SAN JUAN 18:32 - Chatino Tataltepec

³² Lo'o ngua'ni ngu' jua'a̱, li' ngutu'u tucua cha' nu cua nchcui' Jesús lo'o ngu', ñi'ya̱ ña'a̱ cajaa ycui' ca.

SAN JUAN 18:32 ပူးပေါင်းရင်းမြစ်များ

SAN MATEO 20:19

Li' tsaa lo'o ngu' bi' 'na slo ngu' xa' tsu' nu laca loo, cha' xtyí lo'o ngu' bi' 'na. Lo'o jua'a̱ quiji'i̱ ngu' bi' 'na lo'o reta, cujui'i̱ ca'a̱ ngu' bi' 'na lo crusi li'. Pana, tsa̱ nchca tyuna, li' tyu'ú na' chaca quiya' ―nacui̱ Jesús.

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MARCOS 10:33

―Cua'a̱ jyaca̱ ma̱ ―nacui̱ Jesús ji'i̱ ngu' bi' li'―, cua ngusñi na tyucui̱i̱ nde ca'ya juani cha' tsaa na Jerusalén. Cajua taya' ngu' 'na nu cua nda Ni 'na lijya̱a̱ cha' caca na' ñati̱, cha' tsaa lo'o ngu' 'na slo sti jo'ó nu laca loo, slo mstru cha' jo'ó. Cua'ni cuayá' ngu' bi' 'na li'. Chcui' ngu' cha' ntsu'u qui'ya 'na, lo'o jua'a̱ xqui'ya bi' ntsu'u cha' cajaa na'. Li' tsaa lo'o ngu' bi' 'na slo ngu' xa' tsu' nu laca loo ji'i̱ lcaa na.

SAN JUAN 10:31

Chaca quiya' ngusñi nu ngu' judío bi' quee cha' cu̱ ngu' ji'i̱ Jesús, cujuii ngu' ji'i̱.

SAN JUAN 10:33

Li' nguxtyacui nu ngu' judío bi' cha' lo'o Jesús: ―Ná cujuii ya jinu'u̱ lo'o quee xqui'ya sca cña tso'o nu ngua'ni nu'u̱ ―nacui̱ ngu'―, xqui'ya cha' cuxi nu nchcui' nu'u̱ ji'i̱ ycui' Ndyosi, bi' cha' cu̱ ya quee jinu'u̱. Sñi' ñati̱ chalyuu ti laca nu'u̱, pana ndu'ni nu'u̱ cha' laca nu'u̱ ycui' Ndyosi.

SAN JUAN 13:18

’Ná nchcui' na' ji'i̱ lcaa cu'ma̱. Jlo ti' na' ti ji'i̱ ngusubi na' cha' caca tsa'a̱ ngu' jna' ―nacui̱ Jesús―. Tya sa'ni nguscua ngu' sca cha' ji'i̱ ycui' Ndyosi lo quityi ndi'ya̱: “La cui' ñati̱ nu stu'ba ndyacu tyaja lo'o na', bi' laca nu xu̱u̱ tya'a lo'o na' juani”; jlo ti' na' cha' nga'a̱ cha' caca cha' bi' ―nacui̱ Jesús―.

SAN JUAN 18:31

―Yaa lo'o ma̱ ji'i̱ yu re cha' cua'ni cuayá' ma̱ ji'i̱ yu cuentya ji'i̱ cha' cusu' nu ntsu'u ji'i̱ ycui' ca ma̱ ―nacui̱ Pilato ji'i̱ ngu' li'. Nguxacui̱ nu ngu' judío bi' cha' ji'i̱ Pilato li': ―Ná ntsu'u chacuayá' ji'i̱ ya cha' cujuii ya ji'i̱ sca ñati̱ jua'a̱, cha' ngu' judío laca ya ―nacui̱ ngu'.

SAN JUAN 21:19

Nacui̱ Jesús jua'a̱ cha' caca cuayá' ti' Pedro ñi'ya̱ ña'a̱ cujuii ngu' ji'i̱ ca tiya' la; xqui'ya cha' cajaa Pedro jua'a̱, bi' cha' lye la cua'ni tlyu xa' ñati̱ ji'i̱ ycui' Ndyosi li'. ―Tya'a̱ nu'u̱ lo'o na' lacua ―nacui̱ Jesús ji'i̱ Pedro li'.

SAN JUAN 3:14

Lo'o nguti'i̱ jyo'o Moisés nde nati̱' btyi bi' cua sa'ni la, ngusicua̱ yu ji'i̱ sca cuaña chcua̱ nu ndacui chu̱' yaca cha' ña'a̱ ngu' cuaña bi', cha' caca jo'o ji'i̱ quicha nu ntsu'u ji'i̱ ngu' bi' ―nacui̱ Jesús―. Ñi'ya̱ nu ngusicua̱ ji'i̱ cuaña bi', jua'a̱ nga'a̱ cha' sicua̱ ngu' jna' lo crusi, na' nu lijya̱a̱ cha' caca na' ñati̱.

SAN JUAN 8:28

Bi' cha' tya nchcui' la Jesús lo'o ngu' li': ―Tiya' la lo'o sicua̱ ma̱ jna' lo crusi, li' caca cuayá' ti' ma̱ cha' laca na' ñi'ya̱ nu ni na' ji'i̱ ma̱, na' nu lijya̱a̱ chalyuu cha' caca̱ ñati̱ ―nacui̱ Jesús―. Ná sca cña ndu'ni na' chacuayá' ji'i̱ ycui' ca na'; ycui' Ndyosi Sti na', bi' laca nu ngulu'u 'na lcaa ca cha' nu nchcui' na' ―nacui̱―.

LOS HECHOS 7:59

Laja lo'o ngu̱ ngu' quee ji'i̱ nu Esteban bi', nchcui' yu lo'o Jesús: ―Jesús Xu'na na' ―nacui̱ Esteban―, cua'ni nu'u̱ cha' tso'o qui'ya nu'u̱ cresiya jna'.

GÁLATAS 3:13

Cua ngulo Cristo ji'na ji'i̱ yabe' nu ngusta ycui' Ndyosi hichu̱' na xqui'ya cha' ná ndaquiya' na ji'i̱ lcaa cha' tsiya' ti nu nda Ni lo'o na; yabe' nu ntsu'u ji'na bi' cua ndyanu hichu̱' ycui' Jesús li'. Ndi'ya̱ nscua cha' lo quityi ji'i̱ ycui' Ndyosi: “Si tlyu tsa yabe' ntsu'u ji'i̱ sca ñati̱, ntsu'u cha' cujui'i̱ ca'a̱ ngu' ji'i̱ ña'a̱ lu'ú ti lo sca yaca ndu̱ cha' cajaa yu”.