SAN JUAN 20:25 - Chatino Tataltepec

²⁵ Li' nacui̱ ngu' tya'a ngua tsa'a̱ ji'i̱ Tomás: ―Cua na'a̱ ya ji'i̱ ycui' nu Xu'na na ―nacui̱ ngu'. Li' nchcui' Tomás lo'o ngu': ―Lo'o cua na'a̱ na' ca su ngujuo' ngu' clavo ya' ycui', li' jlya ti' na' cha' la cui' yu laca bi' ―nacui̱―. Lo'o cua ndyojo' sne ya' na' cuityu su ngujuo' ngu' clavo ya' yu, lo'o cua ndyojo' ya' na' ca su ntucua cuityu sii' yu, ca li' jlya ti' na' ―nacui̱ Tomás.

SAN JUAN 20:25 ပူးပေါင်းရင်းမြစ်များ

SAN MATEO 27:42

―Ngua'ni lyaá yu ji'i̱ xa' ñati̱, pana ji'i̱ ycui' ca yu ná nchca ji'i̱ yu cua'ni lyaá yu ―nacui̱ ngu' nu laca loo bi'―. Rey ji'i̱ ngu' Israel laca yu, nacui̱ yu. Tso'o la si ca'ya yu lo crusi cua juani, jlya ti' na ji'i̱ yu li' ―nacui̱ ngu' bi' ji'i̱ tya'a ngu'―.

SAN MARCOS 16:11

Pana masi jua'a̱, ná nduna ngu' cha' nu nchcui' María lo'o ngu', cha' ná jlya ti' ngu' cha' cua ndyu'ú Jesús chaca quiya'; ná jlya ti' ngu' tsiya' ti cha' cua na'a̱ María ji'i̱ ycui' Jesús.

SAN MARCOS 16:13

Yala ti ñaa ngu' nde quichi̱, ndacha' ngu' cha' bi' ji'i̱ tya'a ngu'; pana ná ndaquiya' ngu' ji'i̱ cha' nu nchcui' nu tucua tya'a ñati̱ bi'.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN LUCAS 24:25

Li' nchcui' Jesús lo'o nu ngu' nu tya'a ndyaa yu tyucui̱i̱: ―Lyiji tsa cha' ji'i̱ cu'ma̱ cha' ca cuayá' ti' ma̱ scaa cha'; tiya' tsa nxñi ma̱ lcaa cha' nu nda ngu' jyo'o nu ngua tu'ba ji'i̱ ycui' Ndyosi sa'ni la.

SAN JUAN 1:41

Hora ti ndyaa Andrés ndyaana ji'i̱ tya'a, la cui' nu Simón bi'. Li' nchcui' Andrés lo'o: ―Cua nquijeloo ji'i̱ ya ñi'ya̱ nu laca Cristo, nu ñati̱ tlyu nu nda Ni ji'i̱ lijya̱ nde chalyuu ―nacui̱.

SAN JUAN 20:27

Li' nchcui' Jesús lo'o ycui' Tomás: ―Cua̱a̱ nu'u̱ ca nde, cojo' sne ya' nu'u̱ su ntucua cuityu ya' na' ―nacui̱―. Ña'a̱ tso'o nu'u̱ su ntucua cuityu ya' na' re. Cua̱a̱ nu'u̱, cojo' ya' sii' na'. Nga'aa cua'ni nu'u̱ cha' ná jlya ti' nu'u̱ 'na, taca jlya tso'o ti' nu'u̱ 'na juani ―nacui̱ Jesús.

SAN JUAN 21:7

Li' nchcui' nu qui'yu nu ngua tsa'a̱ ji'i̱ Jesús nu tyaca'a tsa ji'i̱ yu, nacui̱ ji'i̱ Pedro: ―Nu ndu̱ ca bi' laca ycui' nu Xu'na na ―nacui̱. Nu lo'o ndyuna Pedro cha' bi', li' ndyacu' ste' cha' quichi' ti ndyu'ni cña, ngutacua̱ Pedro ndyú lo hitya, ngutu'u to' tayu'.

SAN JUAN 6:30

Li' tya nchcuane la ngu' ji'i̱ Jesús: ―¿Ñi'ya̱ ña'a̱ cña nu cua'ni nu'u̱ lacua? ¿Ñi'ya̱ ña'a̱ cña tonu nu cua'ni nu'u̱ cha' ña'a̱ cui'ya ya xi ji'i̱, cha' xñi ya cha' jinu'u̱ li'? ―nacui̱ ngu' ji'i̱ Jesús―.

HEBREOS 3:12

Cu'ma̱ tya'a ngusñi na cha' ji'i̱ Jesús, ña'a̱si̱i̱ ma̱ ji'i̱ ycui' ca ma̱, cha' ni tsaca ma̱ ná tya'a̱chu̱' ma̱ ji'i̱ cha' ji'i̱ ycui' Ndyosi nu lu'ú ca, cha' ná caca cuxi cresiya ji'i̱ ma̱, ñi'ya̱ si nga'aa taquiya' ma̱ cha' ji'i̱ Ni.

HEBREOS 3:18

Cua lye tsa nchcui' Ni cha' ji'i̱ ngu' nu ngusu̱u̱ tya'a lo'o Ni: “Nga'aa tyalaa ngu' bi' ca slo na', cha' tyi'i̱ tso'o ti ngu' ca nde”, nacui̱ Ni li'.