SAN JUAN 1:38 - Chatino Tataltepec

³⁸ Nguxtyacui Jesús tyucui̱i̱ su ya̱a̱, na'a̱ yu cha' lca'a̱ ngu' bi' ji'i̱. Li' nchcuane Jesús ji'i̱ ngu': ―¿Na laca tsaana cu'ma̱? ―Mstru ―nacui̱ ngu' ji'i̱ Jesús―, ¿macala ndi'i̱ nu'u̱? ―Ca̱a̱ na'a̱ ma̱ xi 'na ―nacui̱ Jesús li'.

SAN JUAN 1:38 ပူးပေါင်းရင်းမြစ်များ

SAN LUCAS 10:39

Lo'o jua'a̱ ntsu'u sca tya'a ngula Marta nu naa María. Hora ti ndyaca'a̱ nu María bi' cacua ti slo Jesús cha' cuna cha' nu chcui' yu;

SAN LUCAS 14:25

Quiña'a̱ tsa ñati̱ ndya'a̱ lo'o Jesús, lo'o li' nchcui' yu lo'o ngu' chaca quiya':

SAN LUCAS 15:20

Li' ngutu'u yu ndyaa yu tyucui̱i̱ cha' ñaa yu nde to' tyi sti yu. ’Tya tyijyu' ñaa yu lo'o na'a̱ sti yu ji'i̱ yu. Hora ti ndyaa sti yu ndyacua tya'a lo'o yu; ngüityi sti yu ji'i̱ yu li', nchcuicha' sti yu ji'i̱ yu cha' ngua tya'na ti' sti yu ji'i̱ yu.

SAN LUCAS 19:5

Nu lo'o nteje tacui ti, li' nguxña'a̱ Jesús nde cua̱, nchcui' lo'o Zaqueo bi': ―Zaqueo ―nacui̱ Jesús ji'i̱ yu―, cua'ya clya nu'u̱, cha' nga'a̱ cha' tyalaa na' to' tyi nu'u̱ juani.

SAN LUCAS 22:61

Li' nguxtyacui loo Jesús su ndu̱ ne' ni'i̱, cha' ña'a̱ ji'i̱ Pedro. Hora ti ndyi'u ti' Pedro cha' nu cua nchcui' Jesús lo'o yu tya tsa̱ la. Ndi'ya̱ ngua cha' bi': “Nu lo'o tya lyiji xi'ya ndye'e talya juani, li' sna quiya' ñacui̱ nu'u̱ cha' ná nslo nu'u̱ 'na”, nacui̱ Jesús tya li'.

SAN LUCAS 8:38

Laja li' ndijña tsa nu qui'yu nu cua ngutu'u ca ti cui'i̱ xña'a̱ ji'i̱, cha' lo'o yu tsaa yu lo'o Jesús ne' yaca ni'i̱ bi'; pana ná nda Jesús chacuayá' tya'a̱ yu lo'o.

SAN JUAN 1:37

Lo'o ndyuna nu tucua tya'a ngu' bi' cha' nu nacui̱ Juan, li' ndyaa lca'a̱ ngu' bi' ji'i̱ Jesús.

SAN JUAN 1:39

Bi' cha' ndyaa ngu' ni'i̱ ca su ndyalaa Jesús, ndyaa chcui' ngu' lo'o yu. Ngua hora cua jacua nde ngusi̱i̱ lo'o ndyalaa ngu' ca bi', lo'o li' ndyanu ngu' lo'o yu tyucui nde ngusi̱i̱.

SAN JUAN 1:49

―Mstru ―nacui̱ Natanael―, chañi cha' nu'u̱ laca nu sca ti Sñi' ycui' Ndyosi, nu'u̱ laca Rey nu laca loo ji'i̱ ngu' Israel.

