SAN JUAN 11:27 - Chatino Tataltepec

²⁷ ―Chañi cha' jlya ti' na', cusu' ―nacui̱ nu cuna'a̱ bi'―. Hasta juani jlya ti' na' cha' nu'u̱ laca Cristo nu ñati̱ tlyu bi', nu'u̱ laca nu sca ti Sñi' ycui' Ndyosi, lo'o jua'a̱ cua nda Ni jinu'u̱ lijya̱.

SAN JUAN 11:27 ပူးပေါင်းရင်းမြစ်များ

SAN MATEO 11:3

cha' xcuane ngu' bi' ji'i̱ Jesús cuentya ji'i̱ Juan ndi'ya̱: ―¿Ha chañi cha' nu'u̱ laca ycui' nu cua ca̱a̱ ti? ―nacui̱ ngu' bi' ji'i̱ Jesús li'―. ¿Ha tya ca̱a̱ la chaca nu caca ycui' Cristo?

SAN MATEO 16:16

Hora ti nguxacui̱ Simón Pedro cha' ji'i̱ Jesús li': ―Cristo laca nu'u̱ ―nacui̱―. Sñi' ycui' Ndyosi nu lu'ú ca laca nu'u̱.

SAN MATEO 16:20

Li' ngulo Jesús cña ji'i̱ ngu' nu ndyaca tsa'a̱ ji'i̱ cha' ná cacha' ngu' ji'i̱ ni sca ñati̱ cha' Cristo laca ycui' yu.

SAN LUCAS 2:11

Cua lijya̱ na' cacha' na' ji'i̱ ma̱ cha' juani cua ngula sca cubi' ca quichi̱ tyi ma̱, cha' la cui' quichi̱ tyi jyo'o David laca bi'; cubi' bi' laca nu cuityi̱ qui'ya nu ntsu'u ji'i̱ ma̱. Bi' laca nu Cristo nu laca ycui' nu Xu'na na, nu cua nda ycui' Ndyosi ji'i̱ cha' lijya̱ lo yuu chalyuu ―nacui̱―.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 4:42

Li' nacui̱ ngu' bi' ji'i̱ nu cuna'a̱ bi': ―Si'i xqui'ya nu'u̱ ngusñi ya cha' ji'i̱ yu juani. Na cua nchcui' ycui' yu lo'o ya, bi' cha' jlya ti' ya cha' nu nchcui' yu; cua nda ya cuentya cha' chañi cha' laca nu cusu' re Cristo, nu ñati̱ tlyu nu cua ca̱a̱ ti cha' cua'ni lyaá ji'i̱ lcaa ñati̱ chalyuu.

SAN JUAN 6:14

Lo'o cua na'a̱ ngu' cña tonu nu ngua'ni ca Jesús, li' nacui̱ ngu': ―Chañi cha' yu jua laca nu cusu' nu chcui' cha' ji'i̱ ycui' Ndyosi lo'o na, nu cua tyu'u tucua ti nde chalyuu.

SAN JUAN 6:69

Jlya ti' ya jinu'u̱. Cua jlo ti' ya cha' ycui' Ndyosi laca nu cua ngusubi jinu'u̱, cha' sca ti nu'u̱ nu chañi cha' laca nu'u̱ Sñi' ycui' Ndyosi nu lijya̱ chalyuu.

LOS HECHOS 8:36

Nu lo'o ndyaa ngu' tyucui̱i̱ bi', li' ndyalaa ngu' ca su ntsu'u hitya. Li' nchcui' nu cusu' bi' lo'o Felipe: ―Nde nscua hitya ―nacui̱ yu―. ¿Ha ná cua'ni cha' tso'o ta chacuayá' tyucuatya nu'u̱ jna'?

LOS HECHOS 8:37

―Tso'o ―nacui̱ Felipe ji'i̱―. Tso'o si chañi cha' tyucui tyiquee nu'u̱ ngusñi nu'u̱ cha' ji'i̱ Jesucristo. ―Cua ngusñi na' cha' bi' tu'ni ―nacui̱ nu cusu' bi'―. Jlya ti' na' cha' sca ti Jesucristo laca Sñi' ycui' Ndyosi.

1 JUAN 5:1

Lcaa ñati̱ nu jlya ti' ji'i̱ Jesús, cha' laca yu Cristo nu cua nda ycui' Ndyosi ji'i̱ ya̱a̱ chalyuu, chañi cha' laca ngu' bi' sñi' ycui' Ndyosi. Ycui' Ndyosi laca Sti na, lo'o jua'a̱ ntsu'u tsa tyiquee na ña'a̱ na ji'i̱ Ni, bi' cha' ntsu'u tyiquee na ña'a̱ na ji'i̱ xa' la sñi' ycui' Ni, tya'a ngusñi na cha' ji'i̱ Jesús.

1 JUAN 5:20

Cua jlo ti' na cha' cua ya̱a̱ nu sca ti Sñi' ycui' Ndyosi nde lo yuu chalyuu, lo'o jua'a̱ cua nda bi' chacuayá' cha' caca tyu'u cha' ji'na lo'o ycui' Ndyosi. Chañi cha' stu'ba ntsu'u tyiquee na lo'o ycui' Ndyosi juani, xqui'ya cha' stu'ba ntsu'u tyiquee na lo'o Jesucristo nu laca Sñi' ycui' ca Ni. Chañi cha' ycui' Ndyosi tsiya' ti laca nu Jesús bi', lo'o jua'a̱ chañi cha' ná nga'a̱ cha' tye chalyuu cucui nu ta Ni ji'na.