SAN JUAN 19:29 - Chatino Tataltepec

²⁹ Nde jua ndu̱ sca te'í̱ vino tiye'. Li' ngujui'i̱ ngu' sca quiche ne' te'í̱ su ntsu'u vino bi', ña'a̱ cuayá' nu ngutsa' tso'o ti; ngusta ngu' quiche bi' si̱' chcua̱ cha, ngusicua̱ ngu' ji'i̱ quiche ña'a̱ cuayá' nu tyalaa ca su ntucua tu'ba Jesús.

SAN JUAN 19:29 ပူးပေါင်းရင်းမြစ်များ

SAN MATEO 27:34

Li' nda ngu' vino nguixa' lo'o sca taná clyaa' cha' co'o Jesús; pana lo'o cua ndyi'o cuayá' xi ca ti, li' nga'aa ntaja'a̱ yu co'o yu ji'i̱ vino bi' tsiya' ti.

SAN MATEO 27:48

Hora ti ngusna tsaca ngu' bi' ndyaa qui'ya yu sca quiche, ngüicha' yu ji'i̱ lo'o hitya tiye'. Li' ngusca̱' ji'i̱ lo sca yaca cha' tyalaa su ntucua tu'ba Jesús cha' co'o yu.

SAN MATEO 27:50

Lo'o li' chaca tya quiya' cui̱i̱ tsa ngusi'ya Jesús; li' ngutu'u cresiya ji'i̱ yu, ngujuii yu.

SAN MARCOS 15:36

Li' ngusna sca ñati̱ ndyaa ndyiqui'ya sca quiche; ngüicha' ngu' ji'i̱ quiche bi' lo'o vino tiye' li', ngusicua̱ ngu' ji'i̱ lo'o sca yaca quii cha' co'o Jesús. ―Jatya na xi ―nacui̱ nu ñati̱ bi'―, ña'a̱ na si ca̱a̱ jyo'o Elías cha' ta'ya ji'i̱ Jesús lo crusi.

SAN LUCAS 23:36

Lo'o jua'a̱ ngu' sendaru bi', ngustí lo'o ngu' ji'i̱ yu ñaa ngu' cacua ti su ndu̱ crusi, cuati nda ngu' vino tiye' cha' co'o yu.