SAN JUAN 13:19 - Chatino Tataltepec

¹⁹ Na nda ti na' sca cha' lo'o ma̱ juani, nu lo'o tya lyiji caca cha' bi'; lo'o cua ngua jua'a̱, li' caca jlya ti' ma̱ jna', cha' chañi cha' laca na' nu sca ti Sñi' ycui' Ndyosi nu lijya̱ chalyuu, ñi'ya̱ nu ni na' ji'i̱ ma̱.

SAN JUAN 13:19 ပူးပေါင်းရင်းမြစ်များ

SAN MATEO 11:3

cha' xcuane ngu' bi' ji'i̱ Jesús cuentya ji'i̱ Juan ndi'ya̱: ―¿Ha chañi cha' nu'u̱ laca ycui' nu cua ca̱a̱ ti? ―nacui̱ ngu' bi' ji'i̱ Jesús li'―. ¿Ha tya ca̱a̱ la chaca nu caca ycui' Cristo?

SAN MATEO 24:25

Cua ndacha' na' cha' bi' ji'i̱ ma̱ juani, nu tya lyiji caca cha' cuxi bi',

SAN LUCAS 21:13

Masi cuxi tsa caca cha', pana caja tyempo ji'i̱ ma̱ cha' chcui' ma̱ cha' jna' lo'o ngu' li'.

SAN JUAN 1:15

Nde laca cha' nu nchcui' Juan cha' ji'i̱ nu Jesús bi'. Cui̱i̱ nchcui' Juan li': ―Nu nde laca nu qui'yu nu ni na' ji'i̱ ma̱ cha' tyu'u tucua tiya' la nde chalyuu ―nacui̱ Juan―, masi tlyu la cha' ntsu'u ji'i̱ ycui' yu que na'. Jua'a̱ ni na' ji'i̱ ma̱, cha' nu lo'o bilya cala na' cua lu'ú ycui' yu.

SAN JUAN 14:29

Jua'a̱ ni na' ji'i̱ ma̱ lo'o tya lyiji caca cha' bi'; pana lo'o cua ndya'a na', li' taca jlya ti' ma̱ cha' bi'.

SAN JUAN 16:4

Cua nchcui' na' lcaa cha' bi' lo'o ma̱ juani, cha' nu lo'o tyalaa tyempo cuxi bi', li' taca tyi'u ti' ma̱ ñi'ya̱ nu cua nchcui' na' lo'o ma̱ juani. ’Tya clyo ná nda na' cha' bi' lo'o ma̱, cha' tya ndi'i̱ na' lo'o ma̱ ―nacui̱ Jesús―.

SAN JUAN 4:26

Li' nacui̱ Jesús ji'i̱ nu cuna'a̱ bi': ―La cui' bi' laca na' nu nchcui̱' lo'o nu'u̱ juani.

SAN JUAN 8:28

Bi' cha' tya nchcui' la Jesús lo'o ngu' li': ―Tiya' la lo'o sicua̱ ma̱ jna' lo crusi, li' caca cuayá' ti' ma̱ cha' laca na' ñi'ya̱ nu ni na' ji'i̱ ma̱, na' nu lijya̱a̱ chalyuu cha' caca̱ ñati̱ ―nacui̱ Jesús―. Ná sca cña ndu'ni na' chacuayá' ji'i̱ ycui' ca na'; ycui' Ndyosi Sti na', bi' laca nu ngulu'u 'na lcaa ca cha' nu nchcui' na' ―nacui̱―.

SAN JUAN 8:58

―Liñi tsa cha' nu nchcui' na' lo'o cu'ma̱ juani ―nacui̱ Jesús―, cha' cua laca lu'ú na' lo'o ngula jyo'o Abraham bi'.