SAN JUAN 11:55 - Chatino Tataltepec

⁵⁵ Cua ngulala tsa ta'a pascua, bi' laca sca ta'a ji'i̱ ngu' judío. Quiña'a̱ ngu' ngutu'u ngu' quichi̱ tyi ngu', masi quichi̱ ne' quixi̱', ndyalaa ngu' quichi̱ Jerusalén li'. Yala ti ngua'ni lubii ngu' tyucui ña'a̱ ngu' cuentya ji'i̱ ycui' Ndyosi, nu lo'o tya lyiji ti caca ta'a.

SAN JUAN 11:55 ပူးပေါင်းရင်းမြစ်များ

SAN MATEO 26:1

Lo'o cua ndye nchcui' Jesús lcaa cha' bi', li' nchcui' xi lo'o nu ngu' nu ndyaca tsa'a̱ ji'i̱ bi':

SAN MATEO 26:2

―Jlo ti' ma̱ cha' tucua ti tsa̱ lyiji cha' caca ta'a si̱i̱ ji'i̱ ta'a pascua, lo'o li' tejeya' ngu' xña'a̱ jna' nu cua nda Ni 'na lijya̱a̱ cha' caca na' ñati̱. Tyaa lo'o ngu' 'na cha' cujuii ngu' 'na lo crusi li'.

SAN MARCOS 14:1

Tya lyiji tya tyucuaa tsa̱ cha' caca ta'a pascua, li' ndyaca ta'a su ndacu ngu' xlyá nu ná ndya' lo'o scua̱ tiye'. Nclyana sti jo'ó nu laca loo, nclyana mstru cha' jo'ó, ñi'ya̱ nu cua'ni ngu' cha' caca tejeya' ngu' ji'i̱ Jesús cuaana ti, cha' cujuii ngu' ji'i̱.

SAN LUCAS 22:1

Cua ngulala ta'a nu lo'o ndacu ngu' judío sca lo xlyá nu ná lo'o scua̱ tiye' ndya'; ta'a pascua, jua'a̱ naa ta'a bi'.

SAN JUAN 12:1

Tya lyiji tya xcuá tsa̱ cha' caca ta'a pascua, li' ñaa Jesús nde quichi̱ Betania chaca quiya'. Laca Betania quichi̱ tyi Lázaro nu ngujuii tya tsubi' la, lo'o li' ngua'ni Jesús cha' ndyu'ú yu chaca quiya'.

SAN JUAN 13:1

Tyucuaa tsa̱ tya lijyi cha' caca ta'a pascua bi'; jlo ti' Jesús cha' cua ngulala tyempo ji'i̱, cha' tyu'u yu chalyuu re tyaa yu ca slo ycui' Ndyosi Sti yu. Xcui' cua ntsu'u tsa tyiquee Jesús ña'a̱ ji'i̱ ñati̱ chalyuu nu ngusñi cha' ji'i̱ yu; lo'o ña'a̱ ti tya ntsu'u tsa tyiquee yu ña'a̱ yu ji'i̱ ñati̱ bi' li', ña'a̱ cuayá' nu tye chalyuu ji'i̱.

SAN JUAN 18:28

Li' ngutu'u ngu' slo Caifás, ndyaa lo'o ngu' ji'i̱ Jesús ca su ndi'i̱ nu gobernador romano nu naa Pilato. Cua cuxee ti ndyaca li', bi' cha' ná ntaja'a̱ nu ngu' judío bi' tyatí̱ ngu' ne' ni'i̱ ji'i̱ gobernador; tacati tsa ndu'ni ngu' bi' xqui'ya ta'a. Ngua ti' ngu' cha' quiñu'u̱ cha' ji'i̱ ngu' si tyatí̱ ngu' ne' ni'i̱ ji'i̱ ngu' xa' tsu', cha' ná ntsu'u chacuayá' cacu ngu' si̱i̱ ta'a bi' li';

SAN JUAN 2:13

Cua ngulala ti ta'a pascua ji'i̱ ngu' judío bi', lo'o li' ndyaa Jesús ta'a nde Jerusalén.

