SAN JUAN 1:45 - Chatino Tataltepec

⁴⁵ Li' ndyaa Felipe cha' chcui' lo'o Natanael tya'a ndya'a̱ nu Felipe bi': ―Cua na'a̱ ya ji'i̱ Cristo, nu ñati̱ tlyu nu cua sa'ni nguscua jyo'o Moisés cha' ji'i̱ lo quityi ji'i̱ ycui' Ndyosi ―nacui̱ Felipe―. La cui' cha' ji'i̱ yu bi' cua nchcui' lcaa jyo'o cusu' nu ngua tu'ba ji'i̱ ycui' Ndyosi sa'ni. Jesús naa yu bi', sñi' sca nu naa José. Nazaret laca quichi̱ tyi yu.

SAN JUAN 1:45 ပူးပေါင်းရင်းမြစ်များ

SAN MATEO 10:3

lo'o jua'a̱ ngusubi yu ji'i̱ Felipe, lo'o ji'i̱ Bartolomé, lo'o ji'i̱ Tomás, lo'o ji'i̱ Mateo nu ngusñi cñi cña loo ngu' clyo; lo'o jua'a̱ ngusubi yu ji'i̱ Jacobo sñi' Alfeo, lo'o ji'i̱ Lebeo nu lo'o ndu'ni ngu' Tadeo ji'i̱;

SAN MATEO 13:55

La cui' sñi' cuityi yaca laca yu re. ¿Ha si'i? Lo'o María laca xtya'a̱ yu; lo'o Jacobo, lo'o José, lo'o Simón, lo'o Judas, ngu' bi' laca tya'a yu re.

SAN MATEO 2:23

Ca bi' ndyalaa ngu' quichi̱ Nazaret cha' tyi'i̱ ngu'. La cui' cha' bi' nchcui' jyo'o cusu' nu ngua tu'ba ji'i̱ ycui' Ndyosi nu ngua sa'ni lo'o nchcui' ngu' ndi'ya̱: ngu' Nazaret cua'ni ngu' ji'i̱ nu bi'. Jua'a̱ nchcui' jyo'o cusu' bi' cua sa'ni, bi' cha' jua'a̱ ndu'ni ngu' ji'i̱ Jesús juani.

SAN MATEO 21:11

Li' nguxacui̱ nu quiña'a̱ tsa ñati̱ bi' cha' ji'i̱ ngu' quichi̱ bi': ―Jesús Nazaret laca nu nde. Loyuu su cuentya Galilea laca quichi̱ tyi yu. Tu'ba ji'i̱ ycui' Ndyosi laca yu re ―nacui̱ ngu'.

SAN MARCOS 14:67

Nxña'a̱ nu cuna'a̱ bi' ji'i̱ Pedro su nga'a̱ to' lquii', li' xa' nxña'a̱ tso'o ca ji'i̱ chaca quiya'. ―Lo'o nu'u̱ ndya'a̱ lo'o Jesús Nazaret bi' ―nacui̱ nu cuna'a̱ bi' ji'i̱.

SAN MARCOS 6:3

¿Ha si'i cuityi yaca laca yu re? ―nacui̱ ngu'―. La cui' sñi' María laca re; tya'a Jacobo, tya'a José, tya'a Judas, tya'a Simón laca yu re. Nde quichi̱ tyi na ndi'i̱ ngu' cuna'a̱ tya'a yu re ―nacui̱ ngu' ji'i̱ tya'a ngu'. Chi̱i̱ nti' ngu' ña'a̱ ngu' ji'i̱ Jesús,

SAN LUCAS 18:37

Li' nacui̱ ngu' ji'i̱ yu cha' Jesús Nazaret bi' lijya̱ tyucui̱i̱ juani.

SAN LUCAS 2:4

Cua ndi'i̱ sca quichi̱ nu naa Belén nde loyuu su cuentya Judea bi'; quichi̱ bi' laca quichi̱ tyi jyo'o David nu ngua jyo'o cusu' ji'i̱ José, bi' cha' ndu'u José quichi̱ Nazaret su laca quichi̱ tyi yu, ndyaa yu nde quichi̱ Belén. Stu'ba ti ndyaa yu lo'o María nu caca clyo'o yu, cha' xcua xtañi ngu', masi ngua tana nu cuna'a̱ bi'.

