SAN JUAN 12:20 - Chatino Tataltepec

²⁰ Lo'o ngu' griego ndyalaa laja ñati̱ nu ndya'a̱ ta'a bi' nde Jerusalén.

SAN JUAN 12:20 ပူးပေါင်းရင်းမြစ်များ

SAN MARCOS 7:26

ngüijña ma' cha' clyu ti' ji'i̱ yu, cha' culo yu cui'i̱ cuxi nu ntsu'u ji'i̱ sñi', nti' ma'. Cha'cña ji'i̱ ngu' griego nchcui' nu cuna'a̱ bi', cha' ngu' xa' tsu' laca ma', ngu' sirofenicia.

SAN JUAN 12:1

Tya lyiji tya xcuá tsa̱ cha' caca ta'a pascua, li' ñaa Jesús nde quichi̱ Betania chaca quiya'. Laca Betania quichi̱ tyi Lázaro nu ngujuii tya tsubi' la, lo'o li' ngua'ni Jesús cha' ndyu'ú yu chaca quiya'.

SAN JUAN 12:19

Li' nchcui' ngu' fariseo lo'o tya'a ngu': ―Ña'a̱ ma̱ ji'i̱ yu bi'. ¿Ñi'ya̱ cua'ni na juani? Ná caca ji'na tsiya' ti tacu̱' na cha' ji'i̱ yu bi'. Tyucui ña'a̱ chalyuu ngusñi ngu' cha' ji'i̱ yu juani.

SAN JUAN 7:35

―¿Macala tsaa yu jua, su ná taca quije yu ji'na? ―nacui̱ nu ngu' judío bi' ji'i̱ tya'a ngu'―. ¿Ha tsaa yu tyijyu' la ca su ndi'i̱ xa' la ngu' judío tya'a na? ¿Ha tsaa yu cha' culu'u yu cha' ji'i̱ ycui' Ndyosi ji'i̱ xa' ñati̱ nu ndi'i̱ ca bi'? ―nacui̱ ngu'―.

LOS HECHOS 14:1

Lo'o cua ndyalaa Pablo lo'o Bernabé ca quichi̱ Iconio, ndyatí̱ ngu' ndyaa ngu' ne' laa ji'i̱ ngu' judío tya'a ngu'. Ndejua ngulu'u ngu' cha' ji'i̱ Jesús; bi' cha' quiña'a̱ tsa ngu' ngusñi ngu' cha' bi', masi ngu' judío, masi xa' ñati̱.

LOS HECHOS 16:1

Ndyalaa Pablo lo'o Silas ca quichi̱ Derbe, li' ndyalaa ngu' ca quichi̱ Listra. Quichi̱ bi' ndyacua tya'a ngu' lo'o sca yu cuañi' tya'a ngusñi ngu' cha' ji'i̱ Jesucristo nu naa Timoteo. Xtya'a̱ yu laca sca nu cuna'a̱ judío nu ntsu'u cha' ji'i̱ lo'o Jesucristo, pana ngu' griego ngua sti yu.

LOS HECHOS 17:4

Ngusñi tucua sna tya'a ti ngu' judío cha' bi', li' ndya'a̱ ngu' bi' lo'o Pablo lo'o Silas; jua'a̱ ngusñi tyu̱u̱ tya'a ngu' griego nu ndu'ni tlyu ji'i̱ ycui' Ndyosi cha' bi'; jua'a̱ tyu̱u̱ tya'a nu cuna'a̱ tlyu nu ndi'i̱ quichi̱ bi', ngusñi ngu' cha' bi' li'.

LOS HECHOS 20:21

Sca ti cuaya' nchcui' na' lo'o lcaa ngu', masi lo'o ngu' judío tya'a na', masi lo'o xa' la ñati̱; sca ti cha' ngulu'u na' ji'i̱ lcaa ma̱, cha' nga'a̱ cha' culochu̱' ma̱ ji'i̱ lcaa cha' cuxi nu ntsu'u ji'i̱ ma̱ lo'o xñi ma̱ cha' ji'i̱ Jesucristo nu Xu'na na.

