SAN JUAN 10:38 - Chatino Tataltepec

³⁸ Pana nu lo'o ndu'ni na' cña ji'i̱ ycui' Ndyosi, li' caca jlya ti' ma̱ jna' xqui'ya cña nu ndu'ni na' bi', masi ná jlya ti' ma̱ cha' nu nchcui' na'. Lo'o li' caca cuayá' ti' ma̱, caca jlo ti' ma̱, cha' stu'ba ntsu'u cha' ji'i̱ Sti na' lo'o na', stu'ba ntsu'u cha' jna' lo'o Sti na'.

SAN JUAN 10:38 ပူးပေါင်းရင်းမြစ်များ

SAN JUAN 10:25

―Jua'a̱ ni na' tsaca quiya' ji'i̱ ma̱ ―nacui̱ Jesús ji'i̱ ngu' bi' li'―, lo'o ná jlya ti' ma̱ cha' nu nchcui' na' lo'o ma̱ tsiya' ti ―nacui̱―. Lo'o ña'a̱ ma̱ cha' ndu'ni na' cña tonu bi' chacuayá' ji'i̱ Sti na', ndyiji cha' liñi ji'i̱ ma̱ li';

SAN JUAN 10:30

Lo'o jua'a̱ stu'ba ntsu'u cha' ji'i̱ ycui' Ndyosi Sti na' lo'o na' ―nacui̱ Jesús.

SAN JUAN 11:4

Lo'o ndyuna Jesús cha' bi', li' nacui̱: ―Ná nga'a̱ cha' cajaa nu quicha bi'. Na quicha yu bi' cha' caca tlyu la ycui' Ndyosi, cha' cua'ni tlyu ngu' jna', cha' na' laca̱ nu sca ti Sñi' ycui' Ndyosi. Lo'o ña'a̱ ngu' ñi'ya̱ cña tonu nu cua'ni na' cha' caca jo'o ji'i̱ yu, li' cua'ni tlyu ngu' ji'i̱ ycui' Ndyosi.

SAN JUAN 14:20

Lo'o jua'a̱ caca cuayá' ti' ma̱ cha' stu'ba ntsu'u cha' jna' lo'o Sti na', cha' ntsu'u cha' ji'i̱ ma̱ lo'o na' ―nacui̱ Jesús―, lo'o jua'a̱ ntsu'u cha' jna' lo'o cu'ma̱.

SAN JUAN 17:11

’Nga'aa tyi'i̱ na' lo yuu chalyuu ―nacui̱ Jesús―, cha' cua tya̱a̱ ti na' nde su ntucua nu'u̱; pana ngu' bi', tya tyi'i̱ la ngu' nde chalyuu. Lubii tsa laca nu'u̱, Sti na', bi' cha' ndijña na' cha' clyu ti' jinu'u̱ cuentya ji'i̱ ngu' nu cua nda nu'u̱ 'na. Cua nti' na' cha' cua'a nu'u̱ ji'i̱ ngu' bi' lo'o juersa ji'i̱ ycui' nu'u̱, cha' ná quiñu'u̱ tyiquee ngu'. Ñi'ya̱ nu stu'ba cha' jinu'u̱ lo'o na' ―nacui̱―, jua'a̱ cua'ni nu'u̱ lo'o ngu' bi', cha' caca stu'ba cresiya ji'i̱ ngu' bi' lo'o tya'a ngu' nu ngusñi cha' jinu'u̱.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 5:36

Pana xti ti cha' 'na nchcui' Juan lo'o ma̱; cua quiña'a̱ la cha' caca ña'a̱ ma̱ juani cuentya jna', nu lo'o ña'a̱ ma̱ cña tonu nu nda Sti na' 'na cha' cua'ni na'. Tya cua'ni na' cña bi' ña'a̱ cuayá' tye bi'. Xqui'ya cña bi' caca cuayá' ti' ma̱ cha' ycui' Sti na' ngulo cña jna' cha' ca̱a̱ na' nde chalyuu re ―nacui̱ Jesús―.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

1 JUAN 3:24

Nu lo'o taquiya' na ji'i̱ cña nu cua ngulo ycui' Ndyosi ji'na cha' cua'ni na, li' cua ntsu'u cha' ji'na lo'o ycui' Ndyosi, lo'o jua'a̱ ntsu'u cha' ji'i̱ Ni lo'o na li'. Jlo ti' na cha' bi', xqui'ya cha' cua nda ycui' Ndyosi Xtyi'i ycui' Ni cha' tyanu ne' cresiya ji'na.