SAN JUAN 12:38 - Chatino Tataltepec

³⁸ Jua'a̱ ngua cha' caca lcaa cha' nu nguscua jyo'o Isaías lo quityi ji'i̱ ycui' Ndyosi cua sa'ni la: Ndyosi Xu'na na', nacui̱ lo quityi bi' ji'i̱, ná ntaja'a̱ ngu' re xñi ngu' cha' jinu'u̱, cha' nu nda ya lo'o ngu'. Ná ngua cuayá' ti' ngu' tsiya' ti si nu'u̱ ndu'ni cha' tlyu slo ngu'. Jua'a̱ laca cha' nu nscua lo quityi bi'.

SAN JUAN 12:38 ပူးပေါင်းရင်းမြစ်များ

SAN MATEO 15:7

Cuiñi tsa ma̱, cha' tucua cha' ntsu'u tyiquee ma̱. Tya sa'ni la nchcui' jyo'o Isaías cha' liñi ji'i̱ cu'ma̱. Ndi'ya̱ cha' nu nguscua jyo'o bi' lo quityi:

SAN MATEO 16:17

―Tso'o ntsu'u tyiquee nu'u̱ Simón, sñi' Jonás ―nacui̱ Jesús ji'i̱ li'―. Si'i ñati̱ chalyuu ti nu ngulu'u cha' bi' jinu'u̱; pana ycui' Ndyosi Sti na' nu ntucua nde cua̱, nda Ni cha' bi' nu ngua'ya hique nu'u̱.

SAN MATEO 27:35

Lo'o ngujui'i̱ ca'a̱ ngu' ji'i̱ yu lo crusi lo'o clavo, li' ngüijya sendaru bi' lo'o tya'a ngu' cha' cua'ni ngana ngu' ji'i̱ tya'a ngu', cha' tacha ste' Jesús ji'i̱ ngu'. La cui' cha' bi' nguscua jyo'o cusu' nu ngua tu'ba ji'i̱ ycui' Ndyosi nu ngua sa'ni; ndi'ya̱ nacui̱ quityi bi': “Ndacha ngu' ste' na' ji'i̱ tya'a ngu' lo'o ngüijya ti ngu'”.

SAN JUAN 12:37

Masi cua ngua'ni Jesús quiña'a̱ cha' tlyu slo ñati̱ bi', ná ntaja'a̱ ngu' xñi ngu' cha' nu nchcui' yu.

SAN JUAN 12:39

Bi' cha' ná ngua ji'i̱ ngu' judío bi' xñi ngu' cha' ji'i̱ Jesús. Lo'o jua'a̱ ntsu'u chaca cha' nu nguscua jyo'o Isaías bi':

SAN JUAN 15:25

Nga'a̱ cha' caca cha' jua'a̱, cha' nu nscua lo quityi cusu' ji'i̱ ngu' bi'; ndi'ya̱ nchcui' cha' bi': “Liye' ti' ngu' ña'a̱ ngu' jna', masi ná ntsu'u su̱u̱ cha' ji'i̱ ngu' cha' cua'ni ngu' jua'a̱”.

SAN JUAN 17:12

Lo'o tya ndi'i̱ na' lo'o ñati̱ nu nda nu'u̱ 'na ―nacui̱ Jesús―, li' ndaca'a na' ji'i̱ ngu' bi' lo'o juersa ji'i̱ ycui' nu'u̱. Ná nda na' chacuayá' tyacua cha' cuxi ji'i̱ ngu'; ni tsaca ngu' bi', ná nguna' chalyuu ji'i̱ ngu'. Sca ti nu ñati̱ nu nguscua tya sa'ni la cha' chcuna' cha' ji'i̱, bi' laca nu ndye cha' ji'i̱ tsiya' ti, cha' nga'a̱ cha' caca lcaa cha' nu nguscua ngu' lo quityi cusu' cuentya jinu'u̱.

SAN JUAN 19:24

Bi' cha' nacui̱ ngu' ji'i̱ tya'a ngu': ―Ná cusaa' na late' re. Quijya na lo'o tya'a na cha' quije cha' ji'na tilaca nu ca ji'i̱ late' re. Lo'o jua'a̱ ngua cuayá' ti' na cha' chañi cha' nu nscua lo quityi cusu cua' sa'ni, nu nchcui' ndi'ya̱: “Cua ngusa'be ngu' ste' na' lo'o tya'a ngu', cua ngüijya ngu' lo'o tya'a ngu' cha' quije cha' ji'i̱ ngu' tilaca nu ca ji'i̱ late' bi'”. Jua'a̱ nacui̱ lo quityi bi', lo'o la cui' jua'a̱ ngua'ni ngu' sendaru bi' li'.

ROMANOS 10:16

Ná ndyuna tso'o lcaa ñati̱ cha' nu nda na lo'o ngu', nu lo'o ndacha' na ji'i̱ ngu' ñi'ya̱ cua'ni lyaá Ni ji'i̱ ñati̱. La cui' jua'a̱ ngua lo'o jyo'o Isaías cua sa'ni. “Ndyosi Xu'na ya, ná tucui ndu̱ tsiya' ti nu ngusñi cha' jinu'u̱ nu nchcui' ya lo'o ngu'”, nacui̱ jyo'o bi'.

ROMANOS 10:20

Lo'o jua'a̱ liñi tsa cha' nu nda jyo'o Isaías nu ngua sa'ni cuentya ji'i̱ ycui' Ndyosi: La cui' ñati̱ nu bilya clyana ngu' cha' 'na, cua ngujui cha' jna' ji'i̱ ngu' juani, nacui̱ Ni. Masi bilya jña ngu' sca cha' tso'o jna', cua nclyu'uloo na' ji'i̱ ngu' bi' juani.

1 CORINTIOS 1:24

Pana xa' ña'a̱ nti' lcaa tya'a na nu cua ngusubi ycui' Ndyosi ji'na, masi laca na ngu' judío, masi laca na ngu' xa' tsu'. Sca ti cha' ji'i̱ Cristo nchcui' na, cha' ji'i̱ ycui' Cristo ntsu'u lcaa chacuayá', lcaa cha' tso'o nu cua nti' ycui' Ndyosi cha' caca cuayá' ti' na.

GÁLATAS 1:16

Lo'o jua'a̱ ngua'ni Ni cha' ndyuloo na' ji'i̱ Jesús, nu sca ti Sñi' ycui' Ni, cha' li' nchca 'na ta na' cha' ji'i̱ Ni lo'o lcaa cu'ma̱, ñati̱ nu ndi'i̱ xa' tsu'. Li' ndacha' na' ji'i̱ lcaa ma̱ cha' xqui'ya Jesús taca clyaá ma̱ ji'i̱ cha' cuxi nu ntsu'u ji'i̱ ma̱. Nu lo'o ngusñi ca ti na' cha' bi', li' hora ti ndu'u na' nguta'a̱ na' nde loyuu su naa Arabia; ca bi' nguti'i̱ na' ycui' ti na'. Ná nguta'a̱ na' ndyaana na' sca cui̱i̱ nu ta sca ñati̱ lo'o na'; la cui' ti jua'a̱ ná nguta'a̱ na' nde quichi̱ Jerusalén cha' chcui' na' lo'o ngu' tya'a ndyu'ni na' cña nu ndi'i̱ nde jua, masi cua nda ngu' bi' cha' ji'i̱ Jesús lo'o ñati̱ clyo la, nu lo'o tya lyiji cuna na' cha' bi'. Pana nguta'a̱ na' nde Arabia, lo'o tiya' la li' nguxtyu̱u̱ na' nguta'a̱ na' nde quichi̱ Damasco.