SAN LUCAS 2:48

Lo'o jua'a̱ ngu' cusu' ji'i̱ nu piti bi' ni, ndube tsa ti' ngu' bi' lo'o na'a̱ ngu' ji'i̱ yu cha' stu'ba ti ntucua yu lo'o ngu' tlyu bi'. Li' nchcui' xtya'a̱ yu lo'o yu: ―¿Ni cha' laca ngua'ni nu'u̱ jua'a̱, sñi'? ―nacui̱―. Quiña'a̱ tsa ngulacua ti' na' lo'o sti nu'u̱ macala su ndyanu nu'u̱.

SAN LUCAS 24:27

Li' nguxana Jesús ngulu'u yu cha' ji'i̱ ngu', ña'a̱ cha' nu cua nscua lo quityi cusu' cha' ji'i̱ ycui' yu. Nguxana ngu' lo'o quityi nu nguscua jyo'o Moisés, lo'o li' nchcui' ngu' lo lcaa quityi nu nguscua ngu' nu ngua tu'ba ji'i̱ ycui' Ndyosi nu ngua sa'ni.

SAN LUCAS 24:44

Lo'o ti nchcui' yu lo'o ngu' li': ―Cha' nu ngua ca ti 'na, bi' laca cha' nu cua ndacha' na' ji'i̱ ma̱ lo'o tya ndi'i̱ na' lo'o cu'ma̱ tya tsubi' la ―nacui̱ yu―. Cua nacui̱ na' ji'i̱ ma̱ cha' nga'a̱ cha' caca 'na lcaa cha' nu cua nscua cuentya 'na lo quityi nu nguscua jyo'o Moisés, lo'o jua'a̱ lo quityi nu nguscua jyo'o ngu' nu ngua tu'ba ji'i̱ ycui' Ndyosi nu ngua sa'ni, lo'o jua'a̱ lo quityi Salmos nscua cha' bi'.

SAN LUCAS 3:23

Calaa tyii yija̱ cua ntsu'u Jesús lo'o nguxana ndyu'ni yu cña ji'i̱ ycui' Ndyosi Sti yu. Ngua ti' ngu' cha' José ngua sti yu, lo'o sti José bi' ngua jyo'o Elí;

SAN LUCAS 4:22

Ndube tsa ti' ngu' ña'a̱ ngu' ji'i̱ Jesús cha' tso'o tsa nchcui' yu, jua'a̱ ndiya tsa ti' ngu' cha' nu nda yu lo'o ngu'. Ndi'ya̱ cha' nu nchcui' ngu' lo'o tya'a ngu' ji'i̱ yu li': ―¿Ha si'i ca sñi' José laca yu re? ―nacui̱ ngu'

SAN JUAN 1:44

La cui' ngu' Galilea laca Felipe bi', jua'a̱ laca Andrés lo'o Pedro; quichi̱ Betsaida laca quichi̱ tyi ngu'.

SAN JUAN 12:21

Ñaa xi ngu' griego bi' slo Felipe li'. Quichi̱ Betsaida laca quichi̱ tyi nu Felipe bi'; nde loyuu su cuentya Galilea, ca bi' ndi'i̱ quichi̱ bi'. Li' nchcui' ngu' bi' lo'o Felipe: ―Tyu'u cha' clyu ti' jinu'u̱, cusu', cua nti' ya tyacua tya'a ya xi lo'o Jesús ―nacui̱ ngu'.

SAN JUAN 14:8

Li' nchcuane Felipe ji'i̱ Jesús: ―Cusu' ―nacui̱―, culu'u nu'u̱ ji'i̱ Sti nu'u̱ ji'i̱ ya, tsa bi' ti cha' nti' ya.

SAN JUAN 18:5

―Ji'i̱ Jesús, ngu' Nazaret, bi' laca nu nclyana ya ji'i̱ ―nacui̱ ngu'. ―Na' laca̱ bi' ―nacui̱ Jesús ji'i̱ ngu' li'. Lo'o jua'a̱ stu'ba ti ndu̱ Judas lo'o ngu', nu Judas nu cua ndyujui' cresiya ji'i̱ Jesús ji'i̱ nu ngu' xña'a̱ bi'.

SAN JUAN 18:7

Chaca quiya' nchcuane Jesús ji'i̱ ngu': ―¿Ti ji'i̱ nclyana ma̱ ndya'a̱ ma̱? ―nacui̱. ―Ji'i̱ Jesús, ngu' Nazaret, yu bi' laca nu nti' ya ―nacui̱ ngu'.

