SAN JUAN 12:37 - Chatino Tataltepec

³⁷ Masi cua ngua'ni Jesús quiña'a̱ cha' tlyu slo ñati̱ bi', ná ntaja'a̱ ngu' xñi ngu' cha' nu nchcui' yu.

SAN JUAN 12:37 ပူးပေါင်းရင်းမြစ်များ

SAN MATEO 11:20

Lo'o li' lye xi nchcui' Jesús cha' ji'i̱ quichi̱ su lu'ba ti ndya'a̱ yu, cha' quiña'a̱ cha' tlyu cua ngua'ni yu slo ngu' ca tyi bi', pana ná ngua tyuju'u ti' ngu' ji'i̱ cha' cuxi nu ntsu'u ne' cresiya ji'i̱ ngu'; ná nguxtyanu ngu' ji'i̱ cha' cuxi bi'.

SAN LUCAS 16:31

Xa' nchcui' jyo'o Abraham lo'o nu culiya' bi' li': “Lo'o ná nti' ngu' taquiya' ngu' ji'i̱ cha' nu nguscua Moisés, lo'o jua'a̱ ná taquiya' ngu' ji'i̱ jyo'o cusu' nu ngua'a̱ loo ycui' Ndyosi cña ji'i̱ cha' chcui' lo'o ñati̱, la cui' jua'a̱ ná taquiya' ngu' ji'i̱ xa' la cha' nu ta Ni lo'o ngu', masi tyu'ú sca nu cua ngujuii chaca quiya' cha' chcui' lo'o ngu'”.

SAN JUAN 1:11

Ya̱a̱ yu bi' chalyuu su laca tyi nquicha', lo'o jua'a̱ ñati̱ chalyuu nu ngüiñá yu, ná ndyuloo ngu' ji'i̱ yu.

SAN JUAN 11:42

Lcaa tsa̱ cua jlo ti' na' cha' nduna nu'u̱ lcaa cha' nu nchcui' na' lo'o nu'u̱; pana nchcui' na' lo'o nu'u̱ juani xqui'ya ñati̱ nu ndi'i̱ re, cha' taca ca jlya ti' ngu' jna' cha' chañi cha' cua nda nu'u̱ jna' lijya̱a̱ chalyuu.

SAN JUAN 12:36

Lo'o jua'a̱ cu'ma̱ ―nacui̱ Jesús ji'i̱ ngu'―, tso'o la si xñi ma̱ cha' jna' laja lo'o tya ndi'i̱ na' chalyuu, na' nu ta̱ xee nu tyu'ú ne' cresiya ji'i̱ cu'ma̱ ñati̱ chalyuu. Li' tyucui tyiquee ma̱ caca ma̱ ñati̱ ji'i̱ ycui' Ndyosi. Ndye nchcui' Jesús jua'a̱ lo'o ngu', li' ngutu'u yu ndyaa yu ca su ná quije yu ji'i̱ ngu'.

SAN JUAN 12:38

Jua'a̱ ngua cha' caca lcaa cha' nu nguscua jyo'o Isaías lo quityi ji'i̱ ycui' Ndyosi cua sa'ni la: Ndyosi Xu'na na', nacui̱ lo quityi bi' ji'i̱, ná ntaja'a̱ ngu' re xñi ngu' cha' jinu'u̱, cha' nu nda ya lo'o ngu'. Ná ngua cuayá' ti' ngu' tsiya' ti si nu'u̱ ndu'ni cha' tlyu slo ngu'. Jua'a̱ laca cha' nu nscua lo quityi bi'.

SAN JUAN 15:24

Ná ntsu'u qui'ya ji'i̱ ngu' bi' clyo, pana juani ni, cua nguti'i̱ na' slo ngu' bi', cua ngua'ni na' cña nu ná caca ji'i̱ xa' ñati̱ cua'ni; cua na'a̱ ngu' lcaa ña'a̱ cña tonu nu ngua'ni na', bi' cha' liye' ti' ngu' ña'a̱ ngu' jna'. Lo'o jua'a̱ ji'i̱ Sti na' liye' ti' ngu' ña'a̱ ngu' ji'i̱ Ni, bi' cha' cua ndyanu yabe' hichu̱' ngu' bi' ―nacui̱ Jesús―.

SAN JUAN 2:11

Ca quichi̱ Caná nde loyuu su cuentya Galilea ngua cha' bi' lo'o nguxana ngua'ni Jesús cha' tlyu cuentya ji'i̱ ycui' Ndyosi. Lo'o cha' tlyu bi' ngulu'u loo ycui' Jesús ji'i̱ ngu', cha' ña'a̱ ngu' cha' tlyu tsa cha' nu ntsu'u ji'i̱ ycui' yu. Bi' cha' nguxana ngu' nu ndyaca tsa'a̱ ji'i̱ yu, jlya ti' ngu' ji'i̱ ycui' ca Jesús.

SAN JUAN 6:2

Tsa tlyu ti ndyaa lca'a̱ quiña'a̱ ñati̱ ji'i̱ yu, bi' ñati̱ laca nu cua na'a̱ cña tonu nu ngua'ni yu lo'o ngua'ni yu cha' ndyaca tso'o ngu' quicha.