SAN JUAN 18:25 - Chatino Tataltepec

²⁵ Laja li' ndu̱ Pedro to' lquii' cha' caca chcatsu̱ ti'. Nchcui' nu xa' ñati̱ nu ndi'i̱ nde bi' lo'o Pedro li': ―¿Ha lo'o nu'u̱ ndyaca tsa'a̱ ji'i̱ yu jua? Ná ntaja'a̱ Pedro ta cha' liñi lo'o ngu'. ―Ná lo'o na' ―nacui̱.

SAN JUAN 18:25 ပူးပေါင်းရင်းမြစ်များ

SAN MATEO 26:69

Lo'o nu Pedro bi' ni, nde liya' ti nga'a̱ yu bi'. Li' ñaa sca nu cuna'a̱ cua' slo yu. ―Lo'o nu'u̱ ndya'a̱ stu'ba ti lo'o Jesús nu ngu' Galilea jua ―nacui̱ nu cuna'a̱ bi' ji'i̱ Pedro.

SAN MARCOS 14:66

Tya nga'a̱ Pedro to' ni'i̱ ji'i̱ xu'na sti jo'ó, lo'o li' ndyu'u tucua sca nu cuna'a̱ cua' nu ndu'ni cña ji'i̱ sti jo'ó bi'.

SAN LUCAS 22:55

Ca bi' nguxtyu'u ngu' xi quii' cla'be la su laja to' ni'i̱, lo'o li' ndyu'u ti'i̱ ngu' to' lquii' bi'; lo'o Pedro ndyaca'a̱ laja ngu'.

SAN LUCAS 22:56

Li' na'a̱ sca nu cuna'a̱ cua' ji'i̱ ngu' cha' lo'o Pedro nga'a̱ to' lquii' bi'. Ña'a̱ tsa nu cuna'a̱ bi' ji'i̱ yu, li' nchcui' lo'o ngu': ―Lo'o nu qui'yu re ndya'a̱ lo'o nu Jesús bi' ―nacui̱ ji'i̱ ngu'.

SAN LUCAS 22:57

Hora ti nguxacui̱ Pedro cha' ji'i̱ nu cuna'a̱ bi': ―Ma' cusu', ná nslo na' ji'i̱ yu jua ―nacui̱ Pedro li'.