SAN JUAN 11:28 - Chatino Tataltepec

²⁸ Ndye nchcui' Marta, li' ndyaa nu cuna'a̱ bi', cuaana ti ngusi'ya ji'i̱ María tya'a ngula: ―Cua tyalaa ti nu Mstru bi' juani ―nacui̱―. Nxi'ya yu jinu'u̱ cha' tsaa nu'u̱ slo yu.

SAN JUAN 11:28 ပူးပေါင်းရင်းမြစ်များ

SAN MATEO 26:18

―Tsaa ma̱ lquichi̱ ca su ndi'i̱ tya'a tso'o na' bi'. Ndi'ya̱ chcui' ma̱ lo'o: “Nacui̱ mstru ji'na cha' cua ngulala ti hora ji'i̱. Lo'o juani nti' ycui' nu cusu' bi' cacu si̱i̱ cuentya ji'i̱ ta'a pascua ca toni'i̱ jinu'u̱ lo'o nu ngu' nu ndyaca tsa'a̱ ji'i̱.”

SAN MARCOS 10:49

Li' ndatu̱ Jesús, se'i̱ ti ndu̱ yu li'. ―Ñacui̱ ma̱ ji'i̱ yu cha' ca̱a̱ yu ca nde ―nacui̱ Jesús. Li' nacui̱ ngu' ji'i̱ nu cuityi̱' cha' tsaa ca slo Jesús. ―Cua'ni tlyu tyiquee nu'u̱ juani ―nacui̱ ngu' ji'i̱ nu quicha bi'―. Tyatu̱ nu'u̱, yaa clya nu'u̱ slo La Jesús jua ―nacui̱ ngu'.

SAN MARCOS 14:14

Su tyatí̱ yu ni'i̱, ndi'ya̱ chcui' ma̱ lo'o nu laca xu'na ni'i̱ bi': “Ndi'ya̱ nacui̱ nu mstru ji'na jinu'u̱: Cua'ni nu'u̱ cha' tso'o cacha' nu'u̱ 'na, ¿macala ntsu'u su ca̱a̱ na' cha' cacu na' si̱i̱ lo'o nu ngu' nu ndyaca tsa'a̱ 'na, cha' cua'ni ya ta'a pascua?” Jua'a̱ ñacui̱ ma̱ ji'i̱ ngu' nu ca tyi bi'.

SAN LUCAS 22:11

Li' chcui' ma̱ lo'o ngu' ca tyi bi': “Ndi'ya̱ ñacui̱ mstru ji'na jinu'u̱: ¿Macala ntucua cuarto su ca̱a̱ na' cha' cacu na' si̱i̱ lo'o ngu' nu ndyaca tsa'a̱ 'na, cha' cua'ni ya ta'a pascua re?” ñacui̱ ma̱ ji'i̱ yu.

SAN JUAN 1:41

Hora ti ndyaa Andrés ndyaana ji'i̱ tya'a, la cui' nu Simón bi'. Li' nchcui' Andrés lo'o: ―Cua nquijeloo ji'i̱ ya ñi'ya̱ nu laca Cristo, nu ñati̱ tlyu nu nda Ni ji'i̱ lijya̱ nde chalyuu ―nacui̱.

SAN JUAN 1:45

Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 10:3

Nslo nu ntsu'u cua̱ to' lo'o ji'i̱ xu'na xlya', bi' cha' nda chacuayá' ndyatí̱ yu bi' ne' lo'o ―nacui̱ Jesús―. Nslo xlya' xtyi'i xu'na ni'; lo'o nxi'ya yu ji'i̱ xlya' ji'i̱ ycui' ca, lijya̱ ni' slo yu, ndya'a̱ lo'o yu ji'i̱ xlya' bi' li'.

SAN JUAN 11:20

Tya cuayá' ndyuna ngu' cha' cua lijya̱ Jesús, hora ti ngutu'u Marta ndyaa cha' tyacua tya'a lo'o Jesús tyucui̱i̱. Sca ti María ndyanu ni'i̱.

SAN JUAN 11:29

Lo'o ndyuna María cha' bi', hora ti ngutu'u ndyaa slo Jesús li'.

SAN JUAN 11:30

Tya lyiji tyalaa Jesús quichi̱, tya nga'a̱ yu su ndyacua tya'a Marta lo'o yu tya tsa̱ la.

SAN JUAN 13:13

“Mstru”, ndu'ni ma̱ 'na; “Xu'na ya”, ndu'ni ma̱ 'na, lo'o chañi tsa cha' bi'. Jua'a̱ laca na' cuentya ji'i̱ ma̱ ―nacui̱ yu―.

SAN JUAN 20:16

―¡María! ―nacui̱ Jesús ji'i̱ li'. Lo'o li' nguxtyacui María na'a̱ su ndu̱ Jesús. ―¡Raboni! ―nacui̱. (Sca cha' hebreo laca; La Mstru 'na, jua'a̱ nti' ñacui̱ cha' bi'.)

SAN JUAN 21:7

Li' nchcui' nu qui'yu nu ngua tsa'a̱ ji'i̱ Jesús nu tyaca'a tsa ji'i̱ yu, nacui̱ ji'i̱ Pedro: ―Nu ndu̱ ca bi' laca ycui' nu Xu'na na ―nacui̱. Nu lo'o ndyuna Pedro cha' bi', li' ndyacu' ste' cha' quichi' ti ndyu'ni cña, ngutacua̱ Pedro ndyú lo hitya, ngutu'u to' tayu'.

1 TESALONICENSES 5:11

Laja lo'o ndu̱ ti' na ji'i̱ Jesús, tya culu'u ma̱ cha' bi' ji'i̱ nu xa' la ngu' tya'a ma̱, cha' caca tlyu la tyiquee ma̱ li'. Jlo ti' na' cha' jua'a̱ ndu'ni ma̱ tu'ni.

HEBREOS 12:12

Xa' ta ma̱ juersa ji'i̱ tyucui ña'a̱ ma̱ lacua, masi ngua cña' tsa ma̱; xa' cua'ni cha' nguula ti' tyiquee ma̱, masi ngua taja ti' ma̱ tsubi'.