SAN JUAN 18:33 - Chatino Tataltepec

³³ Li' nguxtyu̱u̱ Pilato ndyaa toni'i̱ ji'i̱, ngusi'ya ji'i̱ Jesús cha' tya̱a̱ slo: ―¿Ha nu'u̱ laca rey nu laca loo ji'i̱ ngu' judío? ―nacui̱ Pilato ji'i̱ Jesús.

SAN JUAN 18:33 ပူးပေါင်းရင်းမြစ်များ

SAN MATEO 27:11

Lo'o li' ndyalaa Jesús slo nu laca gobernador bi', nchcuane yu nu laca loo bi' ji'i̱ Jesús li': ―¿Ha la cui' nu'u̱ laca rey ji'i̱ ngu' judío? ―nacui̱ yu nu laca loo bi' ji'i̱ Jesús. ―La cui' laca na' ―nacui̱ Jesús ji'i̱ li'―, la cui' ñi'ya̱ nu nacui̱ nu'u̱ laca na'.

SAN MATEO 27:27

Lo'o li' ntejeya' ngu' sendaru nu ndu̱ cua̱ slo gobernador bi' ji'i̱ Jesús, ndyaa lo'o ngu' ji'i̱ nde ne' ni'i̱ ji'i̱ gobierno; ndacha' ngu' ji'i̱ lcaa tya'a sendaru nu ndi'i̱ ni'i̱ bi', cha' tyu'u ti'i̱ ngu' su ndu̱ Jesús.

SAN MARCOS 15:2

―¿Ha nu'u̱ laca rey ji'i̱ ngu' judío? ―La cui' ñi'ya̱ nu nacui̱ nu'u̱, la cui' laca na' ―nacui̱ Jesús ji'i̱ gobernador bi'.

SAN LUCAS 23:2

Ca bi' nguxana ngu' ngusta ngu' qui'ya ji'i̱ Jesús: ―Cua ngusñi ya ji'i̱ nu qui'yu re, cha' ndatsaa tsa yu ji'i̱ ngu' judío tya'a ya. Nacui̱ yu cha' ná ntsu'u chacuayá' ta ya cñi cña loo ya ji'i̱ nu laca cña ji'i̱ cu'ma̱, ngu' romano; lo'o jua'a̱ lye tsa nchcui' yu cha' ycui' yu laca Cristo, ñi'ya̱ si laca yu rey ji'i̱ ya ―nacui̱ ngu' ji'i̱ Pilato.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 12:13

Ndyaa lo'o ngu' ste' nga̱, lo'o jua'a̱ cui̱i̱ ngusi'ya ngu' li': ―Cua'ni tlyu na ji'i̱ ycui' Ndyosi Sti na ―nacui̱ ngu' ji'i̱ Jesús―. Culacua̱ Ni jinu'u̱ cha' lijya̱ nu'u̱ lo'o chacuayá' ji'i̱ ycui' nu Xu'na na. Masi juani ti, culacua̱ Ni jinu'u̱ cha' nu'u̱ laca Rey nu laca loo ji'i̱ ngu' Israel.

SAN JUAN 12:15

Ná cutsi̱i̱ cu'ma̱ ngu' ca tyi quichi̱ Sión; cua lijya̱ nu Xu'na ma̱, ntucua yu chu̱' sca huru.

SAN JUAN 18:34

Nchcui' Jesús lo'o nu cusu' bi' li': ―¿Ha cha' ngua'ya hique ycui' ca nu'u̱ laca cha' cua? ¿Ha xa' ñati̱ ndacha' jinu'u̱ cha' jua'a̱ laca na'? ―nacui̱ Jesús ji'i̱ Pilato.

