SAN JUAN 16:20 - Chatino Tataltepec

²⁰ Liñi tsa cha' nu ta na' lo'o ma̱ juani ―nacui̱ Jesús ji'i̱ ngu' bi' li'―, cha' chañi xi'ya ma̱, chañi cunaa ma̱ nu lo'o cua ndya'a na', masi chaa ti' xa' la ñati̱ chalyuu. Pana ná cube tsa ti' ma̱, masi xñi'i̱ ti' ma̱; caca chaa ti' ma̱ lo'o tyu'ú na' chaca quiya' li'.

SAN JUAN 16:20 ပူးပေါင်းရင်းမြစ်များ

SAN MATEO 21:38

Pana na'a̱ ti ngu' bi' ji'i̱ sñi' nu culiya' bi', li' nchcui' ngu' lo'o tya'a̱ ngu': “Sñi' ycui' ndyalaa juani”, nacui̱ ngu' ji'i̱ tya'a ngu'. “Nu cua caca xu'na yaca si'yu re nde loo la, bi' cha' tso'o la si cujuii na ji'i̱ yu, cha' tyanu lo'o re cuentya ji'na”, nacui̱ ngu' bi'.

SAN MATEO 5:4

’Lo'o jua'a̱ tso'o ntsu'u tyiquee ñati̱ masi xñi'i̱ ti' juani xqui'ya qui'ya nu ntsu'u ji'i̱, cha' ndu'ni ycui' Ni cha' caca tso'o tyiquee ñati̱ bi'.

SAN MARCOS 14:72

Hora ti xa' ngusi'ya ndye'e. Li' ntsu'u ti' Pedro ñi'ya̱ ngua cha' nu cua nchcui' Jesús lo'o tsa̱: “Ndi'ya̱ cua'ni nu'u̱ ndyi, Pedro; chcui' nu'u̱ lo'o ñati̱ sna quiya' cha' ná nslo nu'u̱ 'na, nu lo'o tya lyiji xi'ya ndye'e tucua quiya'”. Bi' cha' nxi'ya tsa Pedro li'.

SAN MARCOS 16:10

Lo'o cua na'a̱ María ji'i̱ ycui' Jesús, hora ti ndu'u María ñaa slo nu xa' la tya'a ngu' nu ndyaca tsa'a̱ ji'i̱ yu, cha' cacha' ji'i̱ ngu' ñi'ya̱ ngua cha'. Nxi'ya ngu' nga'a̱ ngu', cha' xñi'i̱ tsa ti' ngu' cha' ngujuii Jesús.

SAN LUCAS 22:45

Ndye nchcui' Jesús lo'o ycui' Ndyosi Sti yu, li' nguxtyu̱u̱ yu ñaa yu slo nu ngu' nu ndyaca tsa'a̱ ji'i̱ yu. Li' nquije ngu' ji'i̱ yu, ndi'i̱ ngu' laja' ngu' cha' ndye juersa ji'i̱ ngu', cha' xñi'i̱ tsa ti' ngu'.

SAN LUCAS 22:62

Li' ndu'u Pedro nde liya', lye tsa ndyunaa yu cha' ngua xñi'i̱ tsa ti' yu.

SAN LUCAS 23:27

Quiña'a̱ tsa ñati̱ lca'a̱ ngu' ji'i̱ Jesús ndyaa. Jua'a̱ ndya'a̱ quiña'a̱ tsa nu cuna'a̱, ndyunaa tsa ngu'; cui̱i̱ tsa nxi'ya ngu' cha' tiji̱' tsa ti' ngu' ji'i̱ Jesús.

SAN LUCAS 24:17

Li' nchcuane Jesús ji'i̱ ngu': ―¿Ni cha' nchcui' tube cu'ma̱ lo'o lijya̱ ma̱ tyucui̱i̱ re? ¿Ni cha' laca xñi'i̱ ti' ma̱? ―nacui̱ Jesús ji'i̱ ngu'. Se'i̱ ti ndyatu̱ ngu',

SAN LUCAS 24:21

Cua sna tsa̱ nteje tacui nu ngua cha' bi'. Lo'o cuare ni, jlya tsa ti' ya ji'i̱ yu nquicha', cha' bi' laca nu cua'ni lyaá ji'i̱ ngu' Israel tya'a na, cha' nga'aa caca loo ngu' xa' tsu' ji'na, cha' tyi'i̱ tso'o ti na loyuu quichi̱ tyi na, ngua ti' ya.

