SAN JUAN 2:18 - Chatino Tataltepec

¹⁸ Ñasi̱' tsa ngu' judío li', bi' cha' nchcuane ngu' ji'i̱ Jesús ndi'ya̱: ―¿Tilaca laca nu nda chacuayá' cha' cua'ni nu'u̱ jua'a̱? ¿Ñi'ya̱ cua'ni nu'u̱ cha' jlya ti' ya hi̱?

SAN JUAN 2:18 ပူးပေါင်းရင်းမြစ်များ

SAN MATEO 21:23

Nu lo'o ndyalaa ngu' quichi̱ tlyu bi', li' xa' ndyatí̱ Jesús ndyaa ne' laa tonu bi'; nclyu'u yu ji'i̱ ñati̱ chaca quiya'. Lo'o li' na'a̱ sti jo'ó nu laca loo lo'o xa' la ngu' cusu' nu laca loo, na'a̱ ngu' ji'i̱ Jesús. Hora ti ñaa ngu' bi' slo yu cha' xcuane ngu' cha' ji'i̱ yu li': ―¿Tilaca laca nu nda chacuayá' jinu'u̱ cha' cua'ni nu'u̱ ñi'ya̱ nu ndyu'ni nu'u̱ juani? ―nacui̱ ngu' nu laca loo bi' ji'i̱ Jesús―. ¿Ma nde ngujui chacuayá' cua jinu'u̱? ―nacui̱ ngu' bi' ji'i̱.

SAN MARCOS 8:11

Li' ndyu'u tucua xi ngu' fariseo slo Jesús cha' xu̱u̱ ngu' lo'o yu. Ngua ti' ngu' cha' caja ñi'ya̱ chcui' ngu' sca cha' cuxi ji'i̱ yu; bi' cha' ndijña ngu' fariseo bi' ji'i̱ yu cha' culu'u yu sca cha' tlyu ji'i̱ ngu', sca cha' tonu nu tyu'u tucua nde cua̱ chacuayá' ji'i̱ ycui' Ndyosi.

SAN LUCAS 11:29

Tya ndyu'u ti'i̱ la ngu' slo Jesús tsa tlyu ti, li' chaca quiya' nchcui' Jesús lo'o ngu': ―Xña'a̱ tsa ñati̱ chalyuu juani ―nacui̱ Jesús―. Cua nti' ngu' cha' cua'ni na' sca cha' tlyu chacuayá' ji'i̱ ycui' Ndyosi, cha' ña'a̱ cui'ya ngu' ji'i̱ ñi'ya̱ si laca sca cuxe' ti. Pana ná cua'ni na' jua'a̱. Nga'a̱ cha' tyi'u ti' ma̱ ñi'ya̱ nu ngua ji'i̱ jyo'o Jonás lo'o nguti'i̱ yu chalyuu tya sa'ni la.

SAN JUAN 1:19

Nda Juan cha' lo'o tyu̱u̱ tya'a sti jo'ó lo'o ngu' xirta; ngutu'u ngu' nde quichi̱ Jerusalén, ndyalaa ngu' su ndi'i̱ nu Juan bi' li'. Cua ngulo ngu' judío nu ndi'i̱ ca bi' cña ji'i̱ ngu' bi', cha' ca̱a̱ ngu' slo Juan cha' xcuane ngu' ji'i̱ Juan tilaca laca.

SAN JUAN 1:25

Nchcui' ngu' bi' lo'o Juan li': ―¿Ni cha' laca ndu̱ nu'u̱ ntyucuatya nu'u̱ ji'i̱ ngu' si si'i nu ñati̱ tlyu bi' laca nu'u̱, si si'i jyo'o Elías laca nu'u̱, si si'i nu cusu' nu chcui' cha' ji'i̱ ycui' Ndyosi laca nu'u̱?

SAN JUAN 6:30

Li' tya nchcuane la ngu' ji'i̱ Jesús: ―¿Ñi'ya̱ ña'a̱ cña nu cua'ni nu'u̱ lacua? ¿Ñi'ya̱ ña'a̱ cña tonu nu cua'ni nu'u̱ cha' ña'a̱ cui'ya ya xi ji'i̱, cha' xñi ya cha' jinu'u̱ li'? ―nacui̱ ngu' ji'i̱ Jesús―.

LOS HECHOS 4:7

Ngulo ngu' ji'i̱ Pedro lo'o ji'i̱ Juan ne' chcua̱, ñaa lo'o ngu' ji'i̱ ngu' bi' ca slo ngu' nu laca loo. Li' nchcuane nu ngu' cusu' bi' ji'i̱ ngu': ―¿Ñi'ya̱ ngua'ni ma̱ cha' ndyaca tso'o yu quicha quiya' bi'? ―nacui̱ ngu' ji'i̱ ngu'―. ¿Tilaca laca nu nda chacuayá' cha' cua'ni ma̱ jo'o ji'i̱ yu?

LOS HECHOS 5:28

―Cua ngulo ya cña ji'i̱ ma̱ ―nacui̱ sti jo'ó ji'i̱ ngu' preso―, cha' ná culu'u ma̱ cha' ji'i̱ jyo'o Jesús bi' ji'i̱ ñati̱ ―nacui̱―. ¿Na laca ngua ji'i̱ ma̱ juani? ¿Ni cha' laca ná nduna ma̱? ―nacui̱―. Nclyu'u ma̱ cha' bi' ji'i̱ lcaa ngu' quichi̱ Jerusalén re, lo'o jua'a̱ nti' ma̱ sta ma̱ qui'ya ji'i̱ ya cha' ndyujuii ya ji'i̱ Jesús.