SAN JUAN 16:32 - Chatino Tataltepec

³² Cua'a̱ jyaca̱ ma̱ xi ji'i̱ cha' nu chcui' na' re lacua: Cua ngulala ti hora, cua la cui' hora ndyaca juani cha' tyaa ma̱ toni'i̱ ji'i̱ scaa ma̱. Li' tyanu na' ycui' ti na' ―nacui̱―, pana si'i sca ti na' tyanu na', cha' stu'ba ndi'i̱ Sti na' lo'o na'.

SAN JUAN 16:32 ပူးပေါင်းရင်းမြစ်များ

SAN MATEO 26:31

Lo'o li' nchcui' Jesús lo'o ngu' bi': ―Caca tyuju'u ti' lcaa cu'ma̱ ña'a̱ ma̱ 'na talya ndyi. Caca bi' ñi'ya̱ nu nscua lo quityi ji'i̱ ycui' Ndyosi cua sa'ni la. Ndi'ya̱ nchcui' cha' bi': “Lo'o cujuii na' ji'i̱ nu ña'a̱si̱i̱ ji'i̱ xlya', li' xna lcaa xlya' bi', tyaa ni'”, nacui̱ quityi bi'.

SAN MATEO 26:56

Pana ñi'ya̱ nu nguscua ngu' nu ngua tu'ba ji'i̱ ycui' Ndyosi nu ngua sa'ni, la cui' jua'a̱ ndyu'ni ma̱ lo'o na' juani. Li' ndu'u lcaa ngu' nu ndyaca tsa'a̱ ji'i̱, ngusna ngu'.

SAN MARCOS 14:27

Xa' nchcui' Jesús lo'o nu ngu' nu ndyaca tsa'a̱ ji'i̱ li': ―Caca tyuju'u ti' lcaa cu'ma̱ ña'a̱ ma̱ 'na ―nacui̱ Jesús ji'i̱ ngu'―. Xtyanu ma̱ xi 'na ca ndyi la. Li' caca cha' nu nscua lo quityi ji'i̱ ycui' Ndyosi ndi'ya̱: “Lo'o cujuii na' ji'i̱ nu ña'a̱si̱i̱ ji'i̱ xlya' bi', xna lcaa xlya' tyaa ni' li'”. Jua'a̱ nchcui' quityi.

SAN MARCOS 14:50

Li' nguxtyanu lcaa tya'a ndya'a̱ Jesús ji'i̱ yu, ngusna ngu'.

SAN JUAN 12:23

Lo'o li' nda Jesús sca cha' lo'o ngu': ―Cua ndyalaa hora cha' caca tlyu ycui' na' lo'o cajaa na', na' nu cua lijya̱a̱ chalyuu cha' caca̱ ñati̱ ―nacui̱ Jesús―.

SAN JUAN 16:2

masi ná ta ngu' chacuayá' ji'i̱ ma̱ cha' tsaa ma̱ ne' laa ji'i̱ ngu' li' ―nacui̱ Jesús―. Tyalaa sca tyempo nu culacua ti' ngu' cha' cña tacati cua'ni ngu' si cujuii ngu' ji'i̱ ngu' tya'a ma̱.

SAN JUAN 16:25

’Xcui' cui̱i̱ ti nda na' lo'o ma̱ ―nacui̱ Jesús―, cha' caca cuayá' ti' ma̱ scaa cha'; pana tyalaa sca tsa̱ lo'o nga'aa si'i cui̱i̱ ti chcui' na' lo'o ma̱ li', liñi ti ta na' cha' lo'o ma̱ cha' ji'i̱ ycui' Ndyosi Sti na'.

SAN JUAN 16:31

Li' nacui̱ Jesús ji'i̱ ngu': ―¿Ha jlya ti' ma̱ jna' juani? ―nacui̱ Jesús―.

SAN JUAN 19:27

Lo'o jua'a̱ nchcui' Jesús lo'o nu qui'yu bi': ―Ma' cusu' cua caca xtya'a̱ nu'u̱ juani. Li' ndyaa lo'o nu qui'yu bi' ji'i̱ xtya'a̱ Jesús, nda su tyi'i̱ ma' ca toni'i̱ ji'i̱ li'.

SAN JUAN 20:10

Li' nguxtyu̱u̱ ngu', tyucuaa ngu' nu ngua tsa'a̱ ji'i̱ Jesús bi', ndyaa ngu' su ndi'i̱ ngu' tya'a ngua tsa'a̱ ngu'.

