SAN JUAN 19:30 - Chatino Tataltepec

³⁰ Lo'o cua nguxcui Jesús vino bi', li' nacui̱ yu: ―Cua ngua lcaa cha'. Li' ngua'ya tacui hique yu, ngujuii yu li'.

SAN JUAN 19:30 ပူးပေါင်းရင်းမြစ်များ

SAN MATEO 20:28

Na' nu cua nda Ni 'na lijya̱a̱ cha' caca na' ñati̱, ná lijya̱ na' nde chalyuu cha' caja msu 'na; ycui' na' laca na' msu ji'i̱ ñati̱, bi' cha' lijya̱ na'. Na cua lijya̱ na' cha' cajaa na' cha' cati̱ qui'ya nu ntsu'u ji'i̱ ñati̱, cha' cua'ni lyaá na' ji'i̱ quiña'a̱ tsa ñati̱ li' ―nacui̱ Jesús ji'i̱ ngu'.

SAN MATEO 27:50

Lo'o li' chaca tya quiya' cui̱i̱ tsa ngusi'ya Jesús; li' ngutu'u cresiya ji'i̱ yu, ngujuii yu.

SAN MATEO 3:15

Li' nchcui' Jesús lo'o yu: ―Tso'o tyucuatya nu'u̱ jna' juani ―nacui̱ Jesús ji'i̱ Juan―, cha' jua'a̱ tso'o si cua'ni na lcaa cña nu nti' ycui' Ndyosi cha' cua'ni na. Lo'o ndyuna Juan cha' nu nchcui' Jesús lo'o, ntyucuatya yu ji'i̱ Jesús li'.

SAN MARCOS 15:37

Cui̱i̱ ngusi'ya Jesús li', ngujuii li'.

SAN LUCAS 22:37

Jua'a̱ cha' nchcui' na' lo'o ma̱ cha' nga'a̱ cha' tyu'u tucua cha' cuxi nu nchcui' quityi cusu' cha' caca 'na. Ndi'ya̱ nscua cha': “Ñi'ya̱ nu ndu'ni ngu' lo'o ñati̱ cuxi, jua'a̱ cua'ni ngu' lo'o ycui' Cristo”. Lcaa cha' nu nscua cha' caca 'na, jua'a̱ caca 'na tu'ni ―nacui̱ Jesús ji'i̱ ngu'.

SAN LUCAS 23:46

Hora bi' cui̱i̱ tsa ngusi'ya Jesús: ―Sti na', qui'ya nu'u̱ cresiya 'na ―nacui̱ yu. Nu lo'o cua nchcui' yu cha' bi', hora ti ngujuii yu li'.

SAN JUAN 10:11

Tso'o tsa ña'a̱si̱i̱ na' ji'i̱ xlya' 'na. Ycui' ca na' tyaja'a̱ Na' caja̱a̱ cha' ná cajaa xlya' jna', cha' ntsu'u tsa tyiquee na' ña'a̱ na' ji'i̱ ngu' ―nacui̱―.

SAN JUAN 10:18

Ná tucui xlyaá cresiya 'na, ycui' ca ti na' ntaja'a̱ na' caja̱a̱ ―nacui̱ Jesús―. Taca cua'ni na' jua'a̱, cha' cua nda ycui' Ndyosi Sti na' chacuayá' cajaa na', lo'o jua'a̱ cua nda Ni chacuayá' cha' tyu'ú na' chaca quiya'.

SAN JUAN 17:4

’Nde lo yuu re su nguti'i̱ na' cua ngua'ni na' cha' tlyu tsa laca nu'u̱ ―nacui̱ Jesús―, jua'a̱ cua ndye ngua'ni na' lcaa cña nu nda nu'u̱ 'na cha' cua'ni na' ca nde.

SAN JUAN 19:28

Jua'a̱ ngua lo'o cua ngua tii Jesús cha' cua ngua lcaa cha' nu ntsu'u cha' caca ji'i̱ ycui' yu, li' nacui̱ yu ñi'ya̱ nu nacui̱ sca cha' nu nscua lo quityi cusu': ―Nguityi tsa na' hitya ―nacui̱ yu.

SAN JUAN 4:34

Ndi'ya̱ nacui̱ Jesús ji'i̱ ngu' bi' li': ―Lo'o ndu'ni na' cña ji'i̱ ycui' Ndyosi Sti na', li' ndyaala' ti' na' ñi'ya̱ si cua ndyacu na', ñi'ya̱ si cua ndyo'o na' hitya ―nacui̱ yu―. Nga'a̱ cha' cua'ni tye na' cña nu nda Ni 'na lijya̱a̱ nde chalyuu ―nacui̱―.