SAN LUCAS 6:21

’Lo'o jua'a̱ tso'o ntsu'u tyiquee cu'ma̱ masi ñi'ya̱ nti' si ntyute' tsa ma̱ juani, cha' lye tsa nti' ma̱ cuna ma̱ sca cha' liñi ―nacui̱―. Ca tiya' la, li' caca tyaala' ti' ma̱. ’Lo'o jua'a̱ tso'o ntsu'u tyiquee cu'ma̱ masi xñi'i̱ ti ti' cu'ma̱ ndi'i̱ ma̱ chalyuu juani, cha' ca tiya' la ca chaa ti' ma̱ li' ―nacui̱ Jesús―.

SAN JUAN 16:33

Cua nda na' lcaa cha' bi' lo'o ma̱ cha' ti̱ ti tyi'i̱ tyiquee ma̱ xqui'ya na' ―nacui̱―. Nde chalyuu ti'í ti' ñati̱ ña'a̱ ji'i̱ ma̱. Pana ná cube ti' ma̱, cua'ni tlyu tyiquee ma̱; na' laca̱ loo nde chalyuu, cha' cua ntiji̱loo na' tsiya' ti ji'i̱ nu xña'a̱.

SAN JUAN 16:6

Xñi'i̱ tsa ti' ma̱ xqui'ya cha' nu nda na' lo'o ma̱ tsa̱.

SAN JUAN 20:20

Li' ngulu'u Jesús tyuu ya' yu ji'i̱ ngu', ngulu'u yu sii' yu ji'i̱ ngu', su ngua quicha yu. Lo'o na'a̱ ngu' nu ngua tsa'a̱ ji'i̱ ycui' nu Xu'na ngu', tso'o tsa ntsu'u tyiquee ngu' li'.

LOS HECHOS 5:41

Ndu'u ngu', chaa tsa ti' ngu' li', masi cua nchcube' ngu' nu laca loo bi' ji'i̱ ngu' xqui'ya cha' ngusñi ngu' cha' ji'i̱ Jesús.

ROMANOS 5:11

Ni si'i tsa lo cua ti cha', masi lo'o cha' tso'o tsa ntsu'u tyiquee na ña'a̱ na ji'i̱ ycui' Ndyosi xqui'ya Jesucristo nu Xu'na na, cha' bi' laca nu ngua'ni cha' caca ca stu'ba cha' ji'na lo'o Ni.

2 CORINTIOS 6:10

Masi xñi'i̱ tsa ti' ya xqui'ya cha' ti'í nu ndyacua ji'i̱ ya tu'ni, pana ña'a̱ ti chaa ti' ya; ti'i tsa ya tu'ni, pana ndyiji juersa ji'i̱ ya cha' xtyucua ya ji'i̱ tyu̱u̱ tya'a ñati̱. Masi ná sca na ntsu'u ji'i̱ ya tsiya' ti lo'o ndi'i̱ ya nde chalyuu; pana ycui' Ndyosi nxtyucua ji'i̱ ya, lcaa na ntsu'u ji'i̱ ya li'.