SAN JUAN 4:21

―Cua'a̱ jyaca̱ nu'u̱ jna' ―nacui̱ Jesús ji'i̱ nu cuna'a̱ bi'―. Cua ngulala ti tyempo cha' nga'aa cua'ni tlyu ma̱ ji'i̱ ycui' Ndyosi nde ca'ya tacati cua, ni si'i ca quichi̱ Jerusalén ―nacui̱―.

SAN JUAN 4:23

Cua ngulala ti hora, cua la cui' hora ndyaca juani, cha' cua'ni tlyu ma̱ ji'i̱ ycui' Ndyosi tyucui tyiquee ma̱. Lo'o jua'a̱ xtyucua Xtyi'i ycui' Ni ji'i̱ ma̱ li', cha' jua'a̱ nti' ycui' Ndyosi cha' cua'ni na lo'o cua'ni tlyu na ji'i̱ Ni.

SAN JUAN 5:25

Lo'o jua'a̱ ta na' chaca cha' liñi lo'o ma̱ ―nacui̱―. Cua ngulala ti hora, cua la cui' hora ndyalaa juani, cha' xi'ya na' nu laca̱ Sñi' ycui' Ndyosi ji'i̱ lcaa ñati̱ nu ndi'i̱ chalyuu; ñi'ya̱ laca si na cua ngujuii ngu' laca, xqui'ya cha' cuxi nu ntsu'u ji'i̱ ngu'. Lo'o cuna ngu' bi' cha' nu chcui' na' lo'o ngu', li' caja chalyuu tso'o ji'i̱ ngu', lcaa ñati̱ nu xñi cha' jna' ―nacui̱ Jesús ji'i̱ ngu'―.

SAN JUAN 5:28

Ná quiña'a̱ tsa cha' culacua ti' ma̱; chañi cha' tyalaa hora lo'o cañi xi'ya ycui' Ndyosi Sti na' ji'i̱ lcaa jyo'o ca su ndi'i̱ ngu' nguatsi' ngu'. Li' taquiya' ngu' bi' cha' nu chcui' Ni, tyu'u ngu' ne' cuaá tyaa ngu' mala su ntsu'u cha' tsaa ngu'.

SAN JUAN 8:16

pana taca cua'ni cuayá' na' ji'i̱ ñati̱. Lo'o cua'ni cuayá' na' ji'i̱ ngu' ni, liñi cha' nu ta na' li', cha' si'i ycui' ti na' cua'ni cuayá' na' ji'i̱ ngu' li'; lo'o na' lo'o ycui' Ndyosi nu nda jna' lijya̱a̱ re, stu'ba ti cua'ni cuayá' ya ji'i̱ ngu' li' ―nacui̱ Jesús―.

SAN JUAN 8:29

Lcaa tsa̱ ndi'i̱ Ni lo'o na', ycui' Ni laca nu nda jna' lijya̱a̱ re. Ná nguxtyanu Sti na' jna', cha' xcui' cña nu ndiya ti' Ni, bi' laca cña nu ndu'ni na'.

LOS HECHOS 21:6

Ngusalya' ngu' lo'o ya, ngüityi ngu' ji'i̱ ya, li' ndyatí̱ ya ne' yaca ni'i̱; cuati nguxtyu̱u̱ ngu' ya̱a̱ ngu' nde toni'i̱ ji'i̱ ngu'.

LOS HECHOS 8:1

Tso'o tsa ngua ti' nu Saulo bi', cha' cua ndyujuii ngu' ji'i̱ Esteban. La cui' tsa̱ bi' nguxana yu, ti'í tsa nchcube' yu ji'i̱ ngu' nu ntsu'u cha' ji'i̱ lo'o Jesucristo ca quichi̱ Jerusalén. Lya' tsa ti' yu ji'i̱ ngu' bi'; bi' cha' ngusñi ngu' tyucui̱i̱, ndyaa ngu' xa' la quichi̱ nde loyuu su cuentya Judea, lo'o jua'a̱ loyuu su cuentya Samaria. Pana nu tii tyucuaa tya'a ngu' nu ngua tsa'a̱ ji'i̱ Jesucristo tya clyo ni, ndyanu ngu' bi' nde Jerusalén.