SAN JUAN 17:26 - Chatino Tataltepec26 Cua ngulu'u na' ji'i̱ ngu' bi' lcaa cha' nu nda nu'u̱ jna', lo'o jua'a̱ tya cua'ni la na' cha' ca cuayá' tso'o ti' ngu' bi' tilaca laca nu'u̱. Bi' cha' taca caca tso'o tyiquee ngu' ña'a̱ ngu' ji'i̱ tya'a ñati̱ ngu', ñi'ya̱ ntsu'u tsa tyiquee nu'u̱ ña'a̱ nu'u̱ 'na, lo'o li' tyanu Xtyi'i ycui' na' ne' cresiya ji'i̱ ngu'. အခန်းကိုကြည့်ပါ။ |
SAN JUAN 17:26
28 ပူးပေါင်းရင်းမြစ်များ
Cua'ni stu'ba tyiquee ma̱ lo'o na', cha' stu'ba ti nchca tyiquee na' lo'o ma̱. Ndi'ya̱ laca ñi'ya̱ si laca na' sca su̱u̱ yaca, lo'o jua'a̱ cu'ma̱ laca ma̱ sta̱' yaca bi' ―nacui̱―. Pana sca sta̱' yaca si'yu ni, nga'aa ta sta̱' bi' si'yu si si'yu ngu' ji'i̱ ca quiya' sta̱' bi'; sca ti si stu'ba ti caluu sta̱' bi' ñi'ya̱ ntucua ti ji'i̱ su̱u̱ yaca, li' ta sta̱' bi' si'yu ―nacui̱―. Jua'a̱ lo'o cu'ma̱, ná taca tyu'u cha' tso'o ne' cresiya ji'i̱ ma̱ cha' xtyucua ma̱ ji'i̱ xa' ñati̱ si ná stu'ba caca tyiquee ma̱ lo'o na'.
Nu lo'o stu'ba ti ntsu'u tyiquee na' lo'o ngu' bi', lo'o jua'a̱ stu'ba ntsu'u tyiquee nu'u̱ lo'o na' ―nacui̱―, li' chañi cha' caca stu'ba cresiya ji'i̱ ngu' lo'o tya'a ngu'. Lo'o li' caca cuayá' ti' xa' ñati̱ chalyuu cha' cua nda nu'u̱ 'na lijya̱a̱ lo yuu, cha' ñi'ya̱ lo'o tyaca'a na' jinu'u̱, jua'a̱ cua'ni tyaca'a nu'u̱ ji'i̱ ngu' nu ngusñi cha' 'na.
’Lcaa ca cha' ñi'ya̱ laca ycui' nu'u̱ ni, cua ndye nchcui' na' cha' bi' lo'o ñati̱ chalyuu nu cua ngusubi nu'u̱ ji'i̱ cha' caca ñati̱ jna', ña'a̱ cuayá' nu ndyuloo tso'o ngu' jinu'u̱ ―nacui̱―. Ñati̱ jinu'u̱ laca ngu' bi', pana cua nda nu'u̱ ngu' bi' jna'. Cua ndaquiya' ngu' lcaa cha' nu nda nu'u̱ lo'o ngu'.
Masi ngua'ni nu cuxi nu ntsu'u chalyuu cha' chcuna' chalyuu ji'i̱ ma̱, pana tya lu'ú ma̱ juani, xqui'ya cha' lu'ú Xtyi'i ycui' Ni ne' cresiya ji'i̱ ma̱ si ntsu'u cha' ji'i̱ ma̱ lo'o Cristo. Ndyanu Xtyi'i ycui' Ni lo'o ma̱ nu lo'o ngua tso'o cresiya ji'i̱ ma̱ cuentya ji'i̱ ycui' Ndyosi chacuayá' ji'i̱ Jesús.
Ndi'ya̱ laca cha': cua nacui̱ ycui' Ndyosi cha' caca stu'ba cha' ji'na lo'o Jesucristo, lo'o jua'a̱ cua nda Ni ji'i̱ Jesucristo ji'na. Masi ná nchca ji'na, pana nu Jesucristo ni, lcaa cha' nchca ji'i̱ ycui'. Xqui'ya nu Jesús bi' nchca tso'o cresiya ji'na ñati̱ cuxi na cuentya ji'i̱ ycui' Ndyosi; xqui'ya Jesús taca caca na ñati̱ ji'i̱ ycui' Ndyosi, cha' Jesús laca nu ngua'ni lyaá ji'na ji'i̱ nu cuxi.