SAN JUAN 19:19

Li' ngulo Pilato cña cha' ndi'ya̱ scua sca cha' hique crusi bi': “Nu nde laca Jesús Nazaret, rey ji'i̱ ngu' judío”. Jua'a̱ cha' nguscua bi'.

SAN JUAN 21:2

Tsa tlyu ti ndyaa Simón Pedro, lo'o Tomás nu Culaca', lo'o Natanael ngu' quichi̱ Cana, sca quichi̱ nu ndi'i̱ nde loyuu su cuentya Galilea; lo'o sñi' Zebedeo, lo'o tya tyucuaa tya'a ngu' nu ngua tsa'a̱ ji'i̱ Jesús, ndyaa ngu' to' tayu' bi'.

SAN JUAN 6:42

Li' nacui̱ ngu': ―¿Ha si'i Jesús sñi' José laca nu jua? ―nacui̱ ngu'―. Cua nslo na ji'i̱ sti yu lo'o xtya'a̱ yu. ¿Ñi'ya̱ ndyu'u cha' nu nchcui' yu jua cha' cua ngutu'u yu ca su ntucua ycui' Ndyosi?

SAN JUAN 6:5

Lo'o li' na'a̱ Jesús cha' tsa tlyu ti ndyalaa quiña'a̱ tsa ñati̱ ca su ntucua ycui'. Li' nchcuane yu ji'i̱ Felipe: ―¿Macala cui'ya na tyaja cha' cacu ñati̱ quiña'a̱ cua? ―nacui̱ Jesús.

SAN JUAN 6:7

Lo'o li' nguxacui̱ Felipe cha' ji'i̱ yu: ―Ná tyu'u scua tucua mil paxu cha' cui'ya na na cacu lcaa ngu' re, masi xca ti caja xi cacu scaa ngu' ―nacui̱.

LOS HECHOS 10:38

Jlo ti' ma̱ ñi'ya̱ nguti'i̱ Jesús chalyuu, la cui' Jesús Nazaret. Cua ngusubi ycui' Ndyosi Sti yu ji'i̱ Jesús, nda la Ni juersa ji'i̱ nu Jesús bi' nu lo'o ndyalaa Xtyi'i ycui' Ni lo yu. Lcaa su nguta'a̱ yu ngua'ni yu cha' tso'o lo'o ñati̱, lo'o jua'a̱ ngua'ni yu cha' ndyaca tso'o ngu' nu quicha tsa, masi ñati̱ nu ntsu'u tsa cha' ti'í ji'i̱ xqui'ya cha' ngusñi cui'i̱ cuxi ji'i̱ ngu'. Ngua'ni Jesús cña jua'a̱, cha' nguxtyucua ycui' Ndyosi ji'i̱ yu.

LOS HECHOS 2:22

’Cu'ma̱ ngu' Israel ―nacui̱ yu―, cua'a̱ jyaca̱ ma̱ ji'i̱ cha' nu chcui' na' lo'o ma̱ juani: Ngu' Nazaret laca Jesús. Nguxtyucua ycui' Ni ji'i̱ yu lo'o ngua'ni yu xcui' cña tonu ca slo ma̱. Ngulacua tsa ti' ma̱ lo'o na'a̱ ma̱ cña tonu bi', lo'o ngua cuayá' ti' ma̱ cha' xcui' cña ji'i̱ ycui' Ndyosi ngua.

LOS HECHOS 22:8

“¿Tilaca laca nu'u̱, cusu'?” nacui̱ na' ji'i̱ li'. “Jesús Nazaret laca na'”, nacui̱ yu jna'. “Nxu̱u̱ tya'a nu'u̱ lo'o ycui' na', bi' cha' nchca quicha ti' na'.”

LOS HECHOS 26:9

’Clyo ngua ti' na' cha' lye tsa xcube' na' ji'i̱ ñati̱ nu cua ngusñi cha' ji'i̱ Jesús Nazaret,

LOS HECHOS 3:6

―Ná ntsu'u cñi jna' ―nacui̱ Pedro ji'i̱―, chaca lo cña ntsu'u jna' cha' cua'ni na' lo'o nu'u̱ ―nacui̱―. ¡Chacuayá' ji'i̱ Jesucristo Nazaret ni!, tyatu̱ nu'u̱ cha' tya'a̱ nu'u̱ ycui' ti.