SAN JUAN 18:20 - Chatino Tataltepec

²⁰ Li' nguxacui̱ Jesús cha' ji'i̱ sti jo'ó bi': ―Lcua ti se'i̱ su ndya'a̱ na', liñi nchcui' na' lo'o ngu' ña'a̱ cuayá' nu cuna lcaa ñati̱ ―nacui̱ yu―. Masi ne' laa sube ti, masi ne' laa tlyu, lcaa su ndyu'u ti'i̱ ngu' judío, ca bi' ngulu'u na' ji'i̱ ngu'; ni sca quiya' ná nchcui' na' cuaana ti lo'o ngu'.

SAN JUAN 18:20 ပူးပေါင်းရင်းမြစ်များ

SAN MATEO 24:26

cha' ná cua'a̱ jyaca̱ ma̱ ji'i̱ ngu' si ñacui̱ ngu': “Tsaa na slo Cristo. Nga'a̱ ycui' yu ne' quixi̱' jua juani.” Ná tsaa ma̱ lo'o ngu' li'. Ná taquiya' ma̱ ji'i̱ ngu' si ñacui̱ ngu' ji'i̱ ma̱: “Cuaana ti ndi'i̱ yu ne' ni'i̱ jua juani”. Ná xñi ma̱ cha' nu chcui' ngu' bi' tsiya' ti.

SAN MATEO 26:55

Li' nchcui' Jesús lo'o nu taju ñati̱ tyaala nu ñaa cha' xñi ngu' ji'i̱: ―¿Ni cha' lijya̱ ma̱ lo'o maxtyi cusu̱u̱ lo'o yaca ntsu'u ya' ma̱, cha' xñi ma̱ 'na? ―nacui̱ Jesús ji'i̱ ngu'―. ¿Ha sca nu cuaana laca na' lacua? Tyu̱u̱ tsa tsa̱ ngua'a̱ na' ne' laa tonu ji'i̱ ma̱, ngulu'u na' cha' ji'i̱ ycui' Ndyosi ji'i̱ ñati̱, lo'o ná ngusñi ma̱ 'na li'.

SAN MATEO 26:65

Lo'o li' nu xu'na sti jo'ó bi' ni, ycui' ca yu ngusaa' ste' yu cha' ñasi̱' tsa yu. ―Cuiñi tsa yu re, cha' suba' nchcui' yu re ji'i̱ ycui' Ndyosi ―nacui̱ sti jo'ó bi' ji'i̱ lcaa tya'a ngu' nu laca loo li'―. Nga'aa nti' na cha' sta xa' la ñati̱ qui'ya ji'i̱ yu re. Cua ndyuna na cha' suba' tonu tsa nu nchcui' yu re, nu lo'o nacui̱ yu cha' Sñi' ycui' Ndyosi laca yu.

SAN MATEO 4:23

Lo'o li' ndyaa ngu' lcaa quichi̱ su cuentya Galilea lo'o Jesús. Lcaa quichi̱ ndya'a̱ nclyu'u yu ji'i̱ ngu' ne' laa ji'i̱ ngu' judío; nchcui' yu lo'o ngu' ñi'ya̱ laca cha' tso'o ji'i̱ ycui' Ndyosi, cha' cua ngulala ti caca Ni loo ne' cresiya ji'i̱ ngu'. Lo'o jua'a̱ ngua'ni yu jo'o ji'i̱ lcaa nu quicha, masi quicha ti ti' ngu' ngua'ni Jesús cha' ndyaca tso'o ngu'.

SAN MATEO 9:35

Lo'o li' ndyaa Jesús lcaa quichi̱ sube, lcaa quichi̱ tonu, cha' culu'u ji'i̱ ngu' ne' laa ji'i̱ ngu' judío; quiña'a̱ tsa cha' nda Jesús lo'o ñati̱ ñi'ya̱ tso'o caca lo'o laca ycui' Ni loo ne' cresiya ji'i̱ ngu'. Lo'o jua'a̱ ngua'ni jo'o ji'i̱ lcaa ngu' quicha, ji'i̱ lcaa ngu' nu ngunu'u̱ ti'.

SAN MARCOS 8:32

Liñi ngulu'u Jesús cha' bi' ji'i̱ nu ngu' nu ndyaca tsa'a̱ ji'i̱; bi' cha' ngusñi Pedro ya' Jesús li', nchcui' lo'o yu cha' ngua ti' cua'a ji'i̱ yu, cha' nga'aa chcui' Jesús jua'a̱.

