SAN JUAN 11:49 - Chatino Tataltepec

⁴⁹ Li' ndatu̱ tsaca ngu'; Caifás naa yu, lo'o jua'a̱ yija̱ bi' laca yu xu'na sti jo'ó. Nchcui' yu lo'o ngu' bi' li': ―Ni sca na ná jlo ti' ma̱,

SAN JUAN 11:49 ပူးပေါင်းရင်းမြစ်များ

SAN MATEO 26:3

La cui' tyempo nu nchcui' Jesús, li' ndyu'u ti'i̱ tyu̱u̱ tya'a sti jo'ó nu laca loo lo'o mstru cha' jo'ó lo'o ngu' cusu' ji'i̱ ngu' judío; ndyu'u ti'i̱ ngu' slo Caifás nu laca xu'na lcaa sti jo'ó jua.

SAN LUCAS 3:2

La cui' tyempo bi' laca Anás lo'o Caifás xu'na sti jo'ó. Li' nda ycui' Ndyosi cha' lo'o Juan sñi' Zacarías ca su ndya'a̱ yu ne' quixi̱',

SAN JUAN 11:51

Si'i cha' nu ngua'ya hique ycui' ca yu nchcui' yu jua'a̱; cha' yija̱ bi' ngua yu xu'na sti jo'ó, bi' cha' nacui̱ yu jua'a̱, cha' cuentya ji'i̱ ycui' Ndyosi nda yu cha' lo'o ngu', ni cña caca ji'i̱ Jesús ca nde loo la lo'o cajaa Jesús lo crusi. Si'i xqui'ya ñati̱ chalyuu jua ti cajaa Jesús,

LOS HECHOS 4:6

Nga'a̱ Anás nu ngua xu'na sti jo'ó, jua'a̱ nga'a̱ Caifás, lo'o Juan, lo'o Alejandro, nga'a̱ lcaa tya'a sti jo'ó nu laca loo.

1 CORINTIOS 1:20

¿Ni cña tso'o cuentya ji'i̱ ycui' Ndyosi ndu'ni ñati̱ nu nchca tsa ji'i̱ lacua? ¿Ni cña ndu'ni ngu' nu ngua tsa'a̱ tso'o ti? ¿Ni cña ndu'ni ngu' nu nchca tsa nchcui' lacua? Sca ti nde chalyuu cua'nijo'o cña bi' ji'i̱ ngu'. Cua nacui̱ ycui' Ndyosi ji'na cha' ná tso'o tsiya' ti sca cha' nu ngua tsa'a̱ ñati̱ chalyuu ti, cha' tonto laca bi'.

1 CORINTIOS 2:6

Masi jua'a̱, cua ntsu'u cha' tso'o nu nchcui' na lo'o ñati̱ nu nduna tso'o cha' ji'i̱ ycui' Ndyosi; cha' nu ngua'ya hique ycui' Ndyosi laca cha' bi', si'i sca cha' nu jlo ti' ñati̱ chalyuu. La cui' ti ná jlo ti' nu laca loo chalyuu cha' bi', masi cua lijya̱ tye cha' culo ngu' bi' cña.