SAN JUAN 12:21

Ñaa xi ngu' griego bi' slo Felipe li'. Quichi̱ Betsaida laca quichi̱ tyi nu Felipe bi'; nde loyuu su cuentya Galilea, ca bi' ndi'i̱ quichi̱ bi'. Li' nchcui' ngu' bi' lo'o Felipe: ―Tyu'u cha' clyu ti' jinu'u̱, cusu', cua nti' ya tyacua tya'a ya xi lo'o Jesús ―nacui̱ ngu'.

SAN JUAN 18:4

Jlo ti' Jesús lcaa cha' nu nga'a̱ cha' cua'ni ngu' lo'o yu, bi' cha' ndyaa yu ndyacua tya'a yu lo'o ngu' xña'a̱ bi' tyucui̱i̱ su lijya̱ ngu'. Li' nchcuane Jesús ji'i̱ ngu': ―¿Ti ji'i̱ lijya̱ ma̱ yaana ma̱? ―nacui̱ yu ji'i̱ ngu' bi'.

SAN JUAN 18:7

Chaca quiya' nchcuane Jesús ji'i̱ ngu': ―¿Ti ji'i̱ nclyana ma̱ ndya'a̱ ma̱? ―nacui̱. ―Ji'i̱ Jesús, ngu' Nazaret, yu bi' laca nu nti' ya ―nacui̱ ngu'.

SAN JUAN 3:2

Ndyaa nu cusu' bi' sca talya su nga'a̱ Jesús: ―Mstru Jesús ―nacui̱―, jlo ti' ngu' cha' nu'u̱ laca sca mstru nu nda ycui' Ndyosi ji'i̱ lijya̱ chalyuu, cha' ná ngua jinu'u̱ cua'ni ni sca cha' tlyu si ná nxtyucua ycui' Ndyosi jinu'u̱. Ná nchca ji'i̱ ñati̱ chalyuu cua'ni ngu' jua'a̱ ―nacui̱ Nicodemo ji'i̱ Jesús.

SAN JUAN 3:26

Bi' cha' ya̱a̱ ngu' slo Juan cha' chcui' ngu' lo'o: ―Mstru ―nacui̱ ngu'―, nu ñati̱ nu ya̱a̱ slo nu'u̱ nde chaca tsu' sta'a̱ Jordán tya tsubi' la, la cui' nu nacui̱ nu'u̱ cha' loo la laca ycui' yu, cua ndyalaa yu bi' ntyucuatya yu ji'i̱ ñati̱ nde tsu' re juani. Ndya'a̱ tsa ngu' slo.

SAN JUAN 4:31

Laja li' ndu̱ ñati̱ nu ndyaca tsa'a̱ ji'i̱, tya'na nchcui' ngu' lo'o Jesús cha' cacu yu xi tyaja. ―Mstru ―nacui̱ ngu'―, cacu nu'u̱ xi.

SAN JUAN 6:25

Ca chaca tsu' bi' njyacua ngu' ji'i̱ Jesús. Lo'o ti nchcuane ngu' ji'i̱ yu li': ―Mstru ―nacui̱ ngu'―, ¿ni hora ngutu'u nu'u̱ lijya̱ ti nde?

LOS HECHOS 10:21

Li' hora ti ngua'ya Pedro cha' chcui' lo'o ngu' bi'. ―La cui' na' laca̱ nu ndya'a̱ ma̱ nclyana ma̱ ―nacui̱ Pedro ji'i̱ ngu'―. ¿Ni cña cua'ni ta na' ji'i̱ ma̱ nti' ma̱?

LOS HECHOS 10:29

Bi' cha' lijya̱ na' ca nde juani. Nu lo'o ndyalaa ti msu jinu'u̱ ca slo na', hora ti ndu'u na' lijya̱ na' lo'o ngu' re; nga'aa nchcui' tsa na' lo'o msu bi'. Bi' cha' juani, ¿ni cña cua'ni ta na' ji'i̱ cu'ma̱ nti' ma̱?