SAN LUCAS 21:37

Lcaa tsa̱ ndacua̱ ndya'a̱ Jesús nclyu'u yu ji'i̱ ngu' ne' laa tonu ca quichi̱ Jerusalén bi'; lcaa talya ndyu'u yu ndyaa yu ndi'i̱ yu nde lo ca'ya nu ntucua cacua ti, nu naa ca'ya Olivos.

SAN LUCAS 4:15

Lcaa quichi̱ su ndya'a̱ yu nda yu cha' lo'o ngu' ca ne' laa ji'i̱ ngu' judío, lo'o jua'a̱ lcaa ñati̱ ngua'ni chi̱ ngu' loo Jesús.

SAN JUAN 18:21

¿Ni cha' laca nchcuane nu'u̱ jna'? Cuacha' nu'u̱ ji'i̱ ñati̱ nu cua ndyuna cha' nu nchcui' na' ni cha' nda na' lo'o ngu' bi'. Jlo ti' ngu' lcaa cha' nu ngulu'u na' ji'i̱ ngu'.

SAN JUAN 6:59

Jua'a̱ cha' ngulu'u Jesús ji'i̱ ngu' Capernaum nde ni'i̱ su ndyu'u ti'i̱ ngu' cha' cuna ngu' cha' ji'i̱ ycui' Ndyosi.

SAN JUAN 7:14

Sca semana ndalo ta'a bi'. Lo'o jua'a̱ tsa̱ nchca jacua ji'i̱ ta'a, li' ndyaa Jesús ne' laa tonu; nguxana yu nclyu'u yu ji'i̱ ngu' ca bi' li'.

SAN JUAN 7:26

Lo'o juani ña'a̱ ma̱ ñi'ya̱ nu ndyu'ni yu jua, ndu̱ yu nchcui' yu su ndi'i̱ lcaa ñati̱. Ná nchca ji'i̱ ngu' tsiya' ti cua'a ngu' ji'i̱ yu cha' nga'aa chcui' yu ―nacui̱ ngu' ji'i̱ tya'a ngu'―. ¿Ha ngujui cha' ji'i̱ nu laca loo ji'na lacua, cha' nu jua laca Cristo, nu ñati̱ tlyu nu cua ca̱a̱ ti?

SAN JUAN 7:28

Bi' cha' cui̱i̱ nchcui' Jesús ca su ndu̱ yu nclyu'u ji'i̱ ngu' ne' laa tonu bi': ―Chañi cha' nslo ma̱ 'na, chañi cha' jlo ti' ma̱ mala ngutu'u na' ―nacui̱―, pana si'i cuentya jna' lijya̱ na' ca nde. Sca ti ycui' Ndyosi nda 'na lijya̱a̱ chalyuu, lo'o jua'a̱ ná nslo ma̱ ji'i̱ nu bi' ―nacui̱―.

SAN JUAN 7:4

Ná cua'ni nu'u̱ cña bi' cuaana ti si nti' nu'u̱ cha' tyuloo lcaa ñati̱ hi̱; culu'u loo ycui' nu'u̱ ji'i̱ lcaa ñati̱ cha' taca jinu'u̱ cua'ni cha' tlyu jua'a̱.

SAN JUAN 8:2

Pana tsa cua cuxee ti, xa' ndatu̱ Jesús ne' laa tonu. Li' ndyu'u ti'i̱ lcaa ñati̱ ca slo yu. Ca bi' ndyaca'a̱ yu ngulu'u yu cha' ji'i̱ ycui' Ndyosi ji'i̱ ngu'.

SAN JUAN 8:26

Tya quiña'a̱ la cha' taca chcui' na' lo'o ma̱ nquicha' cuentya ji'i̱ qui'ya nu ntsu'u ji'i̱ ma̱; pana liñi tsa cha' nu nda ycui' Ndyosi nu nda 'na lijya̱a̱, lo'o jua'a̱ cua ña'a̱ ca cha' nu nda Ni lo'o na', bi' ti cha' laca nu nda na' lo'o ñati̱ chalyuu.

LOS HECHOS 26:26

Cua jlo ti' rey Agripa re, xqui'ya cha' nchca cuayá' ti' nu cusu' cha' bi'; bi' cha' tlyu tyiquee na' lo'o nchcui' na' lo'o nu cusu' re. Lo'o jua'a̱ jlo ti' nu cusu' ñi'ya̱ ngua cha' bi', cha' si'i na cuaana ti ngua cha' ji'i̱ Jesús.