SAN JUAN 18:29 - Chatino Tataltepec

²⁹ bi' cha' ngutu'u nu naa Pilato, nu laca gobernador bi', ndyaa slo ngu' judío cha' xcuane ji'i̱ ngu' ndi'ya̱: ―¿Ni qui'ya ngusta ma̱ hichu̱' yu re? ―nacui̱ Pilato ji'i̱ ngu'.

SAN JUAN 18:29 ပူးပေါင်းရင်းမြစ်များ

SAN MATEO 27:23

―¿Ni cha' laca nti' ma̱ cha' cujuii na' ji'i̱ yu re? ―nacui̱ Pilato bi' li'―. ¿Ni qui'ya ntsu'u ji'i̱? Cui̱i̱ tsa nxi'ya lo'o ngu' ji'i̱ li': ―Cujui'i̱ ca'a̱ ma̱ ji'i̱ lo crusi ―nacui̱ ngu'.

SAN JUAN 18:30

Li' nguxtyacui ngu' cha' lo'o Pilato: ―Si ná ntsu'u qui'ya ji'i̱ yu, ná ca̱a̱ lo'o ya ji'i̱ yu slo nu'u̱, cusu' ―nacui̱ ngu' ji'i̱.

SAN JUAN 18:33

Li' nguxtyu̱u̱ Pilato ndyaa toni'i̱ ji'i̱, ngusi'ya ji'i̱ Jesús cha' tya̱a̱ slo: ―¿Ha nu'u̱ laca rey nu laca loo ji'i̱ ngu' judío? ―nacui̱ Pilato ji'i̱ Jesús.

LOS HECHOS 25:16

Pana nguxacui̱ na' cha' ji'i̱ ngu' cha' si'i jua'a̱ ndu'ni ngu' romano; ná taca cua'ni cuayá' ya ji'i̱ yu, nu lo'o bilya ta ya tyempo ji'i̱ yu cha' tyu'u lubii cha' ji'i̱ ycui' yu lo'o ngu' su ndu̱ ngu' nu ngusta qui'ya ji'i̱.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.