SAN JUAN 15:20 - Chatino Tataltepec

²⁰ Tyi'u ti' ma̱ cha' nu nchcui' na' lo'o ma̱ tsubi': “Nu laca loo laca nu nclyo cña, si'i ngu' msu ti”. Ñi'ya̱ ndu'ni lya' ti' ngu' jna', jua'a̱ cua'ni lya' ti' ngu' ji'i̱ ma̱. Ná ndaquiya' ngu' ji'i̱ cha' nu ngulu'u na' ji'i̱ ngu', la cui' jua'a̱ ná taquiya' ngu' ji'i̱ cha' nu chcui' cu'ma̱ lo'o ngu' bi'.

SAN JUAN 15:20 ပူးပေါင်းရင်းမြစ်များ

SAN MATEO 10:24

’Ñati̱ nu laca mstru ji'i̱ ngu', bi' laca nu jlo la ti', si'i na jlo la ti' ngu' cuañi' nu ndyaca tsa'a̱ ca ti. Lo'o jua'a̱ ñati̱ nu laca xu'na ngu', bi' laca loo ji'i̱ ngu', si'i msu nu laca loo.

SAN MARCOS 10:39

―Taca ji'i̱ ya ―nacui̱ ngu' ji'i̱ Jesús li'. ―Chañi cha' lo'o cu'ma̱ nga'a̱ cha' co'o ma̱ taná clyaa' nu nga'a̱ cha' co'o ycui' na' ―nacui̱ Jesús―. Chañi cha' chcube' ma̱ ñi'ya̱ nu nga'a̱ cha' xcube' ngu' 'na.

SAN LUCAS 2:34

Lo'o li' ngulacua̱ nu cusu' Simeón ji'i̱ ngu' bi'. Nde laca cha' nu nda nu cusu' lo'o María xtya'a̱ Jesús li': ―Quiña'a̱ tsa cha' tso'o caca ji'i̱ ngu' Israel xqui'ya cubi' re ―nacui̱ nu cusu' bi'―, masi ntsu'u ñati̱ nu chi̱i̱ ntsu'u tyiquee ngu' ña'a̱ ngu' ji'i̱, pana ntsu'u ñati̱ nu caja chalyuu cucui ji'i̱ xqui'ya cubi' re. Culo tu̱ cubi' re lcaa cha' nu ntsu'u yacu̱' ne' cresiya ji'i̱ ñati̱; caca cubi' re sca cha' tlyu nu cua nda ycui' Ndyosi ji'i̱ ñati̱, masi ná tyaja'a̱ lcaa ñati̱ tucuá cha' ji'i̱ ―nacui̱ Simeón ji'i̱ María xtya'a̱ cubi' bi'―. Lo'o jua'a̱ jinu'u̱ ―nacui̱ nu cusu' bi'―, tyacua sca cha' xñi'i̱ ti' jinu'u̱ xqui'ya cha' ná taquiya' ngu' ji'i̱ sñi' nu'u̱.

SAN LUCAS 6:40

Sca yu cuañi' nu ndyaca tsa'a̱ ca ti, ná tyiji̱lo yu ji'i̱ mstru ji'i̱ yu; tsa bi' ti cha', lo'o tye ca tsa'a̱ yu, li' stu'ba ti cuayá' ngua tsa'a̱ yu lo'o mstru ji'i̱ yu.

SAN JUAN 10:31

Chaca quiya' ngusñi nu ngu' judío bi' quee cha' cu̱ ngu' ji'i̱ Jesús, cujuii ngu' ji'i̱.

SAN JUAN 11:57

Ndube tsa ti' ngu' cha' lo'o nu ngu' sti jo'ó nu laca loo bi', lo'o ngu' fariseo, cua ngulo ngu' cña ji'i̱ lcaa ngu' quichi̱; nacui̱ sti jo'ó cha' lo'o caja cha' ji'i̱ ngu' macala ntsu'u Jesús, hora ti ntsu'u cha' cacha' ngu' ji'i̱ ngu' nu laca loo. Li' tsaa ngu' policía xñi ngu' ji'i̱ Jesús, nti' ngu' nu laca loo bi'.

SAN JUAN 13:16

Cha' liñi nchcui' na' lo'o cu'ma̱, cha' ñati̱ nu laca xu'na ngu', bi' laca loo ji'i̱ ngu', si'i msu nu laca loo; ñati̱ nu nclyo cña ji'i̱ nu tsaa lquichi̱, bi' laca loo, si'i nu ndya'a̱ lquichi̱ ti.

SAN JUAN 5:16

Ngua cuayá' ti' ngu' bi' li', cha' ngua'ni Jesús cha' tlyu lo'o nu quicha bi' tsa̱ ta'a lo'o ndi'i̱ cña' ngu', bi' cha' ngunasi̱' tsa ngu' judío bi' ji'i̱ Jesús. Nguxana ngu' bi' ngulacua cuxi ti' ngu' ña'a̱ ngu' ji'i̱ yu, ngua ti' ngu' cujuii ngu' ji'i̱ yu.

