SAN JUAN 18:30 - Chatino Tataltepec

³⁰ Li' nguxtyacui ngu' cha' lo'o Pilato: ―Si ná ntsu'u qui'ya ji'i̱ yu, ná ca̱a̱ lo'o ya ji'i̱ yu slo nu'u̱, cusu' ―nacui̱ ngu' ji'i̱.

SAN JUAN 18:30 ပူးပေါင်းရင်းမြစ်များ

SAN MARCOS 10:33

―Cua'a̱ jyaca̱ ma̱ ―nacui̱ Jesús ji'i̱ ngu' bi' li'―, cua ngusñi na tyucui̱i̱ nde ca'ya juani cha' tsaa na Jerusalén. Cajua taya' ngu' 'na nu cua nda Ni 'na lijya̱a̱ cha' caca na' ñati̱, cha' tsaa lo'o ngu' 'na slo sti jo'ó nu laca loo, slo mstru cha' jo'ó. Cua'ni cuayá' ngu' bi' 'na li'. Chcui' ngu' cha' ntsu'u qui'ya 'na, lo'o jua'a̱ xqui'ya bi' ntsu'u cha' cajaa na'. Li' tsaa lo'o ngu' bi' 'na slo ngu' xa' tsu' nu laca loo ji'i̱ lcaa na.

SAN MARCOS 15:3

Lo'o li' ngusta sti jo'ó nu laca loo quiña'a̱ qui'ya ji'i̱ Jesús slo nu Pilato bi'.

SAN LUCAS 24:7

Cua nacui̱ yu cha' ycui' nu lijya̱ cha' caca yu ñati̱ ni, nga'a̱ cha' ta ngu' ji'i̱ yu ya' ngu' xña'a̱, cha' cujui'i̱ ca'a̱ ngu' ji'i̱ yu lo crusi. Lo'o chu̱' sna tsa̱, li' tyu'ú yu chaca quiya' nacui̱ yu.

SAN JUAN 18:29

bi' cha' ngutu'u nu naa Pilato, nu laca gobernador bi', ndyaa slo ngu' judío cha' xcuane ji'i̱ ngu' ndi'ya̱: ―¿Ni qui'ya ngusta ma̱ hichu̱' yu re? ―nacui̱ Pilato ji'i̱ ngu'.

SAN JUAN 18:31

―Yaa lo'o ma̱ ji'i̱ yu re cha' cua'ni cuayá' ma̱ ji'i̱ yu cuentya ji'i̱ cha' cusu' nu ntsu'u ji'i̱ ycui' ca ma̱ ―nacui̱ Pilato ji'i̱ ngu' li'. Nguxacui̱ nu ngu' judío bi' cha' ji'i̱ Pilato li': ―Ná ntsu'u chacuayá' ji'i̱ ya cha' cujuii ya ji'i̱ sca ñati̱ jua'a̱, cha' ngu' judío laca ya ―nacui̱ ngu'.

SAN JUAN 19:12

Li' nguxana ndyu'ni cña ti' Pilato, si caja ñi'ya̱ nu cua'ni lyaá yu ji'i̱ Jesús. Pana ña'a̱ ti ndu'ni nu ngu' judío bi', cui̱i̱ ngusi'ya lo'o ngu' ji'i̱ Pilato: ―Si cua'ni lyaá nu'u̱ ji'i̱ nu qui'yu jua ni, li' nga'aa tso'o nu'u̱ cuentya ji'i̱ César nu laca xu'na cu'ma̱ ngu' romano ―nacui̱ ngu'―. Cua nacui̱ nu qui'yu jua cha' sca rey laca yu, bi' cha' tya'a cusu̱u̱ yu ji'i̱ César nu laca xu'na ma̱.

LOS HECHOS 3:13

Ycui' Ndyosi Sti na ni, la cui' Ni laca nu ngua'ni tlyu jyo'o cusu' ji'na ji'i̱ tya sa'ni la, masi jyo'o Abraham, masi jyo'o Isaac, masi jyo'o Jacob; lcaa jyo'o cusu' ji'na ngua'ni tlyu ngu' ji'i̱ ycui' Ndyosi bi'. Ycui' Ndyosi laca nu cua nda chacuayá' ji'i̱ Jesús Sñi' ycui' Ni cha' caca tlyu yu. Ntejeya' ma̱ ji'i̱ nu Jesús bi' tsubi' ti, ndyaa lo'o ma̱ ji'i̱ yu, ndyaa ma̱ ngusta ma̱ qui'ya ji'i̱ yu slo ngu' nu laca loo; nu lo'o ngua ti' gobernador Pilato cha' tyu'u Jesús laja ti, ná ntaja'a̱ ma̱ li'.

2 TIMOTEO 2:9

bi' cha' ndu'ni lya' ti' ngu' 'na juani. Ñi'ya̱ nu nchcube' ngu' ji'i̱ sca ñati̱ cuxi, jua'a̱ ngusca̱' ngu' jna' ne' chcua̱ juani. Ngusu'ba ngu' jna' ne' chcua̱ tu'ni, pana ná nchca ji'i̱ ngu' su'ba yacu̱' ngu' ji'i̱ cha' tso'o ji'i̱ ycui' Ndyosi jua'a̱;

1 PEDRO 4:15

Ná tso'o tsiya' ti si cua'ni ma̱ cha' cuxi. Liñi tsa laca si chcube' ngu' nu lo'o cua'ni ngu' cha' cuxi; masi cujuii ngu' ji'i̱ tya'a ñati̱, masi cuaana ngu' na nu ntsu'u ji'i̱ tya'a ñati̱, masi cua'ni ngu' xa' lo cha' cuxi nu ná ntsu'u chacuayá' cua'ni ngu', masi xu̱u̱ tya'a ngu' lo'o ngu' nu laca loo, liñi tsa si chcube' ngu' bi'.