GÁLATAS 5:22

Xa' ña'a̱ cña ndu'ni Xtyi'i ycui' Ndyosi ne' cresiya ji'na: ndu'ni Ni cha' tyu'u tyiquee na ña'a̱ na ji'i̱ tya'a ñati̱ na; jua'a̱ ndu'ni Ni cha' chaa ti' na cuentya ji'i̱ Ni, cha' ti̱ ti tyi'i̱ tyiquee na, cha' talo tyiquee na ji'i̱ tya'a ñati̱ na; jua'a̱ ndu'ni Ni cha' ca tya'na ti' na ña'a̱ na ji'i̱ ñati̱, cha' xcui' tso'o ti cua'ni na lo'o ñati̱, cha' liñi ti cua'ni na lo'o ñati̱;

1 TESALONICENSES 1:6

Bi' cha' juani ndyu'ni ma̱ cña nu ndyu'ni ya, la cui' tya'a cña nu ndyu'ni ycui' nu Xu'na na. Cua ngusñi ma̱ cha' ji'i̱ ycui' Ni, masi ti'í tsa ti' ngu' ña'a̱ ngu' ji'i̱ ma̱; pana tso'o tsa ntsu'u tyiquee ma̱ xqui'ya Xtyi'i ycui' Ndyosi.

SANTIAGO 1:2

Cu'ma̱ tya'a ngusñi na cha' ji'i̱ Cristo, si lye tsa nti' ma̱ xqui'ya cua ña'a̱ ca lo cha' ti'í nu ndyacua ji'i̱ ma̱, ná xñi'i̱ tsa culacua ti' ma̱ li'; pana tso'o tsa caca tyiquee ma̱ li',

JUDAS 1:24

Sca ti ycui' Ndyosi ntsu'u chalyuu. Taca cua'ni lyaá Ni ji'na xqui'ya Jesucristo nu Xu'na na; sca ti ycui' Ni nchca ji'i̱ Ni ña'a̱si̱i̱ Ni ji'na, laja lo'o ndya'a̱ na tyucui̱i̱ tso'o nu ngulu'u Ni ji'na. Xtyucua Ni ji'na cha' ná tyeje sna quiya' na, cha' ná tyu'utsu' na ji'i̱ tyucui̱i̱ bi', ña'a̱ cuayá' nu tyalaa na tso'o ti ca su ndubi tsa ña'a̱ xee, ca su ntucua ycui' Ndyosi. Lubii tsiya' ti caca cresiya ji'na lo'o cua ndyalaa na ca slo Ni, lo'o jua'a̱ caca chaa tsa ti' na li'. Bi' cha' juani cua'ni tlyu na ji'i̱ ycui' Ndyosi nu ntucua ca su tlyu nde cua̱, cha' sca ti ycui' Ndyosi ntsu'u nu tlyu tsa laca Ni; sca ti ycui' Ni laca Ni loo ji'i̱ lcaa lo na nu ntsu'u chalyuu, jua'a̱ sca ti ycui' Ni nchca ji'i̱ Ni cua'ni Ni lcaa lo cña tonu tsiya' ti. Lu'ú ycui' Ndyosi tya lo'o bilya tya' chalyuu, lo'o jua'a̱ lu'ú Ni juani; ná nga'a̱ cha' tye tyempo cha' lu'ú Ni ca nde loo la. Jua'a̱ laca cha' lacua.

APOCALIPSIS 11:10

Chaa tsa ti' caca ñati̱ chalyuu cha' cua ngujuii tyucuaa ñati̱ nu ngutu̱ bi', bi' cha' cua'ni ngu' ta'a; lu'ba ti ta ngu' xlya'be tyaa su ndi'i̱ tya'a ngu', cha' chaa tsa ti' ngu'. Xqui'ya tyucuaa jyo'o bi' quiña'a̱ tsa cha' nchcube' ngujui ji'i̱ ñati̱ chalyuu, nacui̱ ngu'.

APOCALIPSIS 18:7

Tso'o si chcube' ñati̱ bi', tso'o si caca xñi'i̱ ti' ngu', cha' lye tsa ndu'ni tyucuaa ti' ngu' lo'o tya'a ngu' xqui'ya cha' culiya' nu ntsu'u ji'i̱ ngu'. Xcui' ndi'ya̱ ntsu'u tyiquee ngu' bi': “Ñi'ya̱ nti' ntucua rey, jua'a̱ ntucua na”, nacui̱ ngu' ji'i̱ tya'a ngu'. “Si'i ngu' ti'i laca na, ná nga'a̱ cha' caca xñi'i̱ ti' na”, nacui̱ ngu'.