' chalyuu jinu'u̱, li' tsaa lo'o ngu' jinu'u̱ macala su ná nti' nu'u̱ tsaa.

SAN JUAN 4:16

Li' nchcui' Jesús lo'o nu cuna'a̱ bi': ―Yaa clya nu'u̱ yaaqui'ya ji'i̱ clyo'o cha' ca̱a̱ ca nde.

LOS HECHOS 1:24

Li' nchcui' lcaa ngu' bi' lo'o ycui' Ndyosi: ―Ndyosi nu Xu'na ya ―nacui̱ ngu'―, jlo ti' nu'u̱ ñi'ya̱ nu ntsu'u tyiquee lcaa ñati̱ chalyuu. Culu'u nu'u̱ ji'i̱ ya ti ji'i̱ nu tucua tya'a nu qui'yu re nu cua ngusubi ycui' nu'u̱ ji'i̱,

LOS HECHOS 11:10

Sna quiya' nteje tacui cha' bi' su nga'a̱ na', li' nguxtyacui tasá bi' ndyaa nde cua̱ chaca quiya'.

LOS HECHOS 15:8

Cua na'a̱ ycui' Ndyosi lcaa ña'a̱ nu ntsu'u tyiquee ngu' bi', lo'o li' nda Ni Xtyi'i ycui' Ni cha' tyanu ne' cresiya ji'i̱ ngu' bi', masi ngu' xa' tsu' laca ngu'. Ñi'ya̱ nu ngua'ni ycui' Ndyosi lo'o na, la cui' jua'a̱ ngua'ni Ni lo'o ngu' xa' tsu' bi';

2 CORINTIOS 1:12

Tso'o tsa nti' ya cha' xcui' ngua'ni tyucui tyiquee ya lo'o ma̱, xcui' nda ya cha' liñi lo'o ma̱, ñi'ya̱ nu ngua'ni ya lo'o xa' ñati̱; jua'a̱ nti' ya. Ngua ji'i̱ ya cua'ni ya jua'a̱ lo'o ma̱ xqui'ya cha' lye tsa ngua'ni tya'na ti' ycui' Ndyosi ji'na laja ti; si'i cha' nda'ya cha' hique ti ya, bi' cha' ndu'ni ya jua'a̱.

EFESIOS 4:30

Ná cua'ni ma̱ cha' ca xñi'i̱ ti' Xtyi'i ycui' Ndyosi; nu Xtyi'i ycui' Ndyosi ni, ñi'ya̱ laca si cua ngusta Ni cuayá' nu ji'i̱ ycui' ca Ni hichu̱' na, cha' laca na ñati̱ ji'i̱ Ni, jua'a̱ laca bi'. Tyanu bi' lo'o na ña'a̱ cuayá' nu tye chalyuu ji'na, ña'a̱ cuayá' nu tyalaa tsa̱ nu cua'ni lyaá Ni ji'na.

1 PEDRO 1:6

Bi' cha' caca chaa ti' ma̱ juani, cha' tso'o tsa ntsu'u tyiquee ma̱, masi ntsu'u quiya' xñi'i̱ ti' ma̱ xqui'ya lcaa lo cha' ti'í nu ndyacua ji'i̱ ma̱; pana xti ti tyempo nu ca xñi'i̱ ti' ma̱.

2 PEDRO 3:1

Cu'ma̱ ngu' tya'a tso'o na, cua nguscua na' sca quityi ndyaa slo cu'ma̱ tya tsubi' la. Nu juani nde nscua na' chaca quityi, cha' ca tyi'u ti' ma̱ lcaa cha' nu ji'i̱ Cristo, cha' jua'a̱ caca culacua tso'o ti' ma̱ lcaa hora.

APOCALIPSIS 2:23

hasta cujuii na' ji'i̱ ñati̱ nu ngusñi cha' ji'i̱ nu cuna'a̱ bi', nacui̱ Ni. Lo'o li' lcaa taju ñati̱ ji'i̱ Jesucristo lcua ti quichi̱, caja cha' ji'i̱ ngu' cha' cua ngua'ni tye na' ji'i̱ cha' cuxi bi'; li' taca jlya tso'o ti' ngu' cha' cua jlo ti' na' lcaa ña'a̱ cha' nu nclyacua ti' ñati̱ chalyuu. Lo'o li' ca cuayá' ti' lcaa ma̱ cha' la cui' ñi'ya̱ ngua'ni ma̱ cha' cuxi tya lo'o ya̱a̱ ma̱ chalyuu, jua'a̱ xcube' na' ji'i̱ ma̱, nacui̱ Jesús.

APOCALIPSIS 3:19

Lcaa ñati̱ nu tyaca'a tsa 'na, ndaca'a na' xi ji'i̱ ngu', nchcube' na' xi ji'i̱ ngu'. Cua'ni clya ma̱ lacua, cha' culochu̱' ma̱ cha' cuxi nu ndyu'ni ma̱.