LOS HECHOS 21:28

Ngusi'ya ngu' judío bi' ji'i̱ ngu' quichi̱ li': ―Cu'ma̱ ngu' Israel tya'a na ―nacui̱ ngu'―, xtyucua ma̱ ji'i̱ ya ―nacui̱ ngu'―. Cua ngulu'u nu qui'yu re ji'i̱ ngu' lcaa quichi̱ su nguta'a̱ yu cha' ná tso'o na nu laca na ngu' judío; ná tso'o cha' cua'ni tlyu na ji'i̱ cha' nu nguscua jyo'o Moisés, lo'o jua'a̱ ná tso'o laa tlyu re, nacui̱ yu re. Lo'o chaca cha' ni, cua ndyaa lo'o yu re ji'i̱ ngu' xa' tsu' ne' laa tlyu re cha' cua'ni ñu'u̱ ngu' ji'i̱ laa su ndu'ni tlyu na ji'i̱ ycui' Ndyosi.

LOS HECHOS 8:27

Li' ndu'u Felipe ndyaa tyucui̱i̱ bi', lo'o li' na'a̱ ji'i̱ sca nu qui'yu ngu' Etiopía. Sca ñati̱ tlyu laca nu cusu' bi', cha' laca yu loo ji'i̱ lcaa cñi nu ntsu'u ji'i̱ reina nu laca loo ji'i̱ loyuu Etiopía bi'; nu cuna'a̱ reina bi' ngua naa Candace. Cua ndyaa nu qui'yu bi' Jerusalén cha' cua'ni tlyu yu ji'i̱ ycui' Ndyosi.

ROMANOS 1:16

Ná ntyuju'u ti' na' tsiya' ti cha' culu'u na' cha' tso'o nu ntsu'u ji'i̱ Jesús ji'i̱ ñati̱. Lijya̱ cha' bi' lo'o lcaa chacuayá' ji'i̱ ycui' Ndyosi, cha' cua'ni lyaá Ni ji'i̱ lcaa ñati̱ nu xñi cha' ji'i̱ ycui' Ni. Tya clyo nda Ni cha' tso'o bi' lo'o ngu' judío ti, li' lo'o nda Ni cha' tso'o bi' lo'o ngu' xa' tsu'.

ROMANOS 10:12

Sca ti cuayá' tyacua cha' bi' ji'i̱ ngu' judío, la cui' jua'a̱ tyacua cha' bi' ji'i̱ ngu' xa' tsu', cha' sca ti ycui' Ndyosi nu Xu'na na laca loo ji'i̱ lcaa ñati̱ chalyuu; sca ti cuayá' tso'o tsa ndu'ni Ni lo'o lcaa ñati̱ nu jña cha' clyu ti' ji'i̱ ycui' Ni chacuayá' ji'i̱ Jesús.

GÁLATAS 2:3

Lo'o jua'a̱ yu Tito tya'a ndya'a̱ na' ni, ná nchcui' ngu' lo'o yu cha' si'yu quiji̱ yu cha' culacua̱ yu ñi'ya̱ ndu'ni ngu' judío, masi ngu' xa' tsu' laca yu.

GÁLATAS 3:28

Nu lo'o cua ngua stu'ba cha' ji'na lo'o Jesucristo, la cui' tyempo bi' ngua stu'ba cha' ji'na lo'o tya'a ñati̱ na; bi' cha' nga'aa chcui' na cha' ngu' judío laca ya, cha' ngu' xa' tsu' laca ma̱; nga'aa chcui' na cha' msu nu ngüi'ya ñati̱ laca ma̱, cha' ñati̱ nu ndi'i̱ tso'o ti laca na; nga'aa chcui' na cha' qui'yu laca na, cha' cuna'a̱ laca ma̱. Lcaa na, stu'ba cha' ji'na lo'o tya'a na juani.

COLOSENSES 3:11

Bi' cha' juani nga'aa ndulo tsa cha' ji'na lo'o tya'a na, masi la cui' ngu' judío laca na, masi si'i ngu' judío laca ma̱; nga'aa ndu'ni cha' masi cua ngulacua̱ na, masi ná ngulacua̱ na; nga'aa ndu'ni cha' si ngu' xa' tsu' laca na, masi ngu' tyaala laca na, masi ngu' nu ndi'i̱ tso'o ti laca na, masi msu nu ngüi'ya ti ñati̱ laca ma̱ cha' cua'ni ma̱ cña ji'i̱ ñati̱ laja ti. Nga'aa ndulo tsa cha' bi' ji'na juani, cha' sca ti Cristo laca nu ndulo tsa cha' ji'i̱ cuentya ji'na. Ndi'i̱ Cristo lo'o lcaa ñati̱ ji'i̱ Ni, ñi'ya̱ nu laca ngu', macala su ndi'i̱ ngu'.