SAN JUAN 19:40 - Chatino Tataltepec

⁴⁰ Ngusta ngu' na tyixi xtyi'i bi' lo sca late' lati loo, li' ngüixi̱i̱ ngu' late' bi' tyucui ña'a̱ hichu̱' jyo'o Jesús, ñi'ya̱ nu ndu'ni ngu' judío nu lo'o nxatsi' ngu' ji'i̱ jyo'o nu ndyijii ji'i̱ ngu'.

SAN JUAN 19:40 ပူးပေါင်းရင်းမြစ်များ

SAN MATEO 26:12

Cua ngusalú nu cuna'a̱ re setye lo na', masi tya lyiji cajaa na', cha' cua'ni cho'o tyucui ña'a̱ na' cha' tyatsi' na'.

SAN MARCOS 14:8

Cua ngua'ni nu cuna'a̱ re lcaa ña'a̱ cha' nu nchca ji'i̱. Na cua ngua'ni ma' cha' caca tyixi xtyi'i loo na' juani; masi tya lyiji cajaa na', yala la ngua'ni cho'o ma' ji'i̱ tyucui ña'a̱ na' cha' xatsi' ngu' 'na.

SAN LUCAS 24:12

Sca ti Pedro, hora ti ngusna ndyaa to' cuaá bi'. Chacua' na'a̱ Pedro ne' cuaá bi', cha' ntsiya ti tasá nu ngüixi̱i̱ hichu̱' jyo'o Jesús nquicha', na'a̱ cha' chaca se'i̱ nde la'a ti ntsiya late' bi'; lo'o li' ngutu'u Pedro ñaa nde toni'i̱, ngulacua tsa ti' na laca ngua cha' ndyaa jyo'o bi'.

SAN JUAN 11:44

Li' ngutu'u nu ngua jyo'o bi'; ña'a̱ ti tya ngüixi̱i̱ late' ngati̱ tyucui ña'a̱ hichu̱', ña'a̱ ti tya ndyacu̱' chaca late' loo. ―Xati̱' clya ma̱ late' nu ntsu'u chu̱' yu cua ―nacui̱ Jesús ji'i̱ ngu'―, cha' ta ma̱ chacuayá' tya'a̱ yu.

SAN JUAN 12:7

―Ta ma̱ chacuayá' cua'ni nu cuna'a̱ cua jua'a̱ ―nacui̱ Jesús―. Na cua nguxco'o cho' setye bi' cha' cua'ni jo'o ji'i̱ ngu' lo'o cua ngulala ti xatsi' ngu' jna' ―nacui̱―.

LOS HECHOS 5:6

Yala ti lijya̱ xi ngu' cuañi', ngüixi̱i̱ ngu' late' chu̱' jyo'o bi', ngulo ngu' ji'i̱ nde liya'. Li' ndyaa lo'o ngu' ji'i̱, ndyaa cha' tyatsi'.