HEBREOS 8:9 - Chatino Tataltepec

⁹ Si'i la cui' cha' ñi'ya̱ nu cua ngüiñi 'na lo'o jyo'o cusu' ji'i̱ ngu' bi' nu ngua sa'ni, nacui̱ Ni. Nu ngua li' ntejeya' na' ji'i̱ ngu' cha' ngutu'u ngu' ca quichi̱ tyi ngu' Egipto, ndyaa ngu'. Pana ná ndaquiya' ngu' ji'i̱ cha' nu cua ngüiñi 'na lo'o ngu'; ña'a̱ ti ngua'ni tsa ngu' cha' cuxi, bi' cha' nga'aa ntucuá na' cha' ji'i̱ ngu', nacui̱ ycui' Ndyosi nu Xu'na na.

HEBREOS 8:9 ပူးပေါင်းရင်းမြစ်များ

SAN MARCOS 8:23

Bi' cha' ndaya' Jesús ya' nu cuityi̱', ndyaa lo'o yu ji'i̱ ca to' quichi̱. Ngutu'u hitya sañi' Jesús cloo nu quicha, ngusta ya' yu cloo nu cuityi̱' bi' li'. ―¿Ha cua ña'a̱ nu'u̱ sca na? ―nacui̱ Jesús ji'i̱ nu quicha.

LOS HECHOS 13:11

Xcube' nu Xu'na ya jinu'u̱ juani, cha' nga'aa caja ñi'ya̱ ña'a̱ nu'u̱ xee cua̱; tyu̱u̱ tsa̱ tyanu cuityi̱' ti nu'u̱ li'. Hora ti ngua cuityi̱' yu cucha'a̱ bi' li', nga'aa ngua ña'a̱ yu tsiya' ti. Li' nclyana yu ji'i̱ sca ñati̱ nu xñi ya' yu cha' tsaa lo'o ji'i̱ yu nde liya'.

LOS HECHOS 7:36

Nda ycui' Ndyosi chacuayá' ji'i̱ jyo'o Moisés cha' cua'ni yu cña tonu cha' cube ti' ngu' ca loyuu su cuentya Egipto. Xqui'ya cha' ngua ji'i̱ yu ngua'ni yu cña tonu bi', bi' cha' ngua ji'i̱ yu ngulo yu cña ji'i̱ lcaa ngu' Israel tya'a yu, cha' ngutu'u ngu' loyuu su cuentya Egipto nguta'a̱ lo'o Moisés ji'i̱ ngu' bi'. Xa' ngua'ni yu cña tonu to' tyujo'o nu naa Tyujo'o Nga'a. Li' nguta'a̱ yu lo'o ngu' nde sca loyuu btyi su ná ntsu'u hitya nu co'o ngu', lo'o jua'a̱ chaca quiya' ngua'ni yu cña tonu cha' cube ti' ngu' ji'i̱ ycui' Ndyosi. Cua tu'ba yija̱ nguta'a̱ nu Moisés bi' lo'o ngu'.

LOS HECHOS 9:8

Li' ndatu̱ Saulo, ngusaala yu cloo yu; pana nga'aa ngua ña'a̱ yu, ngua talya loo yu tsiya' ti. Li' ntejeya' chaca ñati̱ ya' yu cha' nga'aa ngua ña'a̱ yu, ndyaa lo'o ngu' ji'i̱ yu nde quichi̱ Damasco.

GÁLATAS 4:24

Sca cui̱i̱ nu nda na' lo'o ma̱ laca cha' bi': tucua tya'a ngu' cuna'a̱ ngua bi', nu jua'a̱ nti' ñacui̱ cha' ntsu'u tucua lo cha' nu nda ycui' Ndyosi lo'o ñati̱ chalyuu. Lo xlya ca'ya Sinaí nu nscua nde Arabia, ca bi' nguxana tsaca cha'; stu'ba nti' cha' bi' lo'o Agar, nu cuna'a̱ nu ngüi'ya ti jyo'o Abraham. Ñati̱ nu jlya tsa ti' ji'i̱ cha' bi', laca ngu' ñi'ya̱ laca sca msu nu ngüi'ya ti ñati̱.