SAN JUAN 18:28 - Chatino Tataltepec

²⁸ Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN JUAN 18:28 ပူးပေါင်းရင်းမြစ်များ

SAN MATEO 27:27

Lo'o li' ntejeya' ngu' sendaru nu ndu̱ cua̱ slo gobernador bi' ji'i̱ Jesús, ndyaa lo'o ngu' ji'i̱ nde ne' ni'i̱ ji'i̱ gobierno; ndacha' ngu' ji'i̱ lcaa tya'a sendaru nu ndi'i̱ ni'i̱ bi', cha' tyu'u ti'i̱ ngu' su ndu̱ Jesús.

SAN MARCOS 15:16

Ndyaa lo'o sendaru ji'i̱ Jesús nde ne' ni'i̱ su ntucua ngu' nu laca loo bi', lo'o jua'a̱ ndyu'u ti'i̱ ña'a̱ lcaa sendaru nu ntsu'u cajua.

SAN LUCAS 22:66

Lo'o nguxee, li' ndyu'u ti'i̱ ngu' cusu' ji'i̱ ngu' judío, lo'o ngu' sti jo'ó nu laca loo, lo'o ngu' mstru cha' jo'ó; ndyaa lo'o ngu' ji'i̱ Jesús nde loo ña'a̱ taju ngu' tisiya bi'. Ca bi' nguxana ngu' ndacha' ngu' ji'i̱ yu:

SAN JUAN 11:55

Cua ngulala tsa ta'a pascua, bi' laca sca ta'a ji'i̱ ngu' judío. Quiña'a̱ ngu' ngutu'u ngu' quichi̱ tyi ngu', masi quichi̱ ne' quixi̱', ndyalaa ngu' quichi̱ Jerusalén li'. Yala ti ngua'ni lubii ngu' tyucui ña'a̱ ngu' cuentya ji'i̱ ycui' Ndyosi, nu lo'o tya lyiji ti caca ta'a.

SAN JUAN 18:13

Clyo ndyaa lo'o ngu' ji'i̱ yu slo sca nu cusu' nu naa Anás, sti laa Caifás nu ngua xu'na sti jo'ó yija̱ bi'.

SAN JUAN 18:15

Ndya'a̱ Simón Pedro lca'a̱ ji'i̱ Jesús tyijyu' ti. Lo'o jua'a̱ chaca nu ndyaca tsa'a̱ ji'i̱ Jesús, lo'o nu qui'yu bi' lca'a̱ ji'i̱ Jesús. Ndyuloo tso'o nu bi' ji'i̱ sti jo'ó Anás, bi' cha' ndyaa lca'a̱ ji'i̱ Jesús ca nde ni'i̱ tlyu, nu laca to' tyi sti jo'ó bi'.

SAN JUAN 18:33

Li' nguxtyu̱u̱ Pilato ndyaa toni'i̱ ji'i̱, ngusi'ya ji'i̱ Jesús cha' tya̱a̱ slo: ―¿Ha nu'u̱ laca rey nu laca loo ji'i̱ ngu' judío? ―nacui̱ Pilato ji'i̱ Jesús.

SAN JUAN 18:39

Pana cua ngui'i̱ ma̱ cha' ndu'ni lyaá na' ji'i̱ sca ngu' preso lcaa yija̱ lo'o nchca tsa̱ ta'a pascua ―nacui̱ Pilato li'―. ¿Ha cua nti' ma̱ cha' cua'ni lyaá na' ji'i̱ yu jua nu laca rey ji'i̱ cu'ma̱ ngu' judío?

SAN JUAN 19:11

―Ná ntsu'u chacuayá' jinu'u̱ tsiya' ti cha' caca nu'u̱ loo jna' ―nacui̱ Jesús ji'i̱ Pilato―. Ycui' Ndyosi nu laca loo la, bi' laca nu ta chacuayá' ji'na; bi' cha' tlyu la qui'ya ntsu'u ji'i̱ yu nu cua ndyujui' cresiya 'na jinu'u̱.

SAN JUAN 19:14

Nde hora ngua bi', tsa̱ ta'a si̱i̱ ji'i̱ ta'a pascua. Lo'o li' nacui̱ Pilato ji'i̱ ngu' judío: ―Yu re laca rey nu laca loo ji'i̱ ma̱.