ROMANOS 10:4

Pana cua ñaa Jesús chalyuu juani, cua ngusñi na cha' ji'i̱ yu, bi' cha' taca ca tso'o cresiya ji'na cuentya ji'i̱ ycui' Ndyosi; nga'aa nti' cha' taquiya' tsa na cha' cusu' nu cua nda jyo'o Moisés bi', cha' si jua'a̱ taca ca tso'o cresiya ji'na.

ROMANOS 3:25

Nda ycui' Ndyosi ji'i̱ Jesús ñaa chalyuu cha' tyaja'a̱ yu cajaa yu; masi ycui' yu chcube' yu cña loo lcaa ñati̱ chalyuu, cha' qui'ya ycui' yu yabe' nu ntsu'u ji'na. Caca cha' bi' ji'na si tyaja'a̱ na xñi na cha' ji'i̱ Jesús. Lo'o jua'a̱ nti' Ni culu'u Ni ji'na cha' xcui' cha' liñi ndu'ni Ni lo'o na, masi ná ngua'ni cuentya Ni ji'i̱ qui'ya nu ntsu'u ji'i̱ jyo'o cusu' ji'na; pana ndalo tsa tyiquee Ni ji'i̱ ngu' bi' li'.

1 CORINTIOS 5:7

La cui' jua'a̱ laca cu'ma̱, cha' ntsu'u qui'ya bi' chu̱' ma̱. Laca qui'ya bi' ji'i̱ ma̱ ñi'ya̱ laca scua̱ tiye' nu nga'aa tso'o tsiya' ti; tso'o si xcua̱a̱ ma̱ ji'i̱, chaca quiya' quixa' cucui scua̱ bi'. Lo'o jua'a̱ cu'ma̱, nga'a̱ cha' culotsu' ma̱ qui'ya nu ntsu'u ji'i̱ ma̱, cha' xcutsa'a̱ Ni cha' nu ntsu'u tyiquee ma̱, cha' caca lubii cresiya ji'i̱ ma̱. Na cua laca lubii bi' ji'i̱ ma̱ xqui'ya Jesús. Lo'o caca ta'a pascua ni, li' tyi'u ti' na cha' ngua'ni tye ycui' Cristo ji'i̱ qui'ya nu ntsu'u ji'na. Xqui'ya lcaa na ngujuii Ni lo crusi, ngua Cristo msta̱ lu'ú cuentya ji'i̱ qui'ya nu ntsu'u ji'na.

FILIPENSES 2:8

Ngua yu sca ñati̱ ti'i, lo'o jua'a̱ tso'o tsa ndaquiya' yu cña nu cua nda ycui' Ndyosi Sti yu ji'i̱ yu; ngujuii yu, hasta ngujuii yu lo crusi, masi jua'a̱ ndujuii ngu' ji'i̱ ngu' nu xña'a̱ tsa nu ngua li'.

HEBREOS 12:2

Xcui' culacua ti' na ñi'ya̱ ngua'ni Jesús; lcaa cha' nu jlya ti' na ni, Jesús laca su̱u̱ lcaa cha' bi'; si jua'a̱, taca jlya ti' na ji'i̱ Ni ña'a̱ cuayá' nu tye chalyuu. Nu ycui' Jesús ni, ná nguta'a̱chu̱' yu ji'i̱ cña nu nga'a̱ cha' cua'ni yu, masi cua jlo ti' yu cha' cua cajaa ti yu lo crusi. Pana tiya' la li', nu lo'o cua ntiji̱loo yu ji'i̱ nu cuxi, tso'o tsa ntsu'u tyiquee yu li'; bi' cha' ná ngua tyuju'u ti' yu tsiya' ti, masi nguxcube' ngu' ji'i̱ yu lo crusi. Lo'o juani cua ndyaa tucua Jesús nde la'a tsu' cui̱ su tlyu ca su ntucua ycui' Ndyosi Sti na.

HEBREOS 9:22

Cuentya ji'i̱ cha' cusu' bi', xcui' lo'o tañi sca na'ni nu cua ndyujuii ngu', jua'a̱ ngua lubii lcaa na; lo'o jua'a̱ juani, sca ti ndyiji cha' clyu ti' ji'na lo'o ycui' Ndyosi, cha' nu cua ngujuii Cristo cuentya ji'na.