SAN JUAN 2:6

Nde cua ti ndu̱ scuá tya'a quityu̱' hitya, quityu̱' tonu ndya' lo'o quee laca bi'. Lo'o ngutsa'á̱ quityu̱' bi', ntsu'u masi jacuayala litro, masi sca siyentu litro hitya, cha' cua laca cña nu ntsu'u ji'i̱ ngu' judío bi', cha' qui'í̱ quiya' ngu' lo'o tsaa ngu' ni'i̱.

SAN JUAN 5:1

Chaca yija̱ lo'o ngua ta'a nde Jerusalén cuentya ji'i̱ ngu' judío, ndyaa Jesús ta'a chaca quiya' li'.

SAN JUAN 6:4

Cua ngulala ti ta'a pascua ngua bi' li', ta'a tlyu ji'i̱ ngu' judío.

LOS HECHOS 21:24

Tsaa lo'o nu'u̱ ji'i̱ ngu' bi', cha' stu'ba ti cua'ni lyiji ma̱ cha' nu cua ngüiñi ji'i̱ ngu' bi' lo'o ycui' Ndyosi. Nu'u̱ cui'ya lcaa na nu nga'a̱ cha' caca msta̱ ji'i̱ ngu' ne' laa. Li' taca xi'yu ngu' quicha̱' hique ngu' lo'o cua ndye cha' bi'. Caca cuayá' ti' lcaa ngu' li', cha' lo'o nu'u̱ ndaquiya' nu'u̱ ji'i̱ lcaa cha' nu nguxtyanu jyo'o cusu' ji'na, cha' si'i cha' liñi nu cua nchcui' ñati̱ jinu'u̱ li'.

LOS HECHOS 21:26

Ca chaca tsa̱, li' ndyaa lo'o Pablo ji'i̱ nu jacua tya'a ñati̱ bi', ngua'ni lubii ngu' ji'i̱ ycui' ca ngu' cuentya ji'i̱ ycui' Ndyosi. Li' ndyaa ngu' ne' laa tlyu, cha' cacha' ngu' ji'i̱ ngu' bi' ni tsa̱ tye tyuco'o tsa̱ ji'i̱ ngu' lo'o tya'a ngu', cha' li' taca ca̱a̱ ngu' ne' laa jua, ca̱a̱ lo'o ngu' msta̱ nu ta ngu' ji'i̱ ycui' Ndyosi li'.

LOS HECHOS 24:18

Ñi'ya̱ nu nscua cha' cua'ni ya cha' laca ya ngu' judío, jua'a̱ ngua'ni lubii na' ji'i̱ ycui' ca na' cha' tsa'a̱ ne' laa. Nga'a̱ na' ne' laa tonu li', nda na' msta̱ bi'; ti̱ ti nguti'i̱ na' ne' laa, ná ndi'i̱ quiña'a̱ ñati̱. Lo'o li' ndyalaa xi ngu' judío tya'a ya nu ca tyi loyuu su cuentya Asia, na'a̱ ngu' bi' jna' li'.

1 CORINTIOS 11:28

Bi' cha' ntsu'u cha' culacua tso'o ti' na lo'o cacu na si̱i̱ bi'; li' tyucui tyiquee na cacu na xlyá bi', co'o na na nu ntsu'u ne' vaso bi'.

SANTIAGO 4:8

Tso'o tsa xñi ma̱ cha' ji'i̱ ycui' Ndyosi, lo'o li' tucuá Ni cha' ji'i̱ ma̱. Si ntsu'u tsa qui'ya ji'i̱ ma̱, nga'a̱ cha' xtyanu ma̱ lcaa cha' cuxi nu ntsu'u cha' ji'i̱ ma̱ lo'o; jua'a̱ cua'ni tye ma̱ ji'i̱ lcaa cha' cuiñi nu ntsu'u ne' cresiya ji'i̱ ma̱.