SAN JUAN 7:32

Cua ndyuna ngu' fariseo ña'a̱ cha' nu nchcui' ngu' quichi̱ ji'i̱ Jesús. Bi' cha' ngulo ngu' cña ji'i̱ policía ne' laa cha' tsaa ngu' taya' ngu' ji'i̱ Jesús. Jua'a̱ ngua'ni sti jo'ó nu laca loo lo'o nu ngu' fariseo bi'.

SAN JUAN 8:51

Lo'o chañi tsa cha' nu ta na' lo'o cu'ma̱ ndi'ya̱: Lo'o taquiya' ngu' ji'i̱ cha' nu nclyu'u na' ji'i̱ ngu', ná tye chalyuu tso'o nu ta na' ji'i̱ ngu' bi', masi cajaa ngu'.

SAN JUAN 8:52

Li' xa' nchcui' ngu' judío bi' lo'o Jesús chaca quiya': ―Juani jlo ti' ya cha' ñi'ya̱ nti' sca nu xña'a̱, jua'a̱ nti' nu'u̱ ―nacui̱ ngu'―. Sa'ni ngujuii jyo'o Abraham, sa'ni ngujuii nu xa' la jyo'o cusu' nu nda cha' ji'i̱ ycui' Ndyosi lo'o ñati̱. ¿Ñi'ya̱ nti' nu'u̱ lo'o nacui̱ ca ti nu'u̱: “Ná nga'a̱ cha' tye chalyuu ji'i̱ ñati̱ nu taquiya' ji'i̱ cha' nu nclyu'u na' ji'i̱”? ―nacui̱ ngu'―.

SAN JUAN 8:59

Li' ngusñi ngu' quee cha' cu̱ ngu' ji'i̱ Jesús cujuii ngu' ji'i̱ li', pana ndyu'u cuatsi' yu ji'i̱ ngu'. Ngutu'u yu ne' laa bi', nteje tacui yu cla'be su ndi'i̱ ñati̱ ndyaa yu li'.

LOS HECHOS 14:22

Ca ta'a quichi̱ su ndyaa ngu' bi', nchcui' ngu' lo'o ñati̱ ji'i̱ Jesucristo cha' tso'o la tyatí̱ tyiquee ngu' lo cha' ji'i̱ Jesús, cha' tlyu cua'ni tyiquee ngu', cha' ná cutsi̱i̱ ngu' tsiya' ti. ―Cua'ni lya' ti' ngu' ji'na tu'ni ―nacui̱ Pablo lo'o Bernabé ji'i̱ ngu'―, lo'o jua'a̱ xcube' ngu' ji'na; pana lo'o cua nteje tacui cha' bi', li' tsaa na tyi'i̱ na su laca ycui' Ndyosi loo.

1 CORINTIOS 4:12

Ti'i̱ tsa cña nu ndu'ni ya cha' caja ñi'ya̱ nu tyiji̱ yu'u ji'i̱ ya chalyuu. Nu lo'o ti'í tsa cha' nu nda ngu' lo'o ya, ná nsacui̱ tu'ba ya ji'i̱ ngu'; tso'o ti nchcui' ya lo'o ngu' li'. Lo'o ndu'ni lya' ti' ngu' ji'i̱ ya, ndalo ya li'; ná nsacui̱ ya' ya ji'i̱ ngu' tsiya' ti.

2 CORINTIOS 4:9

Ntsu'u tsa tya'a cusu̱u̱ ya, pana la cui' ti cha' ná lyiji tya'a tso'o ya. Masi ntsu'u ngu' nu ndyu'ni cha' quicha ya, pana ná nchca cua'ni tye ngu' ji'i̱ ya.

1 TESALONICENSES 2:15

Ñi'ya̱ lo'o ndyujuii ngu' judío cuxi nu nguti'i̱ nu ngua sa'ni la ji'i̱ jyo'o nu ngua tu'ba ji'i̱ ycui' Ndyosi, la cui' jua'a̱ cua ndyujuii nu ngu' judío cuxi bi' ji'i̱ ycui' Jesús nu Xu'na na cua tsubi'. Ca tiya' la li' lo'o ji'i̱ cuare ngulo'o nu ngu' judío bi'. Ná ndiya ti' ycui' Ndyosi cha' ndyu'ni ngu' bi' jua'a̱, cha' nxu̱u̱ tya'a ngu' bi' lo'o lcaa ñati̱.

2 TIMOTEO 3:12

Chañi cha' xcube' ñati̱ ji'i̱ lcaa tya'a na nu nti' na cha' caca lubii cresiya ji'na cuentya ji'i̱ Jesucristo.