SAN JUAN 20:30 - Chatino Tataltepec

³⁰ Chañi cha' ngua'ni Jesús quiña'a̱ la cha' tlyu cha' cube ti' ñati̱ ji'i̱ ycui' Ndyosi Sti yu. Na'a̱ ngu' nu ngua tsa'a̱ ji'i̱ cha' bi', masi ná nchcui' quityi re cha' ji'i̱ lcaa cha' bi'.

SAN JUAN 20:30 ပူးပေါင်းရင်းမြစ်များ

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 21:25

Lo'o jua'a̱ tya ntsu'u quiña'a̱ la cha' nu ngua'ni Jesús; si lo quityi scua ngu' cha' ji'i̱ lcaa ca cha' nu ngua'ni Jesús nu lo'o ya̱a̱ yu nde chalyuu, ná tyu'u scua tyucui ña'a̱ chalyuu cha' tyuco'o quityi bi', nti' na'. Tsa lo cua ti cha' nscua na' re.

SAN JUAN 6:2

Tsa tlyu ti ndyaa lca'a̱ quiña'a̱ ñati̱ ji'i̱ yu, bi' ñati̱ laca nu cua na'a̱ cña tonu nu ngua'ni yu lo'o ngua'ni yu cha' ndyaca tso'o ngu' quicha.

ROMANOS 15:4

Lcaa quityi nu nguscua jyo'o cusu' tya sa'ni la ni, nclyu'u quityi bi' ji'na ñi'ya̱ nu caca jatya na ji'i̱ sca cha' nu lijya̱ nde loo la; nda quityi cha' lo'o na ñi'ya̱ xtyucua ycui' Ndyosi ji'na cha' talo tsa tyiquee na laja lo'o ndu̱ ti' na ji'i̱ Ni.

1 CORINTIOS 10:11

Lcaa cha' tlyu bi' ngua ji'i̱ jyo'o cusu' bi' nu ngua sa'ni, cha' caja ñi'ya̱ tyi'u ti' xa' ñati̱ nde loo la na laca nu ngua ji'i̱ jyo'o cusu' bi', ni cha' laca ngua ji'i̱ ngu' bi' jua'a̱. Lo'o jua'a̱ tya nscua cha' bi' lo quityi cha' cube ti' na ji'i̱ cha' bi'. Cua ngulala ti tye chalyuu su ndi'i̱ na juani;

1 JUAN 5:13

Cua nscua na' quityi re lacua, cha' ca̱a̱ ca slo ma̱, lcaa tya'a ngusñi ma̱ cha' ji'i̱ Jesús nu sca ti Sñi' ycui' Ndyosi; xqui'ya cha' re taca ca cuayá' ti' ma̱ cha' cua ngujui chalyuu cucui ji'i̱ ma̱, nu cua nda ycui' Ndyosi ji'na.