SAN JUAN 20:19 - Chatino Tataltepec

¹⁹ La cui' talya tsa̱ clyo ji'i̱ semana bi', cua nga'a̱ ya' ni'i̱ su ndyu'u ti'i̱ ngu' nu ngua tsa'a̱ ji'i̱ Jesús, cha' ntsi̱i̱ ngu' ji'i̱ ngu' judío. Li' ya̱a̱ Jesús, ndatu̱ slo ngu' bi'. ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu' bi'.

SAN JUAN 20:19 ပူးပေါင်းရင်းမြစ်များ

SAN MATEO 10:13

Si chañi cha' nti' ngu' nu ndi'i̱ ni'i̱ bi' cuna la ngu' cha' ji'i̱ ycui' Ndyosi, li' cua'ni Ni cha' ti̱ ti tyi'i̱ tyiquee ngu' bi'; pana si ñilo'o ti ngu' ji'i̱ ma̱ cha' nti' ngu' cuna ngu', nga'aa culacua̱ Ni ji'i̱ ngu' bi'. Li' nga'aa chcui' ma̱ cha' ji'i̱ ycui' Ndyosi lo'o ngu' bi'.

SAN MATEO 18:20

Lo'o na' nga'a̱ na' lo'o ma̱ macala su ndyu'u ti'i̱ tucua sna tya'a ti ma̱ chacuaya' 'na.

SAN MARCOS 16:14

Ca ngusi̱i̱ la xi, li' ndyu'u tucua Jesús slo nu tii chaca tya'a ngu' nu ndyaca tsa'a̱ ji'i̱ su nga'a̱ ngu' ndyacu ngu' to' mesa. Lye nchcui' yu lo'o ngu' bi' ni cha' laca ná jlya tso'o ti' ngu', ni cha' laca ndyacu̱' hique ngu'. Lo'o jua'a̱ nchcui' yu lo'o ngu' ni cha' laca ná ndaquiya' ngu' ji'i̱ ngu' tya'a ngu', nu cua na'a̱ ji'i̱ yu clyo lo'o ndyu'ú ca ti yu chaca quiya'.

SAN JUAN 14:27

’Ndi'ya̱ cua'ni na' lo'o ma̱ cha' cua tya'a ti na': cua'ni na' cha' ti̱ ti tyi'i̱ tyiquee ma̱. Ná nchca ji'i̱ ñati̱ chalyuu tyi'i̱ ti̱ ti ngu', pana ycui' na' cua'ni na' cha' ti̱ ti tyi'i̱ ma̱ ―nacui̱ Jesús―. Nga'aa culacua tsa ti' ma̱, nga'aa cutsi̱i̱ ma̱ ―nacui̱―.

SAN JUAN 16:22

Lo'o jua'a̱ cu'ma̱ ―nacui̱―, xti ti tyempo caca xñi'i̱ ti' ma̱; pana ca̱a̱ na' ca̱a̱ na'a̱ na' ji'i̱ ma̱ chaca quiya', lo'o li' caca chaa ti' ma̱ chaca quiya'. Ná tucui taca cua'a ji'i̱ ma̱ cha' ná caca chaa ti' ma̱ li'.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

SAN JUAN 20:21

Chaca quiya' nchcui' Jesús lo'o ngu' li': ―Ti̱ ti tyi'i̱ tyiquee ma̱, ná culacua tsa ti' ma̱ ―nacui̱ yu ji'i̱ ngu'―. Ñi'ya̱ lo'o nda Sti na' 'na lijya̱a̱ chalyuu, jua'a̱ ta na' ji'i̱ ma̱ cha' tsaa ma̱ tyucui ña'a̱ chalyuu.

SAN JUAN 20:26

Li' cua ndu'u scua snu' tsa̱, ndyalaa ngu' nu ngua tsa'a̱ ji'i̱ Jesús toni'i̱ chaca quiya'; lo'o Tomás ndi'i̱ lo'o ngu' li'. Cua ndyacu̱' toni'i̱, li' ndyatí̱ Jesús ni'i̱ jua'a̱ ti, ndyatu̱ yu slo ngu' bi'. Li' nchcui' yu lo'o ngu': ―Ti̱ ti tyi'i̱ tyiquee ma̱.

SAN JUAN 21:1

Tiya' la xi xa' ngulu'u loo Jesús ji'i̱ nu ngu' nu ngua tsa'a̱ ji'i̱, nu lo'o ndyaa ngu' nde to' tayu' Tiberias. Ndi'ya̱ ngua cha' bi':

SAN JUAN 21:14

Cua ngua sna quiya' li' nu ngulu'u loo Jesús ji'i̱ nu ngu' nu ngua tsa'a̱ ji'i̱, tya lo'o ndyu'ú yu chaca quiya' lo'o ngujuii yu.

SAN JUAN 7:13

Pana ntsi̱i̱ ngu' si cuna ngu' judío cha' nu nchcui' ngu', bi' cha' cuaana ti nchcui' ngu' lo'o tya'a ngu'.

LOS HECHOS 1:3

Lo'o cua ngujuii Jesús, ndyu'ú yu chaca quiya', li' ndu'u tucua yu slo ngu' bi'. Tya tu'ba tsa̱ ndya'a̱ Jesús chalyuu, lo'o jua'a̱ tyu̱u̱ quiya' ndu'u tucua yu slo ngu' bi'; tso'o tsa ngulu'u yu ji'i̱ ngu' cha' chañi cha' cua ndyu'ú yu chaca quiya'. Lo'o jua'a̱ ngulu'u yu ji'i̱ ngu' bi' ñi'ya̱ nu caca ycui' Ndyosi loo ne' cresiya ji'i̱ ñati̱.