SAN JUAN 18:37

―¿Ha laca nu'u̱ rey lacua? ―nacui̱ Pilato. Li' nguxtyacui Jesús cha' lo'o nu cusu' bi' chaca quiya': ―Nu'u̱ nacui̱ cha' laca na' rey. Cña nu ntsu'u 'na laca cha' chcui' liñi na' ji'i̱ lcaa cha' nu ntsu'u slo ycui' Ndyosi lo'o ngu'; bi' cha' ngula na' chalyuu, bi' cha' lijya̱ na' lo yuu cha' chcui' liñi na' lcaa cha' ji'i̱ ycui' Ndyosi lo'o ñati̱. Cuna ngu' lcaa cha' nu nchcui' na' si ná ndyacu̱' hique ngu' ji'i̱ cha' liñi bi'.

SAN JUAN 18:38

Li' nchcui' Pilato lo'o Jesús: ―Ná jlo ti' na' si ntsu'u cha' liñi jua'a̱ nde chalyuu ―nacui̱. Li' ngutu'u Pilato nde liya', ndyaa nde su ndu̱ nu ngu' judío bi' chaca quiya'. ―Cuentya jna', ná ntsu'u qui'ya ji'i̱ yu jua, ná ntsu'u cha' xcube' na' ji'i̱ yu ―nacui̱ Pilato ji'i̱ ngu' judío―.

SAN JUAN 19:12

Li' nguxana ndyu'ni cña ti' Pilato, si caja ñi'ya̱ nu cua'ni lyaá yu ji'i̱ Jesús. Pana ña'a̱ ti ndu'ni nu ngu' judío bi', cui̱i̱ ngusi'ya lo'o ngu' ji'i̱ Pilato: ―Si cua'ni lyaá nu'u̱ ji'i̱ nu qui'yu jua ni, li' nga'aa tso'o nu'u̱ cuentya ji'i̱ César nu laca xu'na cu'ma̱ ngu' romano ―nacui̱ ngu'―. Cua nacui̱ nu qui'yu jua cha' sca rey laca yu, bi' cha' tya'a cusu̱u̱ yu ji'i̱ César nu laca xu'na ma̱.

SAN JUAN 19:3

Li' lu'ba ti, lu'ba ti ndyaa ngu' slo yu cha' chcuicha' ngu' ji'i̱ yu; na cuiñi ti ngu' cha' ndyu'ni chi̱ ngu' loo yu. ―Tso'o ti tyi'i̱ nu'u̱, cusu', cha' nu'u̱ laca rey nu laca loo ji'i̱ ngu' judío ―ndu'ni ngu' ji'i̱ Jesús li'. Lo'o li' ngujui'i̱ ya' ngu' loo Jesús.

SAN JUAN 19:4

Chaca quiya' ngutu'u Pilato ni'i̱ ndyaa su ndi'i̱ ngu' judío. ―Cua lijya̱ yu jua ―nacui̱ Pilato―, lijya̱ lo'o na' ji'i̱ yu jua slo ma̱ chaca quiya', cha' caca cuayá' ti' ma̱ cha' ná ntsu'u qui'ya ji'i̱ yu cuentya jna'.

SAN JUAN 19:9

Xa' nguxtyu̱u̱ Pilato ndyaa nde ni'i̱ ji'i̱, nchcuane ji'i̱ Jesús: ―¿Macala ngutu'u nu'u̱ lijya̱? Ná nguxacui̱ Jesús cha' ji'i̱ tsiya' ti li'.

1 TIMOTEO 6:13

Culo na' cña jinu'u̱ juani chacuayá' ji'i̱ ycui' Ndyosi nu ndu'ni cu'ú ji'i̱ lcaa na lu'ú nu ntsu'u chalyuu; la cui' jua'a̱ culo na' cña jinu'u̱ chacuayá' ji'i̱ Jesucristo nu tso'o tsa nguxacui̱ cha' ji'i̱ Poncio Pilato nu laca loo nu lo'o ngua cuayá' ji'i̱ Jesús. Ná ntsi̱i̱ yu nguxacui̱ yu cha' cuentya ji'i̱ cña nu ndyaca ji'i̱ yu cha' nu sca ti Sñi' ycui' Ndyosi laca yu.