Cuentya ji'i̱ cha' cusu' bi' laca na' ñi'ya̱ laca si cua ngujuii na', ñi'ya̱ laca si stu'ba ti nga'a̱ na' lo crusi lo'o Jesús; juani nga'aa si'i ycui' ca ti na' laca na' loo ne' cresiya 'na, cha' Cristo laca nu laca loo ne' cresiya 'na juani. Ndi'i̱ tso'o ti na' chalyuu juani sca ti xqui'ya cha' jlya ti' na' ji'i̱ cña nu cua ngua'ni ycui' Jesús, nu sca ti Sñi' ycui' Ndyosi; bi' laca nu ntsu'u tsa tyiquee ña'a̱ jna', bi' laca nu cua nda chacuayá' ji'i̱ ngu' cha' cujuii ngu' ji'i̱ ycui' yu cuentya jna'.
ndijña na' ji'i̱ Ni cha' ca cuayá' ti' ma̱ cha' ngua'ni Ni cha' cua ndyanu Xtyi'i ycui' Jesús ne' cresiya ji'i̱ ma̱, nu lo'o ngusñi tso'o ma̱ cha' ji'i̱ ycui' Ndyosi; ndijña na' ji'i̱ Ni cha' tsa cu' ti tyu'u tyiquee ma̱ ña'a̱ ma̱ ji'i̱ tya'a ñati̱ ma̱, xqui'ya cha' tso'o tsa ngusñi su̱u̱ cha' bi' ne' cresiya ji'i̱ ma̱;
Sca cha' tlyu nu tso'o tsa laca cha' bi', sca cha' nu caja ji'i̱ lcaa lo ñati̱ chalyuu laca cha' ji'i̱ ycui' Ndyosi bi'; pana ná ngujui chacuayá' cha' caca cuayá' ti' ñati̱ ji'i̱ ycui' Ndyosi cha' bi' nu ngua cua sa'ni la. Ndi'ya̱ ndyu'u cha' bi', cha' nu bilya cuna ngu': Taca tyi'i̱ Cristo lo'o na nde chalyuu, masi juani ti; lo'o jua'a̱ tiya' la li' taca tyu'u cha' ji'na lo'o ycui' Ndyosi ca su tlyu su xee tsa ca su ntucua ycui' Ni.
Bi' cha' juani nga'aa ndulo tsa cha' ji'na lo'o tya'a na, masi la cui' ngu' judío laca na, masi si'i ngu' judío laca ma̱; nga'aa ndu'ni cha' masi cua ngulacua̱ na, masi ná ngulacua̱ na; nga'aa ndu'ni cha' si ngu' xa' tsu' laca na, masi ngu' tyaala laca na, masi ngu' nu ndi'i̱ tso'o ti laca na, masi msu nu ngüi'ya ti ñati̱ laca ma̱ cha' cua'ni ma̱ cña ji'i̱ ñati̱ laja ti. Nga'aa ndulo tsa cha' bi' ji'na juani, cha' sca ti Cristo laca nu ndulo tsa cha' ji'i̱ cuentya ji'na. Ndi'i̱ Cristo lo'o lcaa ñati̱ ji'i̱ Ni, ñi'ya̱ nu laca ngu', macala su ndi'i̱ ngu'.
Ndi'ya̱ nti' na' cha' cua'ni Ni lo'o ma̱, masi Jesucristo nu Xu'na na, masi ycui' Ndyosi Sti na: cua'ni Ni cha' caca nguula ti' tyiquee ma̱, cha' caja juersa ji'i̱ ma̱, cha' taca cua'ni ma̱ cua ña'a̱ ca cha' tso'o, cha' xcui' cha' tso'o chcui' ma̱ lo'o tya'a ma̱. Ntsu'u tsa tyiquee ycui' Ni ña'a̱ Ni ji'na, bi' cha' tso'o tsa ndu'ni Ni lo'o na, cha' ti̱ ti tyi'i̱ tyiquee na lcaa hora laja lo'o ntajatya na ji'i̱ ycui' Jesús cha' ca̱a̱ Ni.
ကြော်ငြာတွေ