SAN JUAN 19:9

Xa' nguxtyu̱u̱ Pilato ndyaa nde ni'i̱ ji'i̱, nchcuane ji'i̱ Jesús: ―¿Macala ngutu'u nu'u̱ lijya̱? Ná nguxacui̱ Jesús cha' ji'i̱ tsiya' ti li'.

LOS HECHOS 10:28

Nda Pedro cha' lo'o ngu' bi' li': ―Jlo ti' ma̱ cha' ná ntsu'u chacuayá' ji'i̱ cua nu laca ya ngu' judío, cha' tyu'u ti'i̱ ya lo'o cu'ma̱ ngu' xa' tsu' ―nacui̱ Pedro ji'i̱ ngu'―. Ná ntsu'u chacuayá' tyatí̱ ya ni'i̱ ji'i̱ ngu' xa' tsu' ―nacui̱―. Pana cua ngulu'u ycui' Ndyosi jna' cha' ná tso'o chcui' na' ji'i̱ xa' ñati̱ cha' ñati̱ cuxi laca ngu', cha' si'i ñati̱ lubii laca ngu', masi ngu' xa' tsu' laca ngu'.

LOS HECHOS 10:32

Juani culo nu'u̱ cña ji'i̱ ngu' cha' tsaa ngu' quichi̱ Jope; quichi̱ bi' ndyalaa sca nu qui'yu nu naa Simón, lo'o xtañi yu laca Pedro. Tsaa ngu', tsaa cacha' ngu' ji'i̱ yu cha' ca̱a̱ yu ca nde. Cua ndi'i̱ yu to' tyi chaca Simón nu laca cuityi quiji̱ nu ntucua tyi cacua ti to' tyujo'o. Nu lo'o tyalaa yu ca nde, li' culu'u yu sca cha' nu tso'o tsa jinu'u̱.”

LOS HECHOS 11:3

Li' nchcuane ngu' ji'i̱ Pedro: ―¿Ni cha' laca ndyaa nu'u̱ slo ngu' xa' tsu'? ―nacui̱ ngu' ji'i̱ Pedro―. ¿Ni cha' laca ndyacu nu'u̱ stu'ba ti lo'o ngu' bi'?

LOS HECHOS 3:13

Ycui' Ndyosi Sti na ni, la cui' Ni laca nu ngua'ni tlyu jyo'o cusu' ji'na ji'i̱ tya sa'ni la, masi jyo'o Abraham, masi jyo'o Isaac, masi jyo'o Jacob; lcaa jyo'o cusu' ji'na ngua'ni tlyu ngu' ji'i̱ ycui' Ndyosi bi'. Ycui' Ndyosi laca nu cua nda chacuayá' ji'i̱ Jesús Sñi' ycui' Ni cha' caca tlyu yu. Ntejeya' ma̱ ji'i̱ nu Jesús bi' tsubi' ti, ndyaa lo'o ma̱ ji'i̱ yu, ndyaa ma̱ ngusta ma̱ qui'ya ji'i̱ yu slo ngu' nu laca loo; nu lo'o ngua ti' gobernador Pilato cha' tyu'u Jesús laja ti, ná ntaja'a̱ ma̱ li'.

LOS HECHOS 4:27

’Ñi'ya̱ nu cua nchcui' quityi jinu'u̱ nu nguscua jyo'o David sa'ni la bi' ―nacui̱ ngu' ji'i̱ ycui' Ndyosi Sti na―, jua'a̱ cua ndyu'u ti'i̱ ngu' nu laca loo ji'i̱ quichi̱ re cha' cua'ni cuxi ngu' lo'o Jesús Sñi' ycui' nu'u̱, masi xcui' lubii tsiya' ti cresiya ji'i̱ nu Jesús bi'; la cui' yu laca nu ngusubi nu'u̱ ji'i̱ ―nacui̱ ngu'―. Ndyu'u ti'i̱ Herodes lo'o Poncio Pilato, lo'o ngu' xa' loyuu, lo'o ngu' tya'a ya nde loyuu re. Li' ngua'ni ngu' lcaa cña nu nda nu'u̱ chacuayá' ji'i̱ ngu' bi' cha' cua'ni ngu'; ñi'ya̱ nu nda nu'u̱ cha' lo'o ngu' sa'ni, la cui' jua'a̱ ngua cha' yija̱ re ―nacui̱ ngu' ji'i̱ ycui' Ndyosi―.