SAN JUAN 11:22 - Chatino Tataltepec

²² Pana jlo ti' na' cha' masi juani cua'ni ycui' Ndyosi lcaa cha' nu jña nu'u̱ ji'i̱ Ni.

SAN JUAN 11:22 ပူးပေါင်းရင်းမြစ်များ

SAN MATEO 28:18

Li' ñaa Jesús cacua la, nchcui' lo'o ngu': ―Cua nda ycui' Ndyosi Sti na' lcaa chacuayá' 'na cha' laca na' loo ji'i̱ lcaa na, masi lcaa na nu ntsu'u ca slo ycui' Ni nde cua̱, masi lcaa na nu ntsu'u nde chalyuu ―nacui̱ Jesús ji'i̱ ngu'―.

SAN MARCOS 9:23

―¿Ni cha' laca nacui̱ nu'u̱ 'na jua'a̱, si nchca 'na? ―nacui̱ Jesús ji'i̱―. Lcaa lo cña nchca ji'i̱ sca ñati̱ nu jlya ti' ji'i̱ ycui' Ndyosi ―nacui̱.

SAN JUAN 11:23

Li' nguxacui̱ Jesús cha' ji'i̱ Marta bi': ―Tyu'ú tya'a ngula nu'u̱ chaca quiya'.

SAN JUAN 17:2

Na cua nda nu'u̱ chacuayá' jna' cha' caca na' loo ji'i̱ lcaa ñati̱, cha' ta na' chaca chalyuu ji'i̱ ñati̱ nu nda nu'u̱ 'na, chalyuu nu ná nga'a̱ cha' tye ―nacui̱ Jesús ji'i̱ ycui' Ndyosi Sti yu―.

SAN JUAN 3:35

Ntsu'u tsa tyiquee ycui' Ndyosi Sti yu ña'a̱ Ni ji'i̱ Sñi' Ni, la cui' Jesús bi'; lo'o jua'a̱ lcaa chacuayá' nu ntsu'u ji'i̱ ycui' Ni, la cui' ti cua nda Ni ji'i̱ Sñi' Ni lijya̱.

SAN JUAN 9:31

Jlo ti' lcaa tya'a na cha' ná ndaquiya' ycui' Ndyosi ji'i̱ cha' nu nchcui' ñati̱ cuxi lo'o Ni; ndaquiya' Ni ji'i̱ ngu' lo'o nchcui' ñati̱ nu ndu'ni tacati, ñati̱ nu ndu'ni cña nu ngulo Ni ji'i̱ ―nacui̱―.