SAN JUAN 1:26 - Chatino Tataltepec

²⁶ ―Lo'o hitya ti ntyucuatya na' ji'i̱ ngu' ―nacui̱ Juan―. Pana ndu̱ chaca ñati̱ slo cu'ma̱ juani, masi ná nslo ma̱ ji'i̱ yu bi'. Tiya' la ya̱a̱ nu ndu̱ bi' nde chalyuu, na' ngula̱ yala la; pana tlyu la cha' nu ntsu'u ji'i̱ ycui', sube la cha' jna' ―nacui̱ Juan ji'i̱ ngu'―.

SAN JUAN 1:26 ပူးပေါင်းရင်းမြစ်များ

SAN MATEO 3:11

Lo'o na' ni, ntyucuatya na' ji'i̱ ma̱ lo'o hitya, si chañi cha' cua ngua tyuju'u ti' ma̱ ji'i̱ qui'ya nu ntsu'u ji'i̱ ma̱; pana cua ca̱a̱ ti sca ñati̱ nu tso'o la que na'. Lo'o na', cua'ni tlyu na' ji'i̱ ñati̱ bi'; tso'o tsa caca tyiquee na', masi caña nu ntsu'u quiya' ñati̱ bi' culo na'. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti; pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu' nu lo'o tyucuatya yu ji'i̱ ngu', lo'o li' subii Ni ji'i̱ ngu' lo'o xee ji'i̱ Ni cha' caca lubii ne' cresiya ji'i̱ ngu'.

SAN MATEO 3:6

Li' ntyucuatya Juan ji'i̱ ngu' nu ndya'a̱ slo yu nde lo hitya Jordán, ntyucuatya yu ji'i̱ lcaa ngu' nu nchcui' cha' ngua tyuju'u ti' ngu' ji'i̱ cha' cuxi nu ndyu'ni ngu'.

SAN MARCOS 1:8

Lo'o hitya ti ntyucuatya na' ji'i̱ ma̱, pana ná tyucuatya yu bi' ji'i̱ ngu' lo'o hitya ti, masi cua'ni yu cha' tyanu Xtyi'i ycui' Ndyosi ne' cresiya ji'i̱ ngu' cha' caca lubii ngu' tsiya' ti, nu lo'o tyucuatya yu ji'i̱ ngu'.

SAN LUCAS 3:16

Li' nchcui' Juan lo'o lcaa ngu' nu ndi'i̱ bi': ―Lo'o hitya ti ntyucuatya na' ji'i̱ ma̱ ―nacui̱ Juan―, pana cua ca̱a̱ ti chaca ñati̱ slo cu'ma̱ nu nchca la ji'i̱ que na'. Lo'o na' cua'ni tlyu na' ji'i̱ ñati̱ bi'. Tso'o tsa cña ngujui 'na nti' na', masi caña ntsu'u quiya' ñati̱ bi' sati̱' na' juata. Lo'o nu ñati̱ bi' ni, ná tyucuatya yu ji'i̱ ngu' lo'o hitya ti, pana cua'ni yu cha' tyanu Xtyi'i ycui' Ndyosi ne' cresiya ji'i̱ ngu', nu lo'o tyucuatya yu ji'i̱ ngu'. Lo'o li' cua'ni lubii Ni ji'i̱ ngu' bi' lo'o xee ji'i̱ Ni, cha' jua'a̱ caca tso'o tyiquee ngu' ―nacui̱―.

SAN JUAN 16:3

Jua'a̱ cua'ni ngu' bi', cha' ná nslo ngu' ji'i̱ ycui' Ndyosi Sti na'; la cui' jua'a̱ ná nslo ngu' jna' ―nacui̱ Jesús―.

SAN JUAN 17:25

Sti na' ―nacui̱ Jesús―, xcui' cha' liñi ndu'ni nu'u̱. Nslo na' jinu'u̱, masi ná nslo ñati̱ chalyuu jinu'u̱. Pana jlo ti' ñati̱ nu ngusñi cha' jna' cha' nu'u̱ laca nu nda 'na lijya̱a̱ nde chalyuu.

SAN JUAN 17:3

Chalyuu nu ta na' ji'i̱ ngu' laca cha' tyuloo ngu' jinu'u̱, nu'u̱ nu laca sca ti ycui' Ndyosi nu ntucua nde cua̱; lo'o jua'a̱ tyuloo ngu' jna', cha' laca na' Jesucristo nu nda nu'u̱ lijya̱a̱.

SAN JUAN 8:19

―¿Macala ntsu'u Sti nu'u̱ lacua? ―nacui̱ ngu' ji'i̱ Jesús li'. ―Ná nslo ma̱ jna' tsiya' ti, lo'o la cui' ti ná nslo ma̱ ji'i̱ Sti na' ―nacui̱ Jesús ji'i̱ ngu'―. Si cua ndyuloo ma̱ jna', la cui' jua'a̱ cua ndyuloo ma̱ ji'i̱ Sti na' li'.

LOS HECHOS 1:5

Clyo cua ntyucuatya Juan ji'i̱ ñati̱ lo'o hitya ti; pana cua tyalaa ti tsa̱ nu ca̱a̱ Xtyi'i ycui' Ndyosi cha' tyanu ne' cresiya ji'i̱ ma̱, jua'a̱ tyucuatya ycui' Ndyosi ji'i̱ ma̱.

LOS HECHOS 11:16

Ntsu'u ti' na' li', cha' tya tsubi' la nchcui' ycui' nu Xu'na na lo'o na ndi'ya̱: “Tsubi' cua ntyucuatya Juan ji'i̱ ñati̱ lo'o hitya ti”, nacui̱, “pana xa' ña'a̱ cua'ni ycui' Ndyosi cha' caca lubii cresiya ji'i̱ ma̱ nu lo'o tyanu Xtyi'i ycui' Ndyosi ne' cresiya ji'i̱ ma̱”.

LOS HECHOS 19:4

―Cua ntyucuatya Juan ji'i̱ ñati̱ cha' caca cuayá' ti' xa' ñati̱ cha' cua ngulochu̱' ngu' bi' lcaa cha' cuxi nu ntsu'u ne' cresiya ji'i̱ ngu' ―nacui̱ Pablo ji'i̱ ngu'―. Nchcui' Juan lo'o ngu' cha' cua ca̱a̱ ti chaca ñati̱ nu laca Jesucristo, lo'o jua'a̱ ntsu'u cha' xñi ngu' cha' ji'i̱ yu bi' li'.

1 JUAN 3:1

Tlyu tsa cha' tso'o laca cha' ntsu'u tsa tyiquee ycui' Ndyosi Sti na ña'a̱ Ni ji'i̱ ca ta'a ngu' tya'a ntsu'u cha' ji'na lo'o Jesucristo; bi' cha' laca cha' nchcui' ycui' Ndyosi ji'na cha' sñi' ycui' Ni laca na, lo'o jua'a̱ chañi laca cha' bi'. Ná ntaja'a̱ ñati̱ chalyuu tyuloo ji'na cha' sñi' Ni laca na; la cui' jua'a̱ lo'o nguti'i̱ Jesucristo chalyuu, ná ntaja'a̱ ngu' tyuloo ngu' ji'i̱ yu li'.