SAN JUAN 11:43 - Chatino Tataltepec

⁴³ Li' cui̱i̱ tsa nchcui' Jesús: ―Lázaro, tyu'u nu'u̱ su ntsu'u nu'u̱ ndacua, tya̱a̱ nu'u̱ nde liya' re.

SAN JUAN 11:43 ပူးပေါင်းရင်းမြစ်များ

SAN MARCOS 4:41

Ndube tsa ti' ngu' ña'a̱ ngu' ji'i̱ Jesús li': ―¿Tilaca laca nu qui'yu re? ―nacui̱ ngu' ji'i̱ tya'a ngu'―, cha' lo'o cui'i̱ ndaquiya' ji'i̱ yu, lo'o jua'a̱ nduna clyoo' lo tayu' cha' nu nda yu ―nacui̱ ngu' ji'i̱ tya'a ndyaca tsa'a̱ ngu'.

SAN JUAN 11:42

Lcaa tsa̱ cua jlo ti' na' cha' nduna nu'u̱ lcaa cha' nu nchcui' na' lo'o nu'u̱; pana nchcui' na' lo'o nu'u̱ juani xqui'ya ñati̱ nu ndi'i̱ re, cha' taca ca jlya ti' ngu' jna' cha' chañi cha' cua nda nu'u̱ jna' lijya̱a̱ chalyuu.

SAN JUAN 11:44

Li' ngutu'u nu ngua jyo'o bi'; ña'a̱ ti tya ngüixi̱i̱ late' ngati̱ tyucui ña'a̱ hichu̱', ña'a̱ ti tya ndyacu̱' chaca late' loo. ―Xati̱' clya ma̱ late' nu ntsu'u chu̱' yu cua ―nacui̱ Jesús ji'i̱ ngu'―, cha' ta ma̱ chacuayá' tya'a̱ yu.

SAN JUAN 12:1

Tya lyiji tya xcuá tsa̱ cha' caca ta'a pascua, li' ñaa Jesús nde quichi̱ Betania chaca quiya'. Laca Betania quichi̱ tyi Lázaro nu ngujuii tya tsubi' la, lo'o li' ngua'ni Jesús cha' ndyu'ú yu chaca quiya'.

SAN JUAN 12:9

Ngujui cha' ji'i̱ ngu' cha' ndi'i̱ Jesús ca bi', lo'o li' ndyaa quiña'a̱ tya'a ngu' judío; tsa tlyu ti ngu' ndyaa na'a̱ ngu' ji'i̱ Jesús. Lo'o jua'a̱ nti' ngu' ña'a̱ ngu' ji'i̱ nu ngua jyo'o Lázaro bi', cha' ngua'ni Jesús cha' ndyu'ú chaca quiya'.

LOS HECHOS 3:12

Cua na'a̱ Pedro ji'i̱ ñati̱ cha' quiña'a̱ tsa ngu' ndyalaa ngu' slo. Li' nchcui' Pedro lo'o ngu' quiña'a̱ bi' ñi'ya̱ nu ngua ji'i̱ nu quicha bi': ―Cu'ma̱ ngu' Israel ―nacui̱ Pedro ji'i̱ ngu'―, ¿ni cha' laca ndube tsa ti' ma̱? ―nacui̱―. Na ndu̱ ti ma̱ nxña'a̱ tsa ma̱ ji'i̱ ya ―nacui̱―. Ndube tsa ti' ma̱ ña'a̱ ma̱ na ca ndyaca ji'i̱ nu qui'yu re. Nacui̱ ma̱ cha' nchca tsa ji'i̱ ya; ngua'ni ya cha' ndyaca tso'o yu re xqui'ya cha' tso'o tsa cha' nu ndu'ni ya lcaa tsa̱, nti' ma̱. Si'i jua'a̱. Jesús laca nu ngua'ni cha' ndyaca tso'o quiya' yu re.

LOS HECHOS 3:6

―Ná ntsu'u cñi jna' ―nacui̱ Pedro ji'i̱―, chaca lo cña ntsu'u jna' cha' cua'ni na' lo'o nu'u̱ ―nacui̱―. ¡Chacuayá' ji'i̱ Jesucristo Nazaret ni!, tyatu̱ nu'u̱ cha' tya'a̱ nu'u̱ ycui' ti.

LOS HECHOS 9:34

Li' nchcui' Pedro lo'o yu quicha bi': ―Eneas ―nacui̱― cua ngua'ni Jesucristo cha' ndyaca tso'o nu'u̱ juani ―nacui̱―. Bi' cha' tyatu̱ nu'u̱, xcua tso'o late' lo qui'ña cua. Hora ti ndatu̱ Eneas li'.

LOS HECHOS 9:40

Nchcui' Pedro lo'o ngu' li': ―Tyu'u ma̱ xi nde liya' ―nacui̱ yu ji'i̱ ngu'. Nu lo'o ndye ndu'u ngu' nde liya', li' ndyatu̱ sti̱' Pedro nchcui' yu lo'o ycui' Ndyosi. Nu lo'o ndye nchcui' yu lo'o ycui' Ndyosi, li' ndyaa yu nde su nscua jyo'o bi', nchcui' yu lo'o jyo'o bi' li': ―Tabita ―nacui̱ yu―, tyatu̱ nu'u̱ juani. Lo'o li' tsa tsiya' ca nguxuti'i̱ Tabita bi' cloo; li' nguxña'a̱ ji'i̱ Pedro, hora ti ndaca'a̱ li'.