ROMANOS 15:33

Xtyucua Ni ji'i̱ lcaa cu'ma̱ lacua, la cui' ycui' Ndyosi nu ndu'ni cha' ti̱ ti tyi'i̱ tyiquee na nde chalyuu. Chañi tsa cha' caca jua'a̱.

1 CORINTIOS 15:5

Lo'o li' ngulu'u loo Jesús ji'i̱ Pedro, lo'o jua'a̱ ji'i̱ ca ta'a tii chaca ngu' nu ngua tsa'a̱ ji'i̱ tya clyo.

EFESIOS 2:14

Cristo laca nu ngua'ni cha' ngua ti̱ cha' ji'na lo'o ycui' Ndyosi, lo'o jua'a̱ ngua'ni Cristo cha' nguaala' cha' ji'i̱ ngu' judío tya'a na' lo'o ngu' xa' tsu' tya'a ma̱; bi' cha' juani cua ndyaca na sca ti ñati̱. Sa'ni la cua ntsu'u sca cha' nu ndaca'a ji'na; ndatsaa tsa cha' bi' ji'na cha' ná cua'ni tya'a ngu' judío tya'a na' lo'o xa' ñati̱ tsiya' ti, cha' ná nchca tyaala' cha' ji'i̱ ya lo'o ngu' xa' tsu'.

EFESIOS 6:23

Chcui' na' lo'o ycui' Ndyosi Sti na, lo'o jua'a̱ lo'o Jesucristo nu Xu'na na cuentya ji'i̱ cu'ma̱ tya'a ngusñi na cha' ji'i̱ Cristo; cua'ni Ni cha' ti̱ ti tyi'i̱ tyiquee ma̱, cha' tso'o ti tyu'u tyiquee ma̱ ña'a̱ ma̱ ji'i̱ tya'a na, cha' lcaa tyempo jlya ti' ma̱ ji'i̱ ycui' Ndyosi.

FILIPENSES 1:2

Ndi'ya̱ nti' na', cha' ña'a̱ ti cua'ni ycui' Ndyosi Sti na cha' tso'o lo'o ma̱, cha' ti̱ ti tyi'i̱ tyiquee ma̱ xqui'ya Jesucristo nu Xu'na na.

2 TESALONICENSES 3:16

Cua'ni ycui' nu Xu'na na lo'o ma̱ cha' ti̱ ti tyi'i̱ tyiquee ma̱ lcaa tsa̱, masi tsa̱ tso'o ji'i̱ ma̱, masi tsa̱ cuxi ji'i̱ ma̱, xqui'ya cha' lcaa hora ti̱ ti ndi'i̱ tyiquee ycui' Ni. Lo'o jua'a̱ tyanu ycui' nu Xu'na na lo'o ma̱ li'.

HEBREOS 7:2

Bi' cha' ngusa'be Abraham lcaa yu'ba nu nquije ji'i̱ yu chaca quiya', nu nguaana nu ngu' xña'a̱ bi'; tii tya'a yu'be ngusa'be yu lcaa cha' bi', lo'o li' nda yu ña'a̱ tsaca yu'be ji'i̱ nu cusu' Melquisedec bi'. Ndi'ya̱ ndyu'u xtañi nu cusu' bi': “xu'na quichi̱ nu liñi ca ndu'ni”, jua'a̱ ndyu'u cha' bi' cha'cña ji'na; lo'o jua'a̱ cha' xu'na quichi̱ Salem ngua nu cusu' bi', bi' cha' taca chcui' na: “ti̱ ti ndi'i̱ cresiya ji'i̱ ngu' xqui'ya nu xu'na ngu'”, cha' jua'a̱ ndyu'u xquicha' Salem cha'cña ji'na.

3 JUAN 1:14

tso'o la yala ti ca̱a̱ na' ca su ndi'i̱ nu'u̱ cha' ycui' ca na' ta na' xi cha' lo'o nu'u̱.

APOCALIPSIS 1:4

Juan laca na' nu nda̱ quityi re tsaa nde cati tya'a quichi̱ loyuu su cuentya Asia, ca su ndi'i̱ taju ñati̱ nu ngusñi cha' ji'i̱ Jesucristo. Nda na' xlyo ni'i̱ ji'i̱ ma̱ chacuayá' ji'i̱ ycui' Ndyosi Sti na, jua'a̱ chacuayá' ji'i̱ Xtyi'i ycui' Ndyosi, jua'a̱ chacuayá' ji'i̱ Jesucristo. Cua nti' na' cha' ña'a̱ ti cua'ni ycui' Ndyosi cha' tso'o lo'o ma̱, ña'a̱ ti cua'ni Ni cha' ti̱ ti tyi'i̱ tyiquee ma̱. Nu ngua tya clyo lu'ú ycui' Ndyosi, na lu'ú Ni juani, lo'o ña'a̱ ti tya lu'ú Ni tyempo nde loo la. Ntucua Xtyi'i ycui' Ni nde loo su tlyu su ntucua ycui' Ni, la cui' cati tya'a cui'i̱ lubii nu nda Xtyi'i Ni laca bi'.