SAN JUAN 13:24 - Chatino Tataltepec

²⁴ bi' cha' ngua'ni que ti Simón Pedro ji'i̱ yu bi', nchcuane ji'i̱: ―¿Ti ji'i̱ nchcui' nu cusu' lo'o nacui̱ jua'a̱?

SAN JUAN 13:24 ပူးပေါင်းရင်းမြစ်များ

SAN LUCAS 1:22

Lo'o ndu'u Zacarías nde liya', li' nga'aa ngua chcui' yu lo'o ngu'. Ngua tii ngu' cha' ne' laa ngulu'uloo sca xee tlyu ji'i̱ yu nu ndu'u ya̱a̱ ca slo ycui' Ndyosi. Li' se'i̱ ti ndu̱ yu ndyu'ni ya' yu ji'i̱ ngu', pana ndyanu cu'u̱ ti yu.

SAN LUCAS 5:7

bi' cha' ngua'ni ya' ngu' ji'i̱ tya'a ngu' nu nga'a̱ ne' chaca yaca ni'i̱ bi', cha' ca̱a̱ ngu' xtyucua ngu' ji'i̱. Hora ti ya̱a̱ ngu' li', ndojolaqui ngu' taraya ngutsa'á̱ ne' ntsu'u cualya, cha' su'ba ngu' ji'i̱ ne' yaca ni'i̱. Xi tya lyiji cha' clyu'u tyucuaa yaca ni'i̱ bi' ne' hitya xqui'ya cualya bi'.

SAN JUAN 13:23

Pana ntsiya tsaca lo ngoca' cacua ti su ntucua Jesús; tyaca'a tsa nu qui'yu bi' ji'i̱ Jesús,

SAN JUAN 13:25

Bi' cha' ngusni yane nu qui'yu bi' nde chu̱' ña'a̱ ntsiya ti, cha' caca cacua la ji'i̱ Jesús. Li' nchcui' lo'o Jesús: ―Xu'na, ¿tilaca laca nu bi'? ―nacui̱.

LOS HECHOS 12:17

Ngua'ni ya' yu ji'i̱ ngu' li', cha' ca ti̱ ti ngu'. Ndacha' yu ji'i̱ ngu' ñi'ya̱ ngua lo'o ngua'ni ycui' Ndyosi nu Xu'na na cha' tso'o cha' ngulo Ni ji'i̱ yu ne' chcua̱. ―Chcui' ma̱ lo'o Jacobo lo'o lcaa ngu' tya'a ndya'a̱ na ―nacui̱ Pedro ji'i̱ ngu'―, ta ma̱ cha' lo'o ngu' ñi'ya̱ nu ngua'ni ycui' Ni lo'o na' lo'o ngulo Ni 'na ne' chcua̱. Ndu'u yu ni'i̱ ndyaa yu xa' se'i̱ li'.

LOS HECHOS 13:16

Li' ndyatu̱ Pablo ngua'ni ya' yu ji'i̱ ngu' cha' cua'a̱ jyaca̱ ngu' ji'i̱ yu. Nchcui' Pablo lo'o ngu' li': ―Tyu'u cha' clyu ti' ji'i̱ ma̱ cua'a̱ jyaca̱ ma̱ ji'i̱ cha' nu chcui' na' lo'o ma̱ juani ―nacui̱ Pablo ji'i̱ ngu'―. Ngu' Israel laca na, lo'o jua'a̱ ndu'ni tlyu na ji'i̱ ycui' Ndyosi.

LOS HECHOS 21:40

Li' nda xu'na sendaru chacuayá' chcui' Pablo, bi' cha' ndatu̱ yu lo ndyiya' quee bi' li', ngutacui ya' yu cha' ca ti̱ nu ngu' quiña'a̱ bi'. Lo'o ngua ti̱ ngu', li' cha' hebreo nchcui' Pablo lo'o ngu', cha' bi' laca cha'cña ji'i̱ ngu' judío.