SAN JUAN 19:39 - Chatino Tataltepec

³⁹ Lo'o Nicodemo nguxtyucua ji'i̱ yu, la cui' Nicodemo nu ndyaa slo Jesús talya tya sa'ni xi bi'. Ndyaa lo'o Nicodemo sca yu'ba styi' yaca nu tyixi xtyi'i; mirra naa sca lo styi' yaca bi', nguxa' lo'o chaca nu naa áloes. Calaa tyii kilo cuayá' ti'i̱ yu'ba bi'.

SAN JUAN 19:39 ပူးပေါင်းရင်းမြစ်များ

SAN MATEO 12:20

Ycui' ca yu xtyucua yu ji'i̱ ngu' cha' xñi la ngu' cha' jna', masi nti' ngu' ñi'ya̱ nti' sca yaca quii nu cua catsa ti, cha' nguna'a̱ tsa ti' ngu'. Lo'o jua'a̱ culu'u yu ji'i̱ ngu' cha' caca cuayá' la ti' ngu' lcaa cha' nu cuentya ji'i̱ ycui' na', masi cua tye ti cha' tso'o nu ntsu'u tyiquee ngu', masi laca ngu' ñi'ya̱ laca sca candil nu cua tyubi' ti. Jua'a̱ tyiji̱loo nu cha' liñi bi' ji'i̱ cha' cuxi.

SAN MATEO 19:30

Pana nu ngu' nu tyu'u tucua lo'o cua tye ti cha' bi' laca ngu' nu caca nde loo la; nu ngu' nu ndu'u tucua clyo, bi' ngu' laca nu tyanu nde chu̱' la li'.

SAN MATEO 2:11

Li' ndyatí̱ ngu' ni'i̱ bi', na'a̱ ngu' ji'i̱ cubi' lo'o ji'i̱ María xtya'a̱ cubi'. Hora ti ndyatu̱ sti̱' ngu' tii bi' slo cubi' cha' cua'ni tlyu ngu' ji'i̱. Lo'o li' ngusati̱' ngu' yu'ba ji'i̱ ngu' cha' ta ngu' msta̱ ji'i̱ cubi' bi'; nda ngu' oro ji'i̱ cubi' bi', nda ngu' yana jo'ó nu quiña'a̱ tsa nga'a̱, lo'o jua'a̱ nda ngu' mirra ji'i̱ cubi' bi'. (Jua'a̱ naa sca taná yaca nu tyixi xtyi'i.)

SAN MARCOS 16:1

Nu lo'o cua ndye tsa̱ nu ndi'i̱ cña' ngu' judío, li' nu María Magdalena lo'o María xtya'a̱ Jacobo lo'o Salomé ni, ndyaa ngu' ngüi'ya ngu' setye tyixi xtyi'i; tsaa lo'o ngu' ji'i̱ setye bi', cha' ta'a̱ setye bi' ña'a̱ tsaca chu̱' jyo'o bi' nti' ngu'.

SAN JUAN 12:3

Li' ndyalaa lo'o María ji'i̱ sca lyura setye tyixi xtyi'i. Quiña'a̱ tsa nga'a̱ setye bi' ji'i̱, cha' tyucui setye ji'i̱ quixi̱' nardo laca. Li' nda'a̱ María setye bi' chu̱' quiya' Jesús, lo'o quicha̱' que ycui' María ngusube' chu̱' quiya' yu; tyucui ña'a̱ ni'i̱ ntyucua xtyi'i setye tyixi xtyi'i bi' li'.

SAN JUAN 12:7

―Ta ma̱ chacuayá' cua'ni nu cuna'a̱ cua jua'a̱ ―nacui̱ Jesús―. Na cua nguxco'o cho' setye bi' cha' cua'ni jo'o ji'i̱ ngu' lo'o cua ngulala ti xatsi' ngu' jna